夢

雖然我考完A-level都有一段日子,但到現在我久不久發夢都會夢到自己讀緊中六/中七,好怕唔夠時間讀書, 怕考高考時預備不足!!!

今朝早又再發呢個夢呀!!!

因為A-level課稅橫誇中六和中七,而夢中自己應該係處於中六尾段或中七初期,担心緊唔夠時間重温返中六初期教的東西! 而呢個一個夢境不止出現過一次,究竟有乜野特別意思呢???

係咪意咪著我而家讀書唔夠努力???

還是我做事預備不足呢???!!!

太陽出來

由年初一到而家,今日終於可以見到太陽


趁天氣咁好,我今日都落街散步,有太陽但同時大風!

下星期又開始要返學和外出工作,希望繼續有好天氣!!!~~~

開工

果然係自1996年最凍的農曆新年假期,,我昨晚睡覺要著兩件羊毛底衫先可以入睡呀,我都已經好耐無試過要著咁多衫睡覺!!!~~~

今朝早返工早上都凍呀,而天文台話星期六會回暖!好快我又要出街工作,好希望見到和暖又有太陽的天氣呢!!!~~~

新春假期

初一至初三放假期間真係好凍呀,又落雨,我昨晚睡覺要著埋羊毛底衫呀!!!~~~

明天就要返工,開工大吉!!!~~~

年初一

大年初一,祝各位身體健康,心想事成,龍年行好運!!!~~~

今日天氣比較凍,所以我都無跟隨家人外出拜年,自己一個留在家中!!!

中午煮左米粉作午餐,夜晚唔想再食粉面,所以我決定自己煮飯!!!~~~

今次係我"初試啼聲"自己煮飯呀~~~

因為得自己食飯,所以蒸左臘腸,灼菜加墨魚丸和魚皮餸!!!

雖然不是很豐富而且落得太多水煮飯,但都叫做係自己一手一腳煮左餐飯出o黎,比起以前只係會煮粉面的我,已經係一大進步!!!~~~

新的一年,希望自己身體健康,一切順利!!!~~~

逛街

雖然開左學兩星期我都沒有點睇過上堂所講的內容,希望趁下星期有時間看看!!!~~~而年廿九開始天氣會轉涼,所以趁新今日和暖出街行下!

本來打算出屯門圖書館書借本書(因為今個學期返學的課本都好貴,所以想去圖書館先借來看看),出屯門當然會行埋屯門市中心,見到G2000有減價,不過試過幾件衫都唔係太好睇,所以無買,跟住到大眾書局,找不到我想買的書,只在市中心的吉之島買左少少野就離開!!!~~~~

因為彩豐行在圖書館附近,所以先去彩豐行看看,買左少少野,不過全部都係幫人買或我買來想人的,自己在彩豐行反而無買野俾自己!!!之後去到圖書館,在書架揾到想借的書,但去到櫃位借書時職員先話本書唔借得出街,所以借唔到書!!!~~~

回家稍作休息再出去睇中醫,約左中醫5:45pm,我見返正無野做,所以早少少出去診所附近行下! 診所附近的商場都有G2000,我見到一件之前想買的衫做緊半價,試身後都覺得不錯,而且該店仲有新的,所以買左件衫! 之後再去行書局,在商務揾到呢本書:



我上星期在元朗的三聯已經睇到呢本書,當時無買,今日去屯門大眾又揾唔到,睇中醫前在商務又見到呢本書喎,所以決定買!!!我用大學的信用卡付款,原來有九折的!!!

最括而言,今日都好滿足呀,雖然不是有目的地出擊購物,但無心插柳下都買到自己想買的東西,而且仲要有discount呢!!~~~!



P.S. 在其他blogger看到人家的blog好多得意公仔,加上有一位blogger教識我怎樣加這些生生動的圖案,所以呢篇blog用多左時間寫呢,希望大家睇得更開心!!!~~~

生活雜文

一開學就少左時間出blog,趁今日有時間打返篇blog先!!!

星期一去看中醫,但中醫話如果用中藥去醫我甲狀腺的瘤是很難的,佢仲話做手術先係最徹底的方法!!!但我好唔想做手術呀,等下個月西醫覆
診再看看醫生點講!!!~~~

上星期出外做野,今個星期因為就快放新年假,所以可以留在office,好開心呀!!!~~~

今日約左我mentor和佢另一個mentee食飯,大家都算有話題,唔會有悶場!!!

明天約舊同事食飯,星期五則會和而家的同事食"團年飯",跟住就放假呢!!!~~~

失魂

我今個星期開始要返學,要兼顧的事情相對增多,可能令自己成個人都變得更"失魂"!!!

話說呢幾日我出外工作(俗稱 "出job"),本來我是和另一位同事一齊出job,但我同事今日下晝自己返左office做其他野,得番我自己一個! 而我今日下午都接近完成所有工作,於是我自己一個人把出job時從外面部門借用的files歸還!!!~~~歸還的過程也很狼狽,因為一來我好瘦,拎唔到咁多野,結果用張椅寄出去,仲要得我自己一個推,去到門口時d野跌哂落地,好在有位路過的女仕幫忙!!!~~~

還哂d野之後都已經好晏,於是我速速收拾好文件預備帶回辦公室(因為出job的地方距離office不太遠)!

今次出job我們是借用了人家會議室,而會議室內亦有洗手間的鎖匙!!!

我執好野後攞埋洗手間鎖匙去了一趟洗手間,然後就歸還會議室的鎖匙,之後行番office!
 
但當我行到office樓下,我突然醒覺女洗手間的鎖匙係自己褲袋呀................

當時我已經差不多到office,而且仲拎住兩袋野,所以我先回office把東西放低,再返去出job的地方還鎖匙,行來行去,搞到我氣都喘!!!~~~
返左呢份工幾個月,同以前的工作比較,呢份工比較 "粗勞", 有時要搬搬抬抬,走走 "笛笛", 呢一點係我最唔鐘意的!!!

對於呢件事,我承認主要是自己的疏忽!但另一方面,我都有少少覺得如果當時我同事和我一齊的話,佢可以幫我手一齊還files,我就無需要咁趕急,咁樣我就未必會咁大意!!!~~~吸取今次的教訓,搞到自己咁辛苦,下次我要唔好再咁"大懵"!!!~~~

上學期的成績

昨天是本學期的開學日子,同時亦公佈了上學期的成績!!!

我上學期的成績可以說是預期之中,雖然不算非常標青,但都算係有交代,不過不失!!!同時印證了付出和收穫是成正比,我花了好多時間讀的一科,成績比另一科要好!!!~~~

來到課程的最後一個學期,希望自己本學期繼續努力去做,爭取好成績!!!~~~

開學

本來想趁過年前整負離子,但因為我怕那些藥水會對自己身體有影響,所以決定暫時唔電直,只剪短頭髮! 昨日難得親友有時間幫我剪頭髮,所以不用出外面剪頭髮,不需要接觸外面髮型屋的那些毛巾!!!!~~~

今日見有太陽所以下午到戶外散步!!!~~~

快樂的日子真係過得特別快,由12月開始我都無需外出工作,可以留在office,無需"頻頻撲撲"!!!不過下星期開始我又回復外出工作的生活!!!~~~我要時刻提醒自己不要因為要出街做野而唔開心,因為自己的心情會直接影響身體,我怕如果自己再咁"忟憎"會令甲狀腺的問題愈來愈嚴重呢!!!~~~健康仍是最困擾我的一環,本來我係抽完組織三月先覆診,但甲狀腺的瘤愈來愈大,我二月頭會返去覆診多一次!所以,我要把自己的情緒管理好,唔好咁緊張!!!~~~

而明天亦是我下學期開學的日子,我一星期有幾晚放工後要返學!識我的人都知我好怕凍,冬天放學後回到家已經好夜再加上凍的話,是我最難捱的時間!!!~~~不過,讀埋呢個學期我就會完成課程呢!!!~~~

p.s. 今日下午明明打左篇blog,但無啦啦唔見左,所以呢篇blog一共打左兩次!!!

天氣轉冷

今天的氣溫下降不少,天文台都講左話會轉冷,所以我今日著左之前係先施買的THE NORTH FACE羽絨褸。

,因為之前那件已經著到舊,而識得我O既都知我有幾怕凍, 我見以前那件褸得七成係鵝絨!而我又怕凍,所以想買件夠哂保暖的褸!於是,我新買的褸話係有八成鵝絨的(件衫寫住600,對照番即係八成鵝絨),仲要係長到去膝頭的褸,為左揾呢件褸我真係幾乎行哂港九新界的百貨公司(包括SOGO,JUSCO和太古廣場),因為好多羽絨褸只係長過腰少少!!!

件褸著上去的確係好輕身,但唔知係咪太輕呢,我覺得不是好好好暖,可能是我太怕凍吧!!!

未來幾日都會繼續寒冷,而下星期開始我亦開學,到時返學的日子真係"早出晚歸",大家都要好好保重呀!!!~~~

2012

2012正式展開,希望自己和各位在新一年都健健康康、一切順利!!!~~~

1月1日到附近萬寧買野,之後再散步!!!

今日和表妹一起到屯門市中心行街,回到家後自己去附近的商場買一些紀念品給朋友!買完野都已經幾晏,所以今日未有散步!!!~~~

星期三開始又會轉涼，下星期我就又會再開始放工後要返學的生生活!!!

而再過多三個星期就係農曆新年呢!!!~~~