睇歌劇

今日和朋友去機場博覽館睇歌劇,先坐巴士去東涌食野,再坐車去博覽館。

今日去博覽館見到會計專業試在博覽館考,好在我當年考會計專業試不用去咁遠!! 

呢部歌劇幾年前係香港做過,當時無睇,今次係第一次睇歌劇,有中文字幕,唔會唔明。

好在我入場前買了頸鏈,完場時超多人買紀念品...

四日聖誕假話咁快就放完,明日又返工。。。

 口尸

又到聖誕

一年一度的聖誕節又到,今年第一年在此部門過聖誕,聖誕聚餐是平安夜全個部門在中午一齊舉行,超多人而且係平台食到會食品,一邊企一邊拎住隻碟食野,我就覺得一d都唔享受,仲好辛苦。。。

聖誕節那天同媽咪和阿姨行街,大家都買左件衫,因下月有飲宴。。。

放假兩日部分時間都有雨,所以都無去太多地方,主要在家休息。。。

冬天

大自然四時變化,帶來不同天氣,最近天氣變冷,冬天正式來臨。

我係超怕凍的,冬天一定要著羊毛底衫,吸厚棉被,所以其實我好唔喜歡冬天。。。

最近工作開始忙,所以自己都較大壓力!幸好都有一些新認識的朋友仔經常鼓勵自己,我的確是幸福的,所以要感恩,要有多d正能量。。。

身體

最近自己的身體麻麻,花了不少時間和金錢去睇醫生和檢查。興幸目前未有大問題,確實要好好保重身體!!!

自己一直知道身體要緊,也保持健康的生活習慣,奈何健康和體重一直未有進步。

飲食,睡眠,情緒等都對健康有影響,希望自己面對工作的問題和壓力方面能好好處理!!

人事管理

最近,我的下屬似乎顯得未能好好管理他旗下同事,他想我出面去或搬我出來震住佢班同事。

起初佢咁提出時我一時鬆懈,無意識到當中的嚴重性,經身邊同事提點後覺得做法有所不妥,如果我出面可能不太合適。所以,稍後我打算和我下屬傾傾,叫他好好處理。

在人事管理方面,我無乜經驗,而且個性較"淋善",真的要好好注意。。。

毛冷

天氣開始凍,好多喜歡織野的人又開始密密織。。。

朋友見冷舖減價,幫我買埋,以下是我買的冷,而且上司明年初退休,希望鉤d野送作退休禮物

今日放假試鉤,希望能做出滿意作品。。。

為自己加油打氣

最近自己身體不太好,所以連心情都受影響。

然而,我從一位最近新認識的朋友學到好多,包抱不要為未發生的事擔心,關關難過關關過!!!

同事相處

我的下屬今個星期調職，我對新的下屬印象麻麻，希望大家可以相處和合作到，否則我的工作壓力將會更大！

這個月開始工作比之前忙碌，希望自己應付到！！！

痛心+失控

昨日整天離開自己的辦公室面見其他人士,五點半後才回到辦公室處理工作和向上司交代事情。七點過後,上司走過來向同事說旺角很亂,叫我們不要太夜放工(我在九龍區上班)。

下班後看新聞,見到暴徒式的破壞在旺角出演,非常傷感,也心痛那些出自真心為香港未來而站出來的學生!

人在做,天在看!!!

安好

從電視中看到群眾在金鐘集會的情況，希參加人士平安！！！

心態

十月開始工作會較忙碌，加上我的下屬會調職，有新人接手，自己四月才到現時部門，好多野都未經歷過，都擔心應付不來！

自己不再是十八廿二，應該要更成熟一點，處理和面對生活和工作的種種難題！

最近我開始學識要知道"工作不等於賣命"這態度！這不是指要偷懶唔做野，而是盡己之力做到最好，而不是無條件拼命地不停做！！！

另一心態就是"凡是總有第一次", 好多以前未接觸過的工作而家都要去應付，自己嘗試用方法去摸索和完成！！！雖然未必好快好順利就做到，但都有努力過，問心無慚！！！

自己身體一向不太好，不希望會因為工作壓力而令身體更差，所以希望用正確的心態去面對一切，以免影響健康和情緒！！！

週記

今個星期一放工掛三號風球，放工離開辦公室時都未下雨，等等下車就開始落大雨。。。

星期二早上仍然係八號風球，改掛三號風球後出門上班，風非常大，我的雨傘係屋企樓已被吹反，家人拎了另一把雨傘給我。。。去到西鐵站，勁多人，我坐前一個站才上到車，落西鐵後要轉小巴，原先擔心無車或好多人等車，好在一去到小巴站就有車。。。

呢個星期放工等小巴好多人，有時等近二十分鐘都上唔到小巴，要坐巴士。。。現時工作的位置交通真的十分不便，有時小巴仲好大煙味，令我好討厭！！！

身體

星期一放假去左做檢查，心電圖檢示心房偏大，要睇專科，約期等到十月有得睇，希望一切順利！！！

澳門遊

上星期日同朋友去澳門，主要係去睇水舞間，我是第一次去澳門呢！

出發前問facebook 的澳門朋友有咩好介紹，朋友仔非常好人，話去碼頭接我和陪我到處去！！！

在氹仔落船後好多人過關，排左好耐隊先過完關，一出門口已經見到朋友係門口等我，之後一齊坐車返本島，先去新馬路附近食葡菜，味道唔錯，食食下落大雨，等到無咁大雨我們就離開食店。。。

之後朋友帶我們坐巴士，仲預備埋澳門八達通俾我，我們坐車去龍環葡韻睇葡式建築，再係官也街行下，買手信。。。再坐車去威尼斯人食葡撻。。。

行到咁上下就出發睇五點開場的水舞間，我媽咪之前睇過話好睇，所以這是我去澳門的主要目的，呢個表演真係幾精彩，我相信亞洲應該無乜其他地方有類似表演。。。

完場後澳門朋友和我們一齊食晚飯，再陪我們們坐車去碼頭，真係好多謝佢！！！

即日來回真係幾攰，所以我星期一放假，更約了以前的中學老師見面！！！

台灣好友的心意

星期一跟遠從台灣來香港的朋友見面,會合她們時看到她們每人拿著一個環保袋,我以為她們買了鞋。

結果她們說手上的東西全部都是給我的,我真的很驚訝,也很感動,她們千里迢迢不辭勞苦帶這麼多東西給我!!!看到這堆禮物,有種好像剛從台灣回來滿載而歸的感覺!!!

平常被嘲瘦弱的我,昨晚左邊揹著包包,右邊背著一個小袋子,兩隻手再各提一箱米粉,頓覺自己的力氣也不少。(呵呵,還好那些米粉不是很重,否則真的提不動)

真的謝謝Ann,秀鳳和她女兒呢!!!那晚還和她們看幻彩詠香江,我自己也是第一次看呢!!!

災禍

最周邊地區口真的有很多不幸消息,台灣發生空難和氣爆,內地發生廠房爆炸和地震,非洲則有疫症,每當看到新聞報導都會有點難過!!!

真的希望不幸的事能告一段落,令傷亡減到最少!!!

這一週

今個星期本來生日那天想放假，不過工作較忙，所以生日那天如常上班，放工卻撞正西鐵故障，企左成個鐘先返到家，腳都軟！！！

又大一歲，希望自己能更勇敢，更堅強，更有能力處理問題！自己一直都很幸福，在'温室'在長大，沒有捱過什麼苦。人愈大，反而覺得有經歷的人生更可貴，所以我希望自己也可以從經歷和鍛鍊之中有所得著，能更好的應付生活中的挑戰！！！


由星期一開始喉嚨已有少少唔舒服，食左以前配的藥都無好轉，於是星期五請假睇醫生，本想請全日，但阿姐唔多想批全日，結果請下午半天假。

睇完醫生，食左藥個人軟賴賴，幸好周未放假可以在家好好休息！！！

工作的點滴

最近工作的壓力較大，因為有一個項目未能在期限前完成，遭對方部門催促。。。

自己亦為此擔心，不知何時才可把工作完成。 幸好有同事幫手一齊去做，把情況告知上司她也沒有責備，上司亦願意提供協助，出面尋求我們部門其他分組的同事幫手(因我們需要他們提供資料才能完成此工作) ,能碰上這種上司實屬難得，而她明年三月就退休，希望接替她的上司也會像她這般為同事。

自己亦希望能在現時上司身上學習，更好的裝備自己，應付日後工作上的難題。

工作地點+待人處事

我由四月開始調到粉現時的部門，返工的地點偏遠，係火車/地鐵站要再坐小巴，我超憎坐小巴，d司機開車好似舞龍，最難頂係有時架小巴超臭煙味，我懷疑司機開車前係車上煲煙！！！

而我上司都係一個工作認真和著緊的人，不過佢心地唔錯，有時我有工作上的問題想找她討論時，佢都樂意抽時間同我傾！！！

而我們的工作，除了專業的部分，都要處理埋員手的人事問題，人事一向係我的弱項，而且以前自己亦沒用有這分面的經驗。

無論係專業或人事方面，我都覺得現時的上司對自己待人處事有所啟發，是一個值得學習的對像！！！

米粉

我前幾次去台灣食過呢隻米粉，口感和味道都不錯，自己好喜歡！！！

以前我係香港唔見有得賣，直到早前家人係一間叫"著數店"的零食舖見到，立即買回家！！！

頭一次係買左一袋的，有五包(當時全店得返一袋), 今日再去，只係得碗裝！！！

回家把找到米粉的消息和相上傳facebook, 台灣的朋友知我在香港買唔到袋裝，話寄來給我(但我覺得郵費仲貴過米粉), 又有朋友話去台灣時幫我買，真係好開心自己能有咁好的朋友！！！

其實自己最近也跟因一個網上朋友對待自己的態度而唔開心，經此不愉快事件，令自己認清邊d先係真正朋友！！！

h

人生

話說我上月去台灣其中一個主要目的係算命(因去年升級後自己一直不太有信心) ，而上一次跟台灣朋友傾計時佢講以前曾經去算命，她和她的朋友看過都覺得好準，於是我上月專誠去台北拜會這位師傅！

這位師傅算命方法較特別，只需出生年份，加上一片樹葉和看掌！工作方面佢無講太多，只係話我工作運平穩，不會升太高級，反而他說我最大的困擾會是感情和婚姻，建議我隨緣，放開一點！！！

他的收費不算平，只有二十分鐘時間左右，收費約港幣一仟！！！我後來也有介紹朋友去看這個師傅，朋友和她先生也覺得這位師傅不錯！！！

我回港後有些細節想問返師傅，用line 聯絡他時，他也樂意解答！！！他回覆時說的一句話我覺得很有啟發，"每個人的一生禍福已注定。。。當然要再接再勵勇往邁進，但也無需拼死拼活的硬幹。。。人生不是還有很多要去追求的嗎。。。何不尋找另一面人生的幸福。。。"

人生其實真的有很多方面值得去追求，所以我都提醒自己唔好過份著眼某方面，過得健康開心最重要！！！

周年晚宴+與老師再見面

星期五是部門的周年晚宴，我是第一次參加，有不是節目和遊戲，都幾精彩！

晚宴我坐阿姐隔鄰，阿姐都有同我傾計，又講下d 鼓勵說話！！！

星期六趁暑假前再與大學老師見面，並送她我自己做的裝飾給她！！！

和朋友見面+看展覽

今日左好耐無見的大學同學Clara 見面，一齊去睇宮崎駿的展覽，我們約在車公廟站等，我都係第一次坐馬鐵！！！大約一個小時多少少就睇完展覽，之後去返沙田食午餐，然後再教clara 鉤公仔！！！

個展覽主要係睇手稿的真跡，而真跡的展品不可拍攝！！！可影相的主要是電影海報和佈影！！！

因應呢個特別展覽，商店都有唔少宮崎駿作品的紀念品，我買了幾張手稿的明信片！！！

k

鉤頸巾

台灣之旅

四天台灣自由行之旅去左一些以前未去過的地方，第一次自由行，都算幾順利！唯一美中不足的是天氣不太好，頭兩天下雨，之後非常炎熱，下次可能揀秋天時過去較好！！！

Take a break

自己有近一年時間沒到外地(對上一次去旅行是舊年四月到新加坡), 最近朋友也想去台北,所以我們相約5月29日至6月1日將到台北自由行,這是我第一次自由行,之前都是跟團去旅行的,希望一切順利,旅途愉快!!!

週未

星期五早上醒來肚痛和肚瀉，瀉完後無乜事可以照常上班，到下午才提早少少放工睇中醫！
自己的腸胃一向唔好，食野已經很清淡，而家夜放工食無定時，所以腸胃都不太好！

因為驚母親節正日難攞位食飯，所以提早星期六當晚早點去食飯，果然較少人！

而母親節正日就同媽咪和阿姨行街，大家都有收獲！

與大學老師見面

今日約左以前的大學老師見面，她是台灣人，教學好之餘也關心學生，我之前工作有煩惱時都會找她傾訴！！！她是一個好老師，所以今天得知她快將升任的消息我也替她感到高興！！！

今天她請我吃飯，還帶我去睇一些玉鐲，告訴我什麼是好玉，她還分享了她個人的價值觀，建議我認識不同宗教信仰，令自己能安然自處，跟她相處真的很有得著！！！

滿月

四月調到新部門,頭一個星期經歷了返工以來最夜放工的日子!!!

開頭呢一個月的工作量其實幾飄忽,一時可以較為消閒,但一時d野又全部一齊o黎,所以都有少少難掌握!!!~~~

希望自己可以盡力把工作做得更好,能應付工作上的挑戰!!!~~~

悠閒

今個週未主要在家休息和睇書，別人可能認為呢d 生活太宅，但在我來說，我會好好享受這樣的悠閒生活和獨處的時光！

最近看到一本書叫<正念禪修>,提醒自己要專注現在，活在當下！！！人的情緒對健康有莫大影響，即使生活有好多挑戰，我都希望自己能調節情緒，不要讓不快佔據我的生活！！！

正所謂「開心有過一日唔開心又過一日」，所以我要學識應付壓力，讓自己開心d!!!

考驗

這幾天放復活節假，慶幸無須在家工作，可以好好休息！

三四月是公開試的季節，回想自己十年前的這個時間正在應付高考！

時間真的過得很快，轉眼已十年！！！

高考後，入讀大學，畢業後工作，完成專業試，再以兼讀形式完成碩士課程！！！

其實，人生每個階段都有不同的考驗需要應付！自問自己應付考試的能力不錯，但應付工作和生活的挑戰時，每每非常煩惱，不夠堅強，自己在這方面真的要下苦功，讓自己能更堅強地應付難題！！！

逃避只是一時之計，所以我現在常常用良師給我的忠告來提醒自己，面對困難和問題時要"面對它，接受它，解決它", 盡自己的能力去做！！！

超忙碌

返左新部門幾日,晚晚成十點放工,真係做咁耐都未試過咁辛苦

我有晚做到九點幾同阿姐講要回家
阿姐有問我係咪好唔慣,我話係呀,佢放我走,
但唔知佢會否寫花我評核報告,唔俾我過試用期。

我早d走,阿姐和另一同事仲未走
佢地昨晚都係12點幾放,坐的士回家,佢地真係好厲害!!!

今日清明節,阿姐昨日有問我今日返唔返工,因我要拜山,所以同佢講唔返!!!

咁惡劣的工作環境,我都唔知自己是否可以應付到!!!

一個段落的結束

下月會調職到另一部門，展開新的一章！

而自己是去年十月轉到現時的部門，這半年的工作相當有挑戰性，一來自己的職級唔同左，二來工作性質也較另類，自己作了許多新嘗試，而且還認識到新同事，有些同事對我好好，這真的十分難得！！！

下月到新部門任職，工作性質又會有轉變，自己會盡力去做，希望自己能應付得來！

盡力去做

由於四月會調到另一個部門,在調任前要完成手頭上的工作,自己也因此有壓力,好怕做唔哂上司之前交帶落的工作!!!~~~

所以,自己都抱著盡力去做的心態,希望可以順利完成到所有工作!!!~~~

辛苦的一周

由上星期六開始唔舒服,睇完醫生食藥加埋經過周六日休息,本己好得七七八八...

但到星期二三又開始咳多左,再睇多次醫生,食左成個星期西藥,叫做好得八八九九...

呢個星期除左星期三請左半日假去睇醫生外,都算幾忙..星期四那晚仲做到成十點先放工.又病,又餓又累,真係返工耐最辛苦的一次

星期五下午開會,所以餘下的跟進工作將在本周未留在家人完成!!!~~~

意想不到

本星期有一件我完全意想不到的事情發生。。。。。

星期一收到通知我下個月就做滿半年，要填寫第一份評核報告，到左星期四，我收到電話，人事部通知我四月將調任另一個部門，星期五真式出左公佈。。。。。。

我在現時的崗位未做夠半年就調職，一般好少會有如此調動，不知是否我現時的上司不太滿意我表現還是有其他原因，而我調職後無人接手我而家的崗位。

雖然在現時的崗位我是覺得吃力，但也不敢肯定新崗位是否比現時好，會盡力而為！！！

放假+編織分享

下星期係細佬生日,今日請佢食生日飯,去左屯門vcity,本來想去八月,但十分多人等位,結果轉到利小館,食物質素不錯,但個人覺得未至於去到佢標榜的米芝蓮一星推介咁誇張!!!

食完野見有時間就去睇中醫當調埋身體,回家睇下書,輕鬆過一天!!!

自從上年十月轉左新崗位,比以前忙,少左時間做手作,有些書買了但還未有時間研究,




但當有時間我都會鉤下小飾物,可以送給朋友們...以下是我以往的編織作品

最初織野係小學時織過頸巾(參加編織學會),但可能搬屋時已經掉了,而且織得好肉酸...


呢件係中三升中四暑時鉤的披肩,當時初初接觸鉤針,覺得都幾好玩...



升中四一路到大學畢業出來工作都沒有再接觸鉤織...直至2012年再重拾此手作(因我2012年完成了碩士兼讀課程,而且工作不太忙,較多空閒時間)

最初做下小物件,如八逹通套



後來認識左一d編織愛好者,幫忙在淘寶買工具和毛冷,令我開始"增加產量"

織過頸給給細佬(但佢好似仍未用過)




之後織帽

去年有兩位朋友懷孕,於是鉤了bb衫仔,細細件易起貨



亦有鉤一些小飾物給朋友/同事

 這是織給自己的背心!!!

 

 希望日後能有更多的作品誕生!!!~~~

放假

今天難得可以放假休息一日,輕輕鬆鬆咁在家看看書,做下手作,落街散散步,已經好滿足!!!

豐富的一周

今個星期真係返新工以來最忙的一周,周一至三都好夜放工!!!

星期五那天上下午各有一場講場,表現不過不失,但總叫完成一項工作!!!工作上自己有時好大意,疏失出錯,有時自己都覺得實在唔應該出呢d錯誤,日後一定要更加注意!!!~~~

星期六是媽咪那邊家人的聚會,而星期日就和好友sandy到屯門行街,大家都買到東西,有收穫,而且今個週未無需在工作中渡過,非常開心!!!~~~

親手鉤的背心

鉤給媽咪的背心終於大功告成

因為是靠自己的感覺去鉤(其實都是亂來),所以比例有點不太合身,希望下次可以整得更好!!!

呢件背心的材料和工具得到各方好友支持,包括selena送我的毛綫,謝幻雲送我的雙頭鉤針和Vivian借我的蛇針,謝謝大家!!!

 

 

"充實"

今個星期都幾忙,星期五那天由二點幾開會一直開到近五點,開完會之後仲有野要傾,再處理埋d 手尾,佳節都成八點先放工(雖然我佳節都無節目)......

星期六日繼續努力,因為下星期有兩份paper要交,而且下星期五要做兩場presentation,希望一切順利!!!

因為工作量一直無少過,有時真的吃不消,唯有自己"走盞", 睇餸食飯,好好管理時間,以"交功課"為首要目標,避免花太多時間係一d無謂的地方...否則如果樣樣都做到咁詳細咁細緻,真係唔瞓覺都搞唔掂...

呢兩日雖然都要工作,但星期六都有抽時間去睇中醫,今日就和阿姨一齊去剪頭髮和行一陣街,都叫做有放過假!!!

我的大學老師最近提醒我,不要逃避,凡事都要抱 "面對它 接受它 解決它"的態度去面對,自己亦明白做人做事都應該抱這種正確的態度才能面對各種挑戰!!!要做到"面對它 接受它 解決它"有時也非易事,自己真的要好好努力在這方面下功夫!!!~~~

天氣變化

前幾日天氣好和暖,昨天開始落雨轉冷,今朝起身已經明顯感到氣温比昨天更低,加上全日都好似有毛毛雨,所以我都無出街呢!!!

趁在家有時間,鉤左個八達通套,作睇下書和其他資料,悠閒過一日!!!

親友共聚

今日同姑媽和姑姐飲茶,姑媽帶左表姐的大仔出來(表姐是姑媽的大女兒,生了一對孖仔,約4歲半),另外姑媽亦帶左表哥仔仔剛出生的bb相給我們看!!!

姑媽她好錫我們一家,去旅行也會買手信給我們,她有三個孩子,以前姑媽她要照顧三個孩子都幾辛苦的,她的三個孩子已經結左婚,表姐和表哥都生了bb,看到姑媽現在做了婆婆和嫲嫲能享兒孫福,我也很高興!!!

開工大吉

一連幾日的農曆新年假期又結束,這幾天其實都無乜出街,大部分時間都在家,一方面做下公事,另外就閱讀下書藉,尤其自己最近對塔羅牌有興趣!!!

明天正式上班,希望各位都開工大吉!!!

新年進步

大年初一，祝大家新年進步，身體健康，事事如意，心想事成！！！

挑戰

呢兩日收到通知,我二月中要做briefing/presentation,講talk...真係好擔心

我來左新位唔係好耐(大約三個月),有時自己做緊乜都唔知,而家要去講talk,我講野又唔叻,平時好少出聲,真係唔知點搞!

我新年放假應該要在家預備資料,希望搞得掂。

我都明白凡事應該盡力去做,平常心去面對,但我自己有時好軟弱,好想逃避,唔想面對。

不過現實就是現實,我無得逃避,只好繼續盡力去完成!!!

收穫

昨天真係有驚無險,話說大約四點幾,辦公室有"燶"味,大家都擔心是否有火警,但管理處又無宣佈,同事們只好再看看情況...但待待期間,氣味有增無減,於是全層樓大部分人都執定野熄埋電腦預備隨時疏散......

幸好隔左一陣,同事們砧確認無火驚,只係機房出煙,繼續工作,但走廊依然有"燶"味十足!!!~~~

今個週未沒有太多工作要在家完成,所以今日出左街,本身想買書,但無合心意的! 不過我都有收穫,買左多對新波鞋!!!

我比較少著咁鮮色的鞋,趁年紀仲未係好老,要嘗試下!!!

輕鬆的一天

今天上司不在辦公室,不用擔心會被佢捉去"傾野",無需擔驚受怕,可以專心靜靜地工作。

對我來說,做野不是最大難題,要應付/面對上司先係最關鍵的一環。自己在這方面真的要加強改進!!!

中午約了舊同事食飯,放工又撞見一個舊部門好耐無見的同事。

面對 vs 逃避

自從轉左新崗位,自己一直都悶悶不樂,而且工作壓力大,經常有離職的念頭!!!

同朋友傾訴,大多不支持離職,大家都叫我要再俾多d時間自己,睇下係唔適合還是唔適應.....

有時我都不禁質疑自己係咪只係想逃避,唔想去面對!!!

對於面對困難/挑戰,自己能力低,或許我應該要勇於面對,對係一種鍛鍊!!!~~~

放假

雖然昨日心情唔好,但好同事安慰我,瞓醒又係一條好漢,而且今日難得放假,一定要好好享受!!!

放假其實都無特別野做,休息下,剪頭髮,再去圖書館,悠閒咁渡過一天!!!

工作的辛酸

今日放工前俾上司炳左一穫,有少少覺得委屈,因為我覺得佢無講清楚想我點做,我做完d野唔o岩佢心意佢怪責我!

有時我都反省下,究竟係咪自己做得唔夠好所以上司會咁對我呢???定還是我新報到,佢知我唔敢反抗,所以恰我,心情唔好就揾我來出氣呢???

雖然,人工有部分係要受老細氣,但我有時候都不禁會問自己,為左份糧而受委屈,甚至"被人魚肉",究竟係咪值得??自己會接受到這種待遇嗎???

跟好耐無見的中學同學一齊去睇相

因為自己最近工作壓力好大,自己都唔知應該繼續還是考慮其他路向,在facebook中看在以前的中學同學在另一位同的介紹下有睇運程,今日我都約左呢位介紹人(佢同樣都係我的中學同學,不過唔算熟)一齊去見師傅!!!

雖然我和呢位同學都有近十年無見面,但佢話一見到我就認得我,話我無乜點變樣....

今日問左八字,面相,流年和塔羅,師傅話2014年我會好辛苦,要等到下半年先好d,叫我繼續堅持!!!~~~希望自己可以應付到吧!!!~~~

日本手信

今天到阿姨家中領取表妹幫我們從日本買回來的東西,表妹仲買左士多啤利和旦糕回來請大家食...

看到她旅行時的照片,我也很想可以休息下去旅行呢,希望今年有機會去旅行!!!

這一周

今個星期歡送2013,迎接2014,而我今個星期都好忙

31-12-2013 (星期二)

那天阿姐成五點send email話要開會,結果成接近七點先開完會,我們一班同事真係無諗過大除夕差不多放工時間都會有會開,開完會阿姐仲祝大家 "Happy New Year",真係夠哂 "盡責" 和 "體貼"!!!~~~

1-1-2014 (星期三)

雖然放假,但昨天開完會有野要跟進,所以在家工作!!!

3-1-2014 (星期五)

今天約了以前的上司共進午膳,她帶了我去一個只招待會員的地方食飯,仲見到某電視台的高層次!!! 舊上司現在己退休,她常常都會關心我,知我而家工作壓力大,都叫我叫放鬆d,唔好將眼前的煩惱放大,加重自己負擔,所以我都多謝佢!!!