心情起伏

早前收到消息話有機升級,我阿頭話好大機會係九月中或九月尾就去新的職位.......


本來應該好開心,但我所服務的機構係有兩年試用期,我想係現時的職位做夠兩年先去新崗位,因為係現時崗位做滿左試用期後,萬一去到新崗位做得唔如意都可以返去舊的職位......但我要到今年十月先會完成係現時職位的試用期!!!

於是我打去人事部問下可以改到十月二號先去新位啦,對方話未必可以安排到,要再計劃一下!!!

到放工,我收到一封信(呢封信十幾日己發出,但我今天才收到),信裡面講原來我係要做到今年十月三日先滿試用期呀!!!!

我竟然記錯左日期,仲要講錯左俾人知,係個刻我簡直想撼頭埋牆!!

我已經唔敢再去同上頭講話希望可以留到十月三日呢,真係好唔開心!!!

調到新崗位的日期仲未確實,希望可以係十月三日後,但呢d野唔到我去控制,希望一切順利啦!!!

p.s. 雖然我投考新工好多時都成功,但轉工時通常都有好多阻滯和未如人意的地方,上次又係咁,所以好希望今次可以順順利利!!!~~~