週記

自從到新崗位後,平日放工回家食完飯梳洗後都已經近九點,所以都無乜時間和精力再更新,所以又變成週記

今個星期經歷左頭一次的每月會議匯報,要去見D高層,好在我只係全程陪坐,主力由我上司講解內容,我只是事前幫上司預備定資料,無需係D高層面前講解!!!

星期五那晚因為上司好遲先有時間同我傾工作上的事情,所以我近九點先放工,好在星期六日放假,可以稍稍休息!

星期六那天中午去睇中醫,經過一個私人屋苑,環境都幾靚幾舒服! 之後上瑜伽,第一次玩,當然有好多動作跟唔到,而且我本身D骨頭都好硬,所以都唔係太跟到老師的動作!不過做唔到都唔緊要啦,當娛樂,無需乜都要求自己做到!!!

工作上自己仍會擔心,因為心情和情緒都有些少受影響,甚至瞓得唔好,希望自己慢慢可以適應和調節到啦!!!~~~