今日都係出街做野,仲要上下午共去兩個地方,早上兩個地點都是在九龍!!!中午係葵芳食飯,新都會廣場無乜自由行,聽唔到普通話,無人拉o急,唔會擠迫,商場多數都係本地人或者係商場樓上寫字樓返工!!!
食完飯先去葵涌做野,再出返九龍, 點知去到最後一個地方,負責有關工作的同事不在辦公室,我要再揾時間去過......今日係今年最熱的一日,今天係咁騰來騰去真係幾辛苦!!!話說我有同阿姐提出咁一日去咁多個地方好頻撲,阿姐提議可以半日出街做野,半日回辦公室...分散d去做......不過我那位"下屬"話半日出街做野,半日回辦公室,車錢相對會貴喎(我們由家中去工作的地點無得申領車錢,由一個工作地點去另一個工作地點就可以申領車錢)...所以佢用最少車錢由家中出發去某一工作地點,之後去幾個地方工作,臨放工的地點就番佢回家的地咁佢中間的車錢可以全數申領...佢所花的車費就無咁貴......而且佢一日去幾個地點,中間有多d時間(中午食飯時間)俾佢走盞做自己野,如果做完野半日,另外的半日要返辦公室佢就無咁自由,所以我"下屬"好喜歡一日走幾場,佢話分開去做 "仲麻煩"喎......
遲d夏天,天氣仲熱,我到時真係可能要改變呢種一日走幾場做法,希望最多一日去兩個地方就好了!!!~~~
雖然我而家份工唔需要OT, 但以上係我工作上"苦"的一面,亦是我對現時工作之最討厭的一個環節......不過正如我之前咁講,我唔會長時間都做呢個位,日後我都會調職的,所以我都會安慰自己唔好咁介懷!!!~~~
2013年3月13日 星期三
工作行程緊湊的一天
訂閱：
張貼留言 (Atom)
最好能樂在其中。
回覆刪除[版主回覆03/14/2013 09:23:44]如果天氣唔太熱都ok的, 不過每份工都有其優劣之處,要去接受生活中不完美的地方!!!
加油
回覆刪除[版主回覆03/15/2013 09:18:06]多謝您,您都要努力呀!!!~~~
每個人性格不同,有些人喜出外走,有些喜歡坐寫字樓。如果調職,是否可以自己選擇呢?
回覆刪除[版主回覆03/15/2013 09:19:28]調職係由"中央" 安排,無得自己話事,所以自己控制唔到!!!
成日走黎走去都幾辛苦，希望你可以快d調職啦:)
回覆刪除[版主回覆03/15/2013 09:21:37]我唔太喜歡周圍走,不過我會同自己講,每個地方都有好壞, 每份工都有優劣!
好在我都仲算年輕, 趁後生做呢d "外勤"工作,好過等日後年紀大先派去呢d位,咁仲辛苦!!!~~~
一般2-3年會開始調職,我都係度做左年半呢!!!
沒有強國人到這裡好吖, 起碼食晏少啲人同妳爭位 .
回覆刪除妳諗得好好吖, 現在年青辛苦些唔緊要喇 , 先苦後甜 .
[版主回覆03/15/2013 20:10:21]其實我而家個位都唔錯,起碼工作量唔大,只係要出街做野啫...日後調去其他位做唔同o既野,工作量可能相對繁重...不過呢d野我控制唔到!!!~~~