激氣的事

因為身分問題,我星期一同上司提出"調位"要求,但好似無下文....令我不免有點失落......

而今日工作上有少少激氣,不過都要安撫自己.唔好為左呢d事咁介懷,不要為此等事"上心,要好好的過每一天,令自己開開心心"!

請假一天

因為昨天抽組織的傷口位置仍有點痛,所以今天沒有返工,請假一天!!!

而我今早起身見到粒瘤的位置吞口水時又腫左,姑娘話如果腫可能係內出血,而咁o岩今日有專科門診,所以我今日返左醫院見下醫生,仲安排左我見王醫生(比較senior的一位醫生),應驗左我星期四早上的夢呀!

醫生話粒瘤出血就好似我們眼睛爆微絲血管或皮膚撞瘀,因為"壓力"(如咳嗽)造成,加上我又抽左組織!!!

難得見到王醫生,我仲同佢講之前我見其他醫生,想要求由王醫生睇番我,其他醫生話唔得呀!!!王醫生當然好"官方"咁話醫院個個醫生都好,由其他人睇我都無問題的!

因為醫生開左D止痛藥給我,等取藥都等左一個小時,期間我去左醫院一個叫"社區健康中心"(希望無記錯名稱)的地方看看書和看看報紙,仲同d職員傾下計,我順便問下佢地知唔知道可否由自己屬意的醫生跟進自己個案! 那位職員好nice咁建議我返去揾返睇過我的醫生,同醫生講自己的要求!

於是我就返去睇症的地方,同姑娘講我想見下王醫生,因為我想下次都有王醫生睇我,! 姑娘就同我講,話我下次覆診時登記後再同姑娘講要睇王醫生,看看可否安排!

因為今日返去睇左一次專科,所以之前3月初的覆診期改到3月中!!!~~~

抽組織

因為今日要到醫院抽組織化驗,不知是否日有所思,夜有所夢,我朝早發夢,夢到自己到醫院覆診呀!

而今日到醫院抽組織抽左兩針!

抽第一針後發現粒瘤主要係液體和一些血,醫生話應該係之前入面出血!

之後佢再落第二針,話幫我抽走d液體和血,抽完之後粒瘤細左,但醫生話如果入面又再出血,粒瘤又會大番!!!~~~

3月初會再返專科覆診!!!~~~

週記

平日要上堂真係少左時間更新blog,加上無乜特別事發生,所以又變成"週記"!!!~~

星期二那天坐坐下車個肚覺得唔舒服,好在西鐵站有洗手間,之後問同事借左d驅風油搽下個肚,總算可以如常工作!!!~~~

由於覺得自己腸胃不太好,所以今日去睇中醫,亦和一位很久未通過電話的朋友傾左一陣!!!~~~

去到登記時,登記處有一對母女同姑娘"爭拗"緊預約時間的問題,所以我放低左覆診卡就坐低等!!!~~~

等左半個小時都未叫名,我以為係人多啦!!!點知有另外一個姑娘行出來時跟登記姑娘說 某醫生的診症室無人呀,到呢個時候,姑娘大聲叫我個名入去睇症!!!~~~

原來我一到左診所就可以睇到症........但我竟然坐左半小時,而且排在我之後睇症的人都被順延........

究竟係我一入到去姑娘已經叫我入去睇而我無察覺還是姑娘掛住招呼那對母女而唔記得左呢???!!!

下次去到登記處真係要留意姑娘的指示,唔好再咁樣"呆等"!!!~~~

睇完中醫就再到輕鐵站,收取和同事一起在網上拍賣的東東,然後回家!!!~~~

飯局+覆診

今日有"大老闆"請食飯(星期一我們阿sir請食自助午餐,呢次係部門阿頭一年一度請食飯),因為我下午要睇醫生,所以本來我都唔想出席,但我"阿姐"和我"阿sir"都叫我出席,以免俾人覺得"唔俾面"所以我都有去食!!!

食完飯都接近2:15pm.於是我急急衝去坐車睇醫生(預約時間為3點),去到醫院接近3:30pm,等左一陣就到我睇!

今日次亦係由一個好junior的醫生睇我!一如我所料,佢都係話要等埋抽組織先知詳細情況,今日只係抽左血,而家隻手都仲有少少痺!

與前上司相聚

今日要到金鐘工作,早上坐地鐵超多人,因為車廂超多人塞住個出口,我在金鐘落唔到車,真係激氣呀,搞到要在中環坐倒頭車返金鐘呀!!!~~~

中午相約了以前的上司午餐,因為她是居住在港島的,所以約在香港比較方便!!!~~~

我們上一次見面已經係2010年底的事,當時見她的身體比較虛弱,但現在她的精神和身體都有很大改善!!!~~~

因為咁耐無見,所以我們都有好多話題呀,而且她還準備了利是給我呢!

充實的週末

呢兩日放假好充實,但無温過書!!!~~~

星期六下午諗住出去影印少少資料,點知影印舖唔肯影!!!星期六晚同親友食飯,當作新年的團拜!

星期日到屯門行街,下午再到附近散步!!!~~~

今日去左邊,做過乜

 

 

 

今日因為會跟遠方回港的朋友見見面,所以我特登帶埋相機出街,而朋友佢都有相機,最後用左佢部機影相!!!~~~

平時我會收聽逢星期六香港電話第二台的節目<守下留情>,節目其中一個聲帶大約係講"去年的x月x日您做過乜野,今年的x月x日您做緊乜野。

而呢期我要"出巡",趁今日帶左相機,等我都記錄下自己做過乜野,去過那些地方吧!!!~~~

早上到觀塘做野,中午在地鐵站等朋友,把東西交給她,朋友的行程緊湊,所以今次未有機會跟她坐低傾下計,希望下次有機會和時間和她詳談吧!!!~~~

之後我就去APM的food court食午餐,今日食左拉面,不過食完呢聲之後成個下晝都覺得好口渴!





之後坐地鐵去旺角,在旺角再轉小巴上培正道,因為未到工作時間,所以去左圖書館






呢間圖書館好大,又好多層,位置多但人唔多,我係呢間圖書館仲借到上堂要用的textbook呢!!!~~~

結果,我成日下晝都帶左那本又厚又重的書呀!!!~~~

平時出街做野都有好多東西要帶,通常要孭一個袋再拎一個環保袋,加上我比較瘦和力氣小,所以出巡期間我的膊頭成日都會痛呢!!!~~~

又出巡

不過不覺,我返左新工已滿三個月,而每隔三至四個月,我都要"到訪"自己部門位於港九新界的各個辦事處!!!

上一次是在去年10月和11 月開展此項工作,詳見<外出工作>這篇blog


和我一齊外出工作的同事稱這個項目為"出巡"或者 "遊埠", 因為一日少則走兩個地方,多則四至六個不同場地! 呢項工作我覺得對是我咁多項工作中最辛苦和最頻撲的一項!!!~~~

距離上次"行動"已接近三個月,所以今日開始又展開新一輪的"出巡"呢!!!~~~

我以前返工無需外出工作,可以在office坐定定,有時又可以帶飯,唔使成日出街食野!但返左呢份新工之外就經常在外面工作,要習慣外面的環境和食物,間接令要離開自己
的"comfort zone",目前仍在適應中!!!~~~

今日亦都有件開心的事情,因我在朝早衷心盼望能收到自遠方回港渡假的好友電話,估不到"出巡期間"竟然真的,接到她的電話,同佢傾到計,真的好滿足和好感恩呀!!!~~~