因為我想睇下呢款離子導入清潔機
所以下午和表妹一齊出去我的"蒲點"--屯門市廣場。我無去呢個商場一個月左右,又多左新舖,馬莎百貨已開幕,也有新的咖啡店。
食肆亦多左,開了武藏拉面(這間店我之前在觀塘apm見過,好似幾出名),有一間由阿Bob做代言,仲話只收八達通! 另一間已開左一段時間,叫 "靠得住", 我見有面有糭食,仲話係米之蓮推介,下次我都想試下呢間!!!~~~
今天在屯門的商場一樣係好多人,四方八面都聽到人講普通話,真係旅客仲多過本地人! 之前又話零售業差左,但今日我見金舖真係逼滿人,好多舖頭生意都好好!!!~~~
行完屯門返家,經過西鐵站的萬寧我入左去買少少野! 排隊俾錢時,有一位女士俾緊錢,佢又要拎膠袋,入好d野後又在收銀櫃台前左揀右揀,收銀員話佢知個d係芒果味果汁糖,那位女士問d糖有無芒果係內面,收銀員話無,叫佢慢慢揀下,先收我前面那位人客! 收完我前面的人客到輪到我俾錢時,那位女士遞包糖俾收銀員,話要一包! 我望左收銀員一眼,我本來都以為收銀員會收佢先,但呢位收銀員好好,無俾佢打尖,仲同女士講話咁唔得ga,佢要再排隊俾錢!!! 結果呢位女士話唔買喇~~~
而家出街,好多自由行買野,搞到間間舖都鬼咁多人,令排隊俾錢都要搞好耐~~~
係呀，屯門真係好多內地遊客
回覆刪除[版主回覆01/20/2013 20:55:41]其實唔止屯門,我覺得而家周圍都多內地人來買野...
周圍都係內地人呀~.~
回覆刪除[版主回覆01/21/2013 09:31:50]係呀,到處都見到內地人,周圍都好多人,搞到行街買野都迫到死~~~
屯市更加多內地客!
回覆刪除[版主回覆01/21/2013 15:55:41]我本來想買鞋,但間間賣波鞋的店都迫滿人,又嘈又亂,售貨員加埋內地客個個係咁不停講野,真係想睇多d野都難
屯門市廣場周圍都見到內地人的踪影 , 有一日我都想入價X棧睇零食 , 但看到門外排咗一大班內地人 , 我立刻掉頭便離開 , 唔想聽佢地吱吱喳喳嘈 .
回覆刪除[版主回覆01/22/2013 09:16:40]我聽我媽咪話元朗的價真棧一樣超多內地人買野,一箱一箱相咁搬野走,真係想入灬睇下都難~~~
自由行已進駐了屯門了嗎？噢
回覆刪除[版主回覆01/24/2013 09:35:21]周圍都好多自由行買野呀,所以好多地方都好擠迫!!!