收穫豐富

今日真係早午晚都收穫豐富呀,好開心!!!

早上返到公司,同事送左個電話防塵塞(粉開色的,仲有個盒仔入住,)給我!!!~~~

中午食飯亦好豐富,有龍蝦食,因為今日要送別我們組別的阿sir,佢要調職,去另一個組別工作,而且佢新的崗位似乎好忙碌呢! 下個月開始,我所屬的組別就有新阿sir,新上司之前都已經來過我們的辦公室,同大家打過招呼!!!~~~

到中午時,收到朋友的訊息,約我放工俾野我!!!~~~

今天天氣唔好多,朋友好有心,專程出來拎野給我,仲請我食糕點,真係多謝哂!!!~~~

充實的一天

今日好充實,一朝早起身食完粥就出去屯門市廣場的H&M,幫寄包裹給我的朋友換返O岩尺碼的衫!!!

係屯門站落西鐵時見到朋友仔,佢去屯門仁愛堂做運動,但佢話想先去大棧睇下D海花膠,既然順路,我們就一齊去睇下!!!

去到大棧,海花膠無哂貨,話今日晏D先翻貨! 之後我們去左尚書房睇下d編織書,同場有個姨姨,我和朋友揭下書d款,我話某d款好難整呀,姨姨就話唔難,呢位姨姨應該係好有經驗!!!

係書店睇完書就同朋友分開,我就先去H&M,間貨又大又多貨,我都唔知點揾,結果係揾售貨員幫手!!!揾好D衫,排隊等俾錢都等左好耐!!!~~~

係屯門行完街就坐西鐵返屋企,但返屋企前去左圖書館借書,之後仲去理剪頭髮!!!

收到包裹,好開心呀!!!~~~

身在台北的朋友想我幫她拿衣服到H&M更換(她朋友早前在香港的H&M買了一件衫給她),加上我之前也託她幫我在台灣買了書,所以她把衫和幫我買的書(還有面膜)一併寄來香港! 包裹其實昨天已送到,但昨天我放病假無返工,所以今日返工先打開包裹!!!

一打開就見到好多冷~~~~~~

呢本就係我託朋友幫我買的書



係台灣的金石堂書店買上面本書,有以下呢個毛冷送,毛冷有200G

台灣買書真係平香港好多,本書香港賣港幣73!台灣賣220 台幣,仲要有79折兼送毛冷,計番大約只係需要50港幣,真係好吸引!!!~~~

啡色呢個冷係買書送的,其他冷係朋友送給我(佢家中有毛冷但她不編織,所以轉贈我)!!!~~~

呢個包裹,真係名副其實的 "妹仔大過主人婆", 本來的主題是朋友寄衣服過來叫我幫手換尺碼,結果幾乎整個包裹的位置都被我託她買的東西佔據!!!~~~
我收到呢個包裹真係好開心,不僅是因為可以收到自己買的書和冷,還有就是朋友的心意,山長水遠咁寄咁多野給我,謝謝啦!!!~~~

今日下午去左上堂,主題都係講快樂和正面思想!其實我都算好快樂,只係身體差d!!!~~~情緒係會影響健康,所以我

病左

去完旅行返香港,我都無乜事....

於是上個星期去睇中醫諗住調理下身體,誰不知飲完兩日中藥後開始唔舒服....

開頭先係喉嚨痛,跟住咳和流鼻水......

上星期有一晚仲成晚瞓唔到,睇左西醫都未好得哂,今日又再睇多次西藥....

每當我病的時候,我都會覺得自己好"咋".....以我咁年輕,身體應該好好,但我仲弱過D老人家......到我年紀大真係唔知點算好!!!~~~

希望我快D好番!!!~~~

9-4-2013 新加坡第四天行程

9-4-2012 (星期二)

今天係最後一天係新加坡,12:30先集合,所以食完早餐我坐SENTOSA EXPRESS係聖淘沙周圍行下

可能時間尚早,海灘都無乜人……

 

係VIVO CITY商場行行下,我又覺得個肚唔多舒服(我食完海南雞飯個晚,肚子都不舒服), 於是急急返酒店….休息左一陣就拎行李去集合

 

 

今日中午係旅行社包辦的娘惹菜(娘惹即是中國跟馬拉人所生的女性後裔)…個人覺得無乜特別……

 

食完午飯去左購物點—朱古力專門店,有得試食,不過我無買野….

 

之後就係全個行程最後一個景點---牛車水,即是唐人街! 之所以叫牛車水係因為以前D人用牛車運送水去呢個地方到賣(因為呢個範圍得咸水,所以要由別處運水過來作食用),所以後來呢度就叫牛車水……

 

由於第二晚我和朋友來過,但只是急趕咁買完野就走,所以今日就把握時間行下呢個地方….

我係牛車水買左豬肉乾和藥油,仲食左以下呢樣食品--它的名字叫水粿,睇樣有少少似我們的砵仔糕......但係超難食,而且仲好油......可能真的唔O岩我口味,試過就算!!!~~~

行完牛車水就去機場,係機場呢間店買左幾件斑蘭蛋糕,都幾好味呀!!!~~~

入左閘之後食左碗魚旦面.....魚旦/魚片粉面真的是我今趟新加坡之旅食多最多的食品......

食完野,再將用唔哂的新加坡幣換番港幣...之後就上機回香港

班機本來十點二到香港,但延誤到十點半先到,過完關等行李時,點知條行李輸送帶又故障.....結果我近十一點四十分先拎返個喼,即刻拉喼衝去車站,好在係尾班車開出前上到車.....

返到家未夠一點(那晚落大雨,我媽咪仲特登落樓下接我)....梳洗後近兩點先睡覺,好在第二日我都請左假休息!!!~~~

8-4-2013 新加坡第三天行程

8-4-2013 (星期一)

我食早餐前先將昨晚寫好的明信片交給酒店職員,叫他們幫我寄!!!~~~

在新加坡寄明信片返香港,郵費係1.1 SGD, 大約七元港幣!我星期一交給酒店,星期五已到香港收到,效率真係好快呀!!!~~~

早上食完早餐後返房拎行李去大堂集合,因為今天會轉酒店,由市區轉往聖淘沙!!~~~

今天是整個旅程中最期待的一天,因為會去新加坡的環球影城!!!~~~



10點一開門,我們便入去玩,先玩變形金剛3D對決,全世界得新加坡先有,導遊叫我們一入場先玩,因為驚多人排隊!!!

之後睇左史匹堡的電影特效片場......睇完就周圍行下......

每到特定時間有不同人物表現

到左中午12點半,睇左未來水世界的表現!!!~~~我們都算幾好彩,那天不算太多人排隊,又無落大雨,除左太刺激的遊戲(如過山車)我唔敢玩,其他大部分表演我有機會睇到!!!所以見有時間就去影城唔同地方行下!!!~~~

我們由10點開門玩到三點多少少先出來食野,食完野返酒店集合拎行李返自己房,這晚的酒店是在環球影城附近,步行約5分鐘!!!放完行李返房我們再入過影城同唔同人物影下相和睇下其他表演,近六點就離開影城(本來想早一點離開,但落大雨,我們逗留在影城室內地方避下雨)!!!

由於我們是住在聖淘沙的酒店,所以可以免費坐SENTOSA EXPRESS,呢個SENTOSA EXPRESS全程只係得四個站,其中一個是環球影城!!!
佢類似一卡地鐵咁大,所以唔係坐到好多人



我們坐車去到VIVO CITY的food court食晚飯,我又係食左魚湯米綫,不過唔及牛車水那裡的好食!食完飯,我們又去左金沙,我們不是入賭場,而是因為我昨晚看不到激光表演,所以今日再去過,呢個表演免費的,都幾精彩呀!!!~~~

睇完表演,再坐地鐵返VIVO CITY, 那裡有亞坤,我試左呢個新產品,類似雞旦仔,但裡面有咖O央醬的!味道除左係有甜味和少少椰香味外,我唔覺有乜特別好食......

呢四位雞旦仔大家估下幾多錢???

答案係2SGD,即大約13港幣!!!~~~我覺得新加坡的消費好高,我在商場的面包店(breadtalk,香港都有呢間舖)見到一包四片的方包,賣2.3SGD,即是十五港幣呀!!!~~~

係VIVO CITY行左一陣,我就坐SENTOSA EXPRESS 返酒店休息呢,因為今日全日都無停過,好累,所以瞓得好好!!!~~~

7-4-2013 新加坡 第二天行程

7-4-2013 (星期日)

第一晚瞓得唔係太好,近一點先入睡,而且瞓下醒下...朝早7點就起身....

今日的集合時間係9點,所以先在酒店食早餐,我頭兩日係新加坡就係住以下酒店

今日的行程只係得一個,就係由新加坡坐車去馬來西亞的新山,由新加坡去馬來西亞,就好似我們由香港過關返大陸咁,不過馬來西亞過境的地方環境一般,無冷氣,仲有烏蠅......而馬來西亞的新山都係一個新發展區,導遊話新山係馬來西亞的經濟特區喎.....

我們去新山是因為那裡有亞洲首個的Legoland

小朋友去Legoland一定好開心,因為有好多遊戲,大朋友就主要觀光為主....

以下呢個觀景箱有冷氣的,可以舒舒服服咁從高處欣賞整個樂園

樂園裡面仲有好多以LEGO砌成的建築物

係樂園玩到近兩點,我們就去樂園外面的一個商場食野,呢碗魚旦面都唔錯呀

三點鐘就離開馬來西亞,返新加坡的酒店

由於今日好早返到酒店,所以我同朋友就坐地鐵周圍去,首先去左牛車水,即是新加坡的唐人街(chinatown)......坐地鐵係牛車水出站後,由於我們趕時間又唔識路,所以要問路,遇到一位識廣東話的女士,佢仲好好人咁帶埋我們去目的地呀....

我主牛車水主要係買藥油,呢間舖除左藥油外,仲有蓆賣......





我今趟旅程買得最多就係藥油,買左近十支.......

買完野就去MAXWELL FOOD COURT食晚飯,那裡有兩間店最多人排隊,一間係天天海南雞飯,另一間就係以下呢間魚湯米綫

上面呢豌米綫好似係SGD4定SGD4.5......味道都唔錯,不過呢度無冷氣,得風扇(新加坡又唔少食野的地方都無冷氣,除非係商場的食肆)....我已經算唔怕熱,但一面食都一面出汗.....

食完野,我們坐地鐵去牛車水的前一個站--CLAKE QUAY(克拉碼頭), 夜晚呢度幾靚幾舒服呀,亦有食肆,可以坐下船仔,仲有一個類似跳樓機的刺激遊戲,係好似用條繩拉住個人然後在高空"fing"來"fing"去的......






係克拉碼頭逗留左一陣我們就趕去金沙,諗住睇8點那場的激光表演,但去到金沙都已經近8點,再揾下路行上去,到達現場時表演已經近尾聲......

呢個表演有兩場,除了八點一場,仲有一場係九點半,我朋友佢打算睇9:30pm那場,但我有點累,所以我先行回酒店......我朋友後來睇完九點半場show後仲坐地鐵去左機場食亞坤先返酒店(由機場返酒店只需坐一個地鐵站)......

我朋友近12點先返到酒店,我等佢返到來就睡覺呢......

6-4-2013 新加坡 第一天行程

今次去新加坡係跟旅行團,購物點不算多,只得一個,主要時間都係外出睇野和入樂園玩,我們呢團仲有五個小朋友!!!


6-4-2013 (星期六)

04:40 AM  起床   

05:15  AM 出門坐車

05:30 AM  上車

06:25 AM  到達機場及寄行李

08:20 AM  上機

08:50 AM 從香港起飛, 等左一陣先出到跑道

01:00 PM 到達新加坡, 先在機場換錢, 匯率大約係  6.3X HKD兌 1 SGD

去到新加坡,第一個景點是濱海灣花園 (Gardens by The Bay), 呢個花園係2012年6月先開幕,內面有冷氣和不同種類的植物!

離開左濱海灣花園,我們去左新加坡的旅遊地標"魚尾獅"影相

之後就去金沙賭場呀



第一晚的晚餐是旅行團安排的文東記海南雞飯

由於今朝個個都好早起身,所以食完飯就返酒店! 我們頭兩晚是住在市區,間酒店都好新,而且近機場,房間有洗碗盤(多個洗手盤方便好多), 有餐具和洗衣機,幾似service apartment!!!

今次跟團去新加坡,相對無去台灣咁夜返酒店,所以有多d自己時間可運用!!!~~~