2013

轉眼又到左2013年最後一日！！!

回顧過去一年，自己都有唔少經歷！！！

四月時去左新加坡旅行，是第一次去新加坡！

工作上亦有好大轉變，擔任新的職位，去到新的環境，現時的崗位工作難度比以前高，加上我上司是個有要求的人，所以自己有時都幾大壓力。。。

新的一年，希望自己在做人做事方面都可以更進步，做得更好，亦希望自己和家人朋友都身體健康！！！

天氣寒冷

今年的冬天我覺得比去年寒冷，而且一凍會持續凍幾日，對於我呢d 咁怕凍的人來說真係要著好多衫先得，尤其係辦公室，現在的辦公室個個同事都覺得凍！

聖誕快樂

今日係聖誕節，祝各位聖誕快樂！！！

今日都有出街，仲買左件羊毛冷衫', 件衫原價399,減至99,所以受歡迎的顏色好多數斷碼，我就買左紅色，因我平時好少會買紅色衫，當係新嘗試！！！

收穫豐富

今日再和媽咪去屯門行街,先去VCITY食午餐,再去屯門市廣場...

昨天其實我睇中左作羽絨背心,昨天行過時售貨員無特別提有折扣,今日再去睇,原來有八折,我申請埋吉之島信用卡即時以再九五折,仲有張30元COUPON送,所以都幾抵買,今個聖誕總自有收穫!!!

今日係冬至,祝各位冬至快樂呀!!!~~~

一週記事

今個星期都有唔少事發生...

16-12-2013   星期一

部門舉行聖誕party,今年自己新到,第一次參加,幸運地抽到$200禮券,都叫有少少收穫!!!

18-12-2013  星期三

下午要去中央圖書館聽講座，有朋友建議我坐電車去，結果我呢ｄ大鄉里唔識係邊個站落車（我好少坐電車，咁耐只坐過兩三次),好在司機好人,話我知邊個站落車!!!

難得去中央圖書館,順道借左兩本書!!!

20-12-2013  星期五

有新同事入職，佢同我係同一職級，但好明顯佢比我能力好，而且進取，一到埗已經進入狀態!

我都明白唔好同其他人比較,但我真的覺得自己真係有所不足呢。。。。

21-12-2013  星期六

今日同朋友SANDY一齊行街,佢買左衫,我就買自己的日用品,同死黨出街每次都好滿足和開心,佢遲D仲會升職,真係恭喜佢!!!~~~



最近係一位朋友的微博見到以下一段說話:

"在一個不算美好的時代裡，卻過著還算快樂的生活，不富不貴，自由自在，不出意外，大致這就是最好的人生了！"

這段話對自己其實也是一個提醒,縱使目前的生活未必十全十美,但也算過得不錯,應該要知足!!!~~~

今個星期真的凍,對我呢D怕凍之人來說真的要預備充足,日日出街都著厚衫!!!

下星期就聖誕節呢,到時就可以放假呢......

受傷流血

今日在家開一支玻璃瓶的美容液時唔小心割親手，流血呀。

第一次流咁多血，我當時都幾驚，好在隔左一陣都止血，以後真係要小心！！！

繼續努力

今天在工作上有些地方自己覺得處理得不夠好。

與人周旋和協商一直都是我的弱項,無論以前或是現在,當成日要同人周旋時,自己都表現得唔夠好,真的好希望在這方面能有所改善呢!!!

放假

今日請左一日假俾自己休息輕鬆下

在家看看書做下手作，輕輕鬆鬆咁過一日，好滿足

又一星期

自從返左新崗位後,平日夜放工,周未放假有時也要在家中工作或預備資料,空閒的時間比以前少左好多!!!

呢幾日天氣凍左,而我係好怕凍的話!!

周六日在家都有工作要完成,但始終都要俾自己抖下,所以星期六和家人去屯門行街,好多人買野,人多手推車又多!而周未我都無去上瑜伽,因為上完會好夜先食飯,晚上的氣温較低,所以自己晚上都較少外出(要返工的日子除外)!!!

星期日除工作外,在家睇下影片,看看書,再落街散散步,這樣的日子其實也不錯,起碼不用像返工的日子那樣要隨時應付老闆的要求!!!~~~

話咁快又到十二月,2013年好快就完結,時間真的過得好快!!!~~~

工作的感受

我到新崗位超過一個月,其實到目前為止我還是未能適應.......

現在的情況愈來愈嚴重,因為我那個組別陸續有人離職,但沒有新人填補空缺,所以工作量一直增加.....

而我的上司似乎也不是太滿意我的工作表現,經常會說我坐在這個職位上,就要做到某個標準,所以我相信我現時的表現應該是未如理想...說不定再過一段日子上司可能會更不滿呢!!!

現在,其實我都不知應該如何選擇,一方面,如果自己提出降職的話,心中多少會有不甘心.......

另一方面,自己好想可以脫離這種壓力大的工作環境.....

所以,我還不知道該怎麼取捨,只好有一天過一天!!!

未來的一星期,有會議要開,我要負責做會議紀錄,我從來沒有在工作上做過會議紀錄,所以都好擔心….

最近壓力真的不少,身體也開始發出警號,包括睡得不好,而且面上長了好多暗粒和暗瘡,我也不知自己究竟要怎麼辦!!!~~~

留下或是敗走,都有不同的問題,真的好怕我會做錯決定!!!~~~但人總是要有所取捨的,而這些取捨只有自己才能做決定,而我現在是不敢做取捨的決定,因為怕會做錯決定!!!~~~

一週記事

話說星期五那天下午入左老闆房傾公事,一傾就傾左成兩三個鐘,由天未黑講到天黑,一路講一路我就開始擔心和唔開心,因老闆講左黎緊會有d乜工作要做,我都唔知做唔做到佢的期望和要求,好驚交唔到貨!!!當時其實我個心真係有少少想喊,當然,我無控咁喊出來,但我都好擔心自己究竟仲可以捱幾耐!

最近我都瞓得唔好,而且皮膚超慘,生左好多粒粒和暗瘡,皮膚又乾,不知是否壓力所致!

 上星期六我病左,所以上堂無上瑜伽又無出街!!本來打算今個週未出街睇下野,但因有工作要趕,所以周六都是在家工作,之後上堂做瑜伽!!!

而因為星期日朝早瞓得唔太好,所以今日都是在家休息和落街散步!!!~~~

最近天氣涼左好多,大家都要保重呀!!!~~~

到新崗位一個月+病

我是10月10日到現時的新崗位,剛剛過了一個月!!!

這個月做過幾類不同的工作項目,中間曾經有好多時都想自己降職,唔做現時的工作!!!因為老闆經常會召見自己,我好多時都唔識點應付佢先好......

雖然做左一個月,但有時我都好迷惘,好似渾渾噩噩咁唔知自己做緊乜,希望再過多一陣可以慢慢適應吧!!!~~~

呢排轉天氣,而且時冷時熱,我呢d身體咁孱弱的人真的好易唔舒服,我由星期一開始喉嚨唔舒服,平日放工好夜加上剛到新位唔敢請假去睇醫生,期間都有食藥,但未有好轉,結果今日先得聞好睇醫生,希望快d康復啦,大家都要保重身體呀!!!~~~

一週記事

又過左一個星期,今個星期都算係無驚無險咁渡過.....

星期三同左mentor食午飯,我都有同佢講我工作上的擔心,佢叫我唔好咁愁,唔好諗得咁嚴重,慢慢一步步去做!!!

星期五就同舊同事食飯,見到佢地真係幾開心,亦好懷念以前的工作環境.......但人總要去面對轉變,所以我都希望自己可以盡力去面對現時的工作......

星期六係第二次上瑜伽,雖然都有好多動作跟唔到,但我自己覺得比第一次好左少少......

今日就去左剪頭髮,之後行左一陣街,買左條薄頸巾,仲去左圖書館借書!!!~~~

週記

自從到新崗位後,平日放工回家食完飯梳洗後都已經近九點,所以都無乜時間和精力再更新,所以又變成週記

今個星期經歷左頭一次的每月會議匯報,要去見D高層,好在我只係全程陪坐,主力由我上司講解內容,我只是事前幫上司預備定資料,無需係D高層面前講解!!!

星期五那晚因為上司好遲先有時間同我傾工作上的事情,所以我近九點先放工,好在星期六日放假,可以稍稍休息!

星期六那天中午去睇中醫,經過一個私人屋苑,環境都幾靚幾舒服! 之後上瑜伽,第一次玩,當然有好多動作跟唔到,而且我本身D骨頭都好硬,所以都唔係太跟到老師的動作!不過做唔到都唔緊要啦,當娛樂,無需乜都要求自己做到!!!

工作上自己仍會擔心,因為心情和情緒都有些少受影響,甚至瞓得唔好,希望自己慢慢可以適應和調節到啦!!!~~~

新的開始

最近自己的變動較多,因為十月十日開始新的崗位,責任大了,工作的難度也增加了,所以自己都仍在適應中!!!~~~

其實自己都好擔心能否應付新工作,畢竟新崗位要面對的人和事比以前複雜得多! 雖然返左新位只有短短一個星期,但已經開始有壓力呢,尤其是要處理自己無做過的事情,很多地方都不懂該怎麼做,但又要"交功課"俾上頭,所以真係好驚呀,成日都想降返職做回以前的崗位算了!!!

這段時間,和很多朋友和以前的老師傾談自己工作上的問題,大家都覺得應該要嘗試一段時間,看看自己是否真的應付不了......如果壓大真的太大,自己無法承受,那就再作打算!!!真的好感激她們開解和鼓勵我呢!!!

另外,仲要多謝我細佬幫我搬blog(因為轉新崗位後,每天放工回家都很累,沒心思和精神搬blog呢,全靠他幫忙)!!!~~~

搬BLOG啦

各位朋友,我將會搬去http://josechanhy.blogspot.hk/
大家請到我的新blog繼續保持聯繫呀!!!~~~

和好友相聚

今日約左以前的中學同學sandy和joanne見面,已經有好多年無見joanne呢,大家見面依然話題不絶,渡過了一個愉快的下午!!!

sandy仲陪我去訂迼西褲和去問野呢,真係好多謝佢!!!~~~

第一件自己親手織的背心+心情

之前一路織的背心終於織好

雖然SIZE有點細,但都是一次經驗,期待下次可以做得更好!!!~~~

 

真人親身示範

最近因為身體的問題令我自己都好煩惱,某一天睇幾米作品時,見到以下呢段,覺得好似講緊我自己咁......

夫

有時我都覺得自己做人有點失敗,較脆弱,有時唔識去應付某D問事或事情!!!

自己年紀其實已經唔細,係時候要更獨立和成熟咁處理種種事情(無論是生活上,工作上或其他方面),要繼續努力呀!!!~~~

又發夢

昨晚發左個夢,夢中收到 "大信封",俾人辭退,話我犯左錯,所以炒我!!!

我睇完封信,發覺佢講個樣錯我無犯過喎,於是打電話同佢講數.......

唔知點解會發呢個夢!!!

有禮

我的皮膚好差，易敏感,所以用護膚品要好小心! 我用緊的ADERMA在香港好難揾，所以託台灣朋友（就是上次寄包裹給我的那位）幫我係台灣買再寄來給我，今天終於收到！！！

佢仲寄左好多冷和她去旅行的手信給我呢，真係好多謝佢

佢有朋友呢段時間逗留香港,所以我託佢朋友拎返錢俾佢,仲整左幾隻公仔送給她

我縫野好差，令隻公仔縫得唔靚

 

因為我驚公仔D眼睛會甩出來,所以包得好小心呀



希望朋友會喜歡!!!~~~

秋意

前幾日落雨,氣溫明顯涼左!!!

呢兩日無雨,開始乾燥,今日出街去買枕頭,d太陽都依然好猛,再加上乾燥,開始感到秋天的來臨呢!!!

盡力爭取

為左希望可以遲d先調職,今日有幾位好心同事幫我一齊諗計,最後自己寫左封信俾人事部(部分同事都有幫手構思),希望可以爭取到遲d先調職!!!

我今次都可算是盡左力去做,最後結果就由上天決定吧,相信上天會有最好的安排!!!~~~

心情起伏

早前收到消息話有機升級,我阿頭話好大機會係九月中或九月尾就去新的職位.......


本來應該好開心,但我所服務的機構係有兩年試用期,我想係現時的職位做夠兩年先去新崗位,因為係現時崗位做滿左試用期後,萬一去到新崗位做得唔如意都可以返去舊的職位......但我要到今年十月先會完成係現時職位的試用期!!!

於是我打去人事部問下可以改到十月二號先去新位啦,對方話未必可以安排到,要再計劃一下!!!

到放工,我收到一封信(呢封信十幾日己發出,但我今天才收到),信裡面講原來我係要做到今年十月三日先滿試用期呀!!!!

我竟然記錯左日期,仲要講錯左俾人知,係個刻我簡直想撼頭埋牆!!

我已經唔敢再去同上頭講話希望可以留到十月三日呢,真係好唔開心!!!

調到新崗位的日期仲未確實,希望可以係十月三日後,但呢d野唔到我去控制,希望一切順利啦!!!

p.s. 雖然我投考新工好多時都成功,但轉工時通常都有好多阻滯和未如人意的地方,上次又係咁,所以好希望今次可以順順利利!!!~~~

保持冷靜

yahoo公佈左"輕鬆搬家"的詳情,但我都唔太明要點整,等周未放假有時間先再慢慢研究!!!

昨晚發夢,夢見個電飯煲係煲緊時個插頭著火,跟住d火仲燒埋個飯煲,真係唔知點解會發埋d咁奇怪的夢!!!

搬BLOG+織背心

YAHOO 無神神話快將停止服務,一眾BLOGGER個個都要另覓新地方,希望大家都揾到合適地方,保持聯繫!!!

雖則YAHOO就快停用,但我都會照更新(縱使更新得唔密

繼續織背心，後幅已經織好呀！！！

哂野vs分享,八卦vs關心

昨晚行雷閃電,所以睡得不太好! 今朝返工時又大雨又行雷,但都只係黃雨......

講下返工的事先,我而家個阿頭(中年已婚男士)好健談,食野運動仔女等無所不談,好多時都會和同事傾計!

不過我一向比較靜,所以無乜點搭咀,可能佢會覺得我好cool都未定!!!而且我個人唔太喜歡好多口水的人,女士鍾意傾計尚可理解,男士都咁多野講真俾好少數!

有一日,阿頭拎左佢考到的專業資格(XX師牌)和去某大學讀書的證書回來,仲俾D同事睇,佢間房仲放左佢女兒送俾佢的禮物,亦也介紹俾我們睇,我都唔知呢D叫哂野定係分享!!!~~~

我們有同事中午會買野回OFFICE食(外面太多人),我有時又會帶飯,阿頭都係睇下我們食D乜,又問下您住邊,我都唔知呢D係八卦定關心!!!~~~

精神食糧--書籍

星期五收到之前在網上訂的兩本編織書,書中的款式好多好靚!!!雖然好多作品我暫時未識整,但睇下都開心呀!!!





呢兩個月買書買針又買冷,都用左唔少錢,阿媽見我又買編織的書都開始有微言,覺得我買埋咁多但一件衫都未整到出來! 所以真的要努力,希望快d有新作品可以著,而家著手織緊背心,希望唔好半途而癈啦!!!~~~

上星期去左附近的圖書館借左呢本書

之前係書局已經見過呢本書,當時已經覺得幾感人,以下係台灣金石堂網路書店對此書的內容介紹

(http://www.kingstone.com.tw/book/book_page.asp?kmcode=2018610900922)

《請照顧我女兒：媽媽好想活下去，因為媽媽想陪妳長大……》

《東京鐵塔：老媽和我，有時還有老爸》作者Lily Franky 特別感動推薦

偉大而有力的愛情呢喃。
溫柔而充滿笑容的言語。
沒有悲傷，只有清澈的呼吸。
母親和女兒之間無可取代的故事。

給我的親親柚莉寶貝～
媽媽要用筆寫下給妳的話，
用聲音錄下對妳的叮嚀，
媽媽的生命已經接近終點，
但媽媽想用各種方式，陪伴未來的妳……

給我的親親柚莉寶貝~~

媽媽哭了。
真的很痛苦。今天哭了好幾次，現在仍然在哭。
醫生告訴了媽媽的病情，情況很不樂觀。
媽媽生下妳這麼可愛的小貝比，媽媽想要陪伴妳，教妳很多事，和妳說很多話……。
但，媽媽沒辦法陪妳一起長大了……

柚莉亞，當妳跟好朋友吵架時，記得一定要和好。
而且最重要的一點，就是不要跟朋友計較。
媽媽希望妳健康長大，功課不好也沒關係……妳是女生，這是一件很棒的事情喔。
有一天妳會戀愛，妳會有親密關係，但不用著急，要多去談幾場戀愛……

媽媽每天看妳一天天的長大，妳的笑容像天使一樣，臉蛋像花兒般燦爛，
但媽媽的生命卻一天天的削減，在病房獨自面對孤獨與恐懼，
有什麼辦法可以讓時間走慢一點，陪在妳的身邊久一點？
如果妳看了這本書，能夠知道媽媽在什麼樣的心情生下妳，時時刻刻為妳著想寫下這些話，
那麼媽媽就感到非常非常幸福了……


呢位媽媽真的很愛她的女兒,堅強地面對疾病和痛苦,寫下此書!!!

Youtube也有video介紹本書
http://www.youtube.com/watch?v=YnlSwbPv2wQ


大家如果想寫信俾作者的女兒,也可以到以下網站

http://www.titan3.com.tw/beauty128/

我看此書時當時都覺得好傷感和可惜,但同時亦感受到作者對身邊人(包括她女兒)的愛,母愛真的好偉大呀!!!~~~

能夠成為媽媽對很多女性來說是非常珍貴的事情,因為看到自己的孩子一天天長大,那份喜悅是任何事情都無法替代的!!!~~~

小禮物

有位好朋友今個星期生日,所以我趁昨天放假整左d小飾物送俾佢!!!

唔好睇少呢個立體心心,起初我以為細細隻,應該好快整完,結果足足搞左一朝!!!

呢個立體心心要先鉤兩塊半圓,合理佢地之後再鉤

有興趣的朋友可以參考以下網址看看織圖和做法!!!呢個網站有唔少織圖的!!!


其實個心心整得唔算非常好,有d窿窿好大!!!

由於呢個心心做吊飾的話size太大,所以最後我係拆左…….



之後我跟以上網站的”迷你愛心”再鉤(今次換左幼d的鉤針去鉤),一個鉤紅色,一個鉤粉藍色!!!

以下呢個網址有十二生肖的公仔織圖,有興趣的朋友可以去睇下

http://www.amuuse.jp/topics/eto/2012/daruma/index.html?PHPSESSID=83cbee38b4c9b32df4e1ab1b41ce89c7hamanaka%E5%88%86%E4%BA%AB%E7%9A%8412%E7%94%9F%E8%82%96

由於朋友生肖屬猴,我仲整左隻馬騮公仔

本來諗住加埋個嘴,但我縫得太肉酸!!!

所以,最後隻馬騮仔都係無嘴的!!!希望朋友仔收到呢三樣物件會喜歡啦!!!~~~

今次係我初次嘗試整公仔,感覺上都幾好玩!!!因為比起整衫/帽,呢d小物好快可以做完!!!
所以日後有時間都希望自己可以整下唔同類型o既野,讓自己吸收更多經驗!!!~~~

p.s. 今日係中環返工,所以去左中環的郵政總局寄以上禮物俾朋友,我係第一次去郵政總局咋!!!~~~

新工作地點+昨晚的夢

呢個星期開始,去左新的地方做野,今次的工作地點係香港站/中環站附近,我未試過係中環返工的!!!

呢幾日見識到中午時間中環揾地方食飯真係唔容易, 十分多人!!!~~~本來今日諗住去ifc的添好運食午餐,但多人都不得了,我們未夠十二點半到達都要等成三十張枱,佢間店唔算大,真係唔知要等幾耐先有得食,所以後來改左去其他地方見有位就坐低食野先!!!

見時間唔太緊迫,今朝早無坐地鐵過海,改坐船去中環,我第一次坐船去中環咋,真係 "大鄉理出城"!!!(平時多數貪方便,坐地鐵過海,好少會到中環碼頭附近)

另外,昨晚唔知點解夢見自己明日要考高考的中史科(我高考其實無讀中史的),但自己唔記得左要温書,好擔心!!!~~~

其實我都已經考完高考咁耐,但每隔一段時間,久不久我都會夢到自己考高考!!!~~~可見高考真係到目前為止我面對過最艱難的一個考試!!!~~~

颱風後返工放工

今日上午八號風球,都預計下午要返工!!!

中午早d食完野,等天文台公佈幾時改掛三號風球。結果,佢係一點四十分改為三號風球,我跟住就換衫出門口返工!!!

返工坐車都算順利,西鐵和地鐵都上到車,唔算太迫,而且出門口時無乜點落雨!!!~~~

返左唔夠半日工就夠鐘放工,當時無乜

有消息

昨天係辦公室收到電話,話有封信俾我,係關於我上次的考試,叫我下星期要回覆!!!我親自去拎左封信,有少少野要問清楚先決定(今日係辦公室唔多方便問)!!!

雖然我未回覆,但我阿姐下星期放假,所以我今日同阿姐講左呢個消息,以免好似先斬後奏有野都唔講佢知!!!~~~
同阿姐講完,佢都無乜大反應,可能佢以前都有類似經歷或佢都有心理預備會有咁o既情況!!!

呢個星期揾日要抽時間打去問下詳細情況,以便下星期回覆!!!~~~

悶熱

雖然立秋都過左,但呢幾日的天氣都真係好悶熱,無事都唔想出街!!!


每逢八月,世界女排大奬賽會在香港有賽事,所以呢兩日都有睇女排!!!

中國隊的表現真係唔錯,比之前有進步,相信在郎平教練的領導下,應該可以有更好的成績!!!~~~

藥/弱

上星期六發燒,到星期一都仲係時退時燒,所以又再睇醫生,今次開左抗生素,要食五日!!!

結果我由上星期六食藥食到今日都仲食藥(未好得返哂),呢個星期好多時都係食粥,食藥仲多過食飯,令本來已經潺弱的身體更弱!!!

星期一至星期三都請左病假,星期四返工,d同事話我又瘦左!!!

身體向來都是我的煩惱,好希望自己身體可以好d,自己可以更強壯!!!~~~

病到七彩

星期四放工後喉嚨開始唔舒服,食左粒藥好似好少少!

星期五做野的地方超級凍,我著兩件外套都頂唔順,快快手上午做好哂D野離開"雪房", 下午就返公司!!!~~~
星期五中午約左一位大學朋友食飯,佢遲D都會在我附近返工,佢仲送左D係韓國買的食物給我!!!

由於我知道自己作病,所以家人已經幫我去診所配藥! 星期五晚食完藥就睡覺!!!

星期六(今日)朝早起身,個人覺得好 "興", 又打冷震,食完粥即刻再食退燒藥,中午探熱時有102.9度,我好耐都無試過咁高燒!!!

下午診所開門即刻去睇醫生,佢大致上都係開返昨天配的藥給我,換左隻消炎藥,真係無佢咁好氣!!!

食完藥覺得個人好乾,喉嚨又痛,希望快D好返!!!

BB背心 (已完成)

趁放假得閒有時間,繼續整送俾同事即將出世BB的背心

呢個樣係鉤好底邊,未縫肩膊位

所有邊鉤好,仲縫好左肩膊位

今日終於完成哂,鉤好一件綁帶的BB背心

睇上面張相,件背心看起來算唔錯.........


但其實內裡有D位我都整得唔太好,因為我縫野真係好差



條綁帶我驚唔夠實,所以縫到咁,,,,,,,,真係失禮!!!


今次係第一次整bb衫,作品唔算做得好,希望同事和她的BB會喜歡吧!!!

吸收今次的經驗,我亦希望下一次的作品可以做得更好!!!~~~

P.S 我媽咪見我整完BB背心,佢話下一件應該試下整大人背心,不過上一次那件背心好似唔係太成功,所以我都要做下資料搜習,揾下合適而自己力又應付到的款式