放工後到屯門買野

最近放工在荃灣解散,所以多左時間用,今晚放工我就去左屯門市廣場買少少野!!!~~~

我大約六點到達屯門市廣場,人不算特別多,比假日時少好多人呀,行街睇野都舒服d!!!~~~

今日目標明確,所以一去到就先入要買野的店舖,買完野我再行左一陣就回家!!!~~~

放工後去剪頭髮

由於最近在荃灣放工,今日係荃灣一去到小巴站有車,去到西鐵站又立即有車,所以好快就返到家!!!

平時我好少放工去剪頭髮, 但我見今日時間尚早,於是想去剪頭髮! 去到髮型屋時咁o岩唔太多人,所以我只係等左大約五分鐘就有得剪,真係好好彩呀!!!

在我剪緊頭髮時,開始有幾個客人入來染髮,人又開始多番!!!

剪完頭髮後回家都未夠七點,算是非常幸運呢!!!~~~

執拾

今天食完午飯飲完中醫後,諗住去剪頭髮,點知間間髮型屋都好多人, 我去到髮型屋問老闆娘(她剪得比較好)要等幾耐,老闆娘都忙到一頭煙,全店都坐滿人!

老闆娘話暫時無位呀,可能要等到6點,時間差太遠了,所以我無剪到頭髮,或者下星期再去過!!!~~~

行左一陣街就回家開始執拾大掃除,扔左好多廢紙! 間房頓時乾淨左好多,人都開心d!!!~~~

執完野休息左一陣,見時間尚早而且外面有陽光,所以我落街散步!!!~~~

出元朗

早前託朋友買左賀年禮盒,貨到後她今天約我到元朗把貨品交給我! 我先把貨品拿回家,休息一陣之後再出元朗行街(行左元朗廣場和喜利)和睇中醫!

我睇中醫的預約時間為5點15分,但我到6點25分先睇醫生! 執埋藥回到家都7點幾了,未試過睇中醫睇到咁夜!!!~~~

環境唔錯

今日要去新地方工作,之前聽過同事講話以前o黎呢個地方做野,d野唔太好食,又有動物出沒,所以我都已經有心理準備!!!

今早我先到大圍站,再和兩位同事一齊坐車入去! 我阿姐和另一同事自己坐車入去,她們比我們早到,佢地到埗後去左飯堂食早餐,仲讚不絶口,話又平又好食呀,比以前改善左好多!!!~~~

中午食飯時飯餸都是"熱辣辣" 的,這樣己經很好(我之前去過一些公司飯堂食飯,d飯只是剛剛暖,我唔係咁鍾意), 呢度仲有下午茶,不過今日有人請我們食西餅所以無食下午茶,我阿姐話佢昨天下午茶食左多士,都唔錯!!!~~~

今日無見到動物出沒, 但阿姐都提我們要小心留意!!!~~~

放工我坐的車是在荃灣地鐵站解散,我好多年都無經過荃灣地鐵站了! 所以我到南豐中心行左一陣,我粗略估計自己應該有成十年八年未行過荃灣地鐵站附近...

行左一陣商場之後,我坐小巴返荃灣西西鐵站(呢架小巴都幾多人坐,有時要等兩架先上到車),再坐西鐵回家,好快就返到屋企!!!~~~

明天又要去新地方做野

我逗留在自己辦公室工作的日子又要暫時告一段落,明天會去其他機構工作,農曆新年前都主要係出外做野!

聽聞今次的工作地點附近好多動物出沒的,希望不會太驚嚇吧!!!~~~

不知是否最近的天氣比較"悶", 我就算留在自己的辦公室處理一些較輕鬆的工作時,個人都覺得有少少累和無乜生氣,好"懶洋洋"~~~我真係比較 "咋豆"!!!~~~

星期六計劃去睇中醫,趁過年前睇中醫調理身體! 星期日本來都想出街的,但看來我應該會留在家休息下!

好多野食

本星期五開始我和幾位同事又要暫時離開自己的辦公室,出去外面的公司做野! 去到人地公司,地方較偏僻,無得出街食飯,午餐都係在飯堂解決,所以趁未出街做野,呢幾日食定多d野先......

昨天有同事買了東海堂的木糠布甸蛋糕,幾重奶味,喜歡牛奶的朋友應該會鍾意!!!~~~

今早有同事帶左佢親手整的糯米飯回來給大家試,真材實料兼唔咸,好味!!!~~~

我阿姐(上次我俾人嚇親,我捉住的那位)今日中午食完飯又買左美心新出的彩虹蛋糕回來請大家食

基本上除左中間有一層係柚子味(搽左一層類似柚子茶的果醬)較突出外,其他幾層味道都係同普通蛋糕的味道差唔多!!!~~~

p.s 回家時信箱收到表妹早前在韓國寄回來的postcard, 希望我今都有機會去下旅行啦...

 

 

培養好習慣之一晚無用電腦 + 計劃將來

平時食完晚飯我通常都立即用電腦,一般都係check下電郵,巡下blog和facebook!!!~~~久而久之,我好似無左電腦夜晚就無野做,無節目(我好少睇電視),昨晚我 "忍住"唔開電腦,專心鉤野,希望自己可以慢慢減少依賴上網去打發時間!!!~~~

由於我年紀都唔唔細,所以開始計劃下自己的將來! 以我的年紀和條件,相信要揾對象應該不容易,所以真的要為未來獨身的生活好好計劃! 首先,當然是揾地方住的問題,現在的樓價升到癲,真係唔知入市好定唔入市好! 早幾年樓價咁高息口又低時自己又唔夠膽入市,真係好後悔! 現時我都會諗究竟要到幾時先可以買到我的 "孤婆屋"! 就算買,我都諗住買番現時住的屋苑,近家人方便互相照應!!!

再者就是飲食和家務方面,平時在家一樣家務都唔做的我,萬一自己住就乜都要自己搞掂! 所以,我都要開始迫自己做下家務和學下整野食先得!!!~~~

到處都是人

因為我想睇下呢款離子導入清潔機

所以下午和表妹一齊出去我的"蒲點"--屯門市廣場。我無去呢個商場一個月左右,又多左新舖,馬莎百貨已開幕,也有新的咖啡店。

食肆亦多左,開了武藏拉面(這間店我之前在觀塘apm見過,好似幾出名),有一間由阿Bob做代言,仲話只收八達通! 另一間已開左一段時間,叫 "靠得住", 我見有面有糭食,仲話係米之蓮推介,下次我都想試下呢間!!!~~~

今天在屯門的商場一樣係好多人,四方八面都聽到人講普通話,真係旅客仲多過本地人! 之前又話零售業差左,但今日我見金舖真係逼滿人,好多舖頭生意都好好!!!~~~

行完屯門返家,經過西鐵站的萬寧我入左去買少少野! 排隊俾錢時,有一位女士俾緊錢,佢又要拎膠袋,入好d野後又在收銀櫃台前左揀右揀,收銀員話佢知個d係芒果味果汁糖,那位女士問d糖有無芒果係內面,收銀員話無,叫佢慢慢揀下,先收我前面那位人客! 收完我前面的人客到輪到我俾錢時,那位女士遞包糖俾收銀員,話要一包! 我望左收銀員一眼,我本來都以為收銀員會收佢先,但呢位收銀員好好,無俾佢打尖,仲同女士講話咁唔得ga,佢要再排隊俾錢!!! 結果呢位女士話唔買喇~~~

而家出街,好多自由行買野,搞到間間舖都鬼咁多人,令排隊俾錢都要搞好耐~~~

 

 

週未

今天本來無打算出街的,但中午阿姨致電給我,叫我去她的家,順便提取表妹幫我在韓國買的東西!!!

我見出開街,所以問埋織友仔得唔得閒,織友同我住得好近,佢好好人幫我在淘寶買左棉綫,所以今日織友拎埋綫給我!!!~~~

逗留阿姨的家幾乎一個下午,到四點多才回家,回家後再用織友幫我買的綫練習鉤野!!!~~~

不愉快的覆診

本來我上年12月中會返醫院覆診,但當時我咳緊唔舒服,所以改為今天先覆診!!!~~~

我的覆診時間是3點,中午我們的大大大老闆請食午飯,我食完飯即刻趕去醫院,去到醫院大約3點半!!!~~~

今日唔知發生咩事,大家一直等,5點後都仲有3個人(包括我)未睇症,真係從未試過等咁耐,姑娘都同我講唔好意思!!!而我仲係全場最後一個入診症室,當時已經近5點8! 我今次覆診不愉快除了有一少部分係因為等得耐(呢個絶對不是主要原因),我最最最唔開心係覺得呢位醫生好敷衍!!!~~~

今次係睇一位好年青的女醫生,入到診症室後佢循例問下我一些問題,我就講哂我的情況佢知,佢再幫我檢查下,跟住話我的情況同之前差唔多,無乜特別! 佢話我唔做手術的話,無乜野可以跟進,返來覆診都無乜大意義,我覺得佢比較 "官腔"!!!

然後佢又叫我伸直雙手,我見到我左手好似有少少手震,阿醫生問我平時係咪好緊張! 我話我而家都無乜緊張呀!!!~~~

上月我病時去過公營診所睇醫生,當時我同醫生講話我成一年無驗過血,使唔使再驗,那位醫生話可以幫我再抽血檢查下,但由於我當時病緊,所以無立即抽! 咁呢位醫生寫左張表格列明我要抽血檢查的內容,叫我好返再去診所抽!!! 由於我想我的病歷統一少少,所以我諗住今日去醫院抽埋血,咁醫院跟進時都有齊全的紀錄(因為那間公營診所無專科,只有一般門診,而我抽血的檢查是關於我睇緊的專科)!!!咁我拎左呢份表份俾今日那位醫生睇,同佢講話我都有近一年無抽血檢查,可否安排我今次抽血呢???

今日呢位醫生就話: "每個醫生都有不同睇法,等我講返d規矩先啦,無人話要一年或定期抽血檢查,您可以上網查下,之前都幫您抽過血,而且唔止抽過一次!

去到呢度,我都有少少嬲,仲火火地, 我心諗我而家係o黎睇醫生,唔係入課室聽老師上堂,您使唔使用 "規矩" 來 " 撻"我呀!!!~~~

於是我都不甘示弱,我話 "ok, 咁您而家係咪認為我無需要抽血! 無錯,我在醫院係抽過血,但那兩次抽血的時間已經分別是2011年中和2012年2月,相隔咁耐,係咪應該再做一次檢查比較妥當呢!"

咁醫生又話: 如果您而家無新病徵,係無需要抽血! 您有無心跳呀???

我答:有呀,我早上有時近6點就會心跳,跟住醒左,我之前都會咁跳呀!!!~~~

醫生佢再問: "以前同而家係咪一樣咁跳法呀"...我答佢以前同而家都會跳,但有少少唔同跳法囉...(其實我都唔係太識分別跳法的不同)

可能醫生覺得我好煩而且感覺到我不滿,最終都有幫我安排抽血! 我心諗,好在我比較年青識得爭取,換轉係一些上年紀的病人,好易就會俾醫生打發算數~~~

跟住醫生話我的情況,唔做手術返來覆診都係見下醫生咁啫,無乜特別野做,一年後先再返來覆診啦!!!

我梗係唔會咁 "順攤" 由得佢耍走我,我答話一年咁長時間,中間有咩變化好難預計,可否大半年覆診一次呀!!!

然後阿醫生有少少晦氣咁話: 有變化您肉眼都識分到和睇到,您自己都識去感覺,如果真係有大變化您可以打電話返來提早見醫生"~~~

聽到佢咁聽,我就話 "我只係普通常人,我的觀察和判斷未必一定準確,最好的方法應該是由醫護人員定期去跟進和判斷!!!~~~

您估下阿醫生點反應......

佢話 " 我同您的觀察唔會有大分別喎,都係咁去睇啫"......

雖然最後佢都係排左大半年後覆診,但您話係咪真係俾呢個醫生激親吖...咁同病人講野都得...佢今日所講的說話和態度亦令我有少少不滿和嬲

見完醫生我急急腳出去揾姑娘抽血(因為姑娘要等全部人睇哂先可以離開),費時阻住人咁耐...抽完血終於可以回家,回家時間同我平時放工接近,真係無諗過搞咁耐~~~

我明白政府醫謢人員每日都處理好多工作,但可否多從病人角度出發呢....試諗下,一個病人排期成半年,掛號後再等超過2小時先見到醫生一面,但竟然用如此敷衍,官腔和草草了事的心態去面對病人,實在令病人失望!!!~~~

我平時都算係一個 "淋善"的人,好少會咄咄逼人,但遇到今日呢位醫生我都忍唔住要"反抗"...

能夠遇到好醫生,真是一件幸運的事!!!~~~有時睇唔睇到好醫生都好靠彩數!!!我不知道是否因為呢位醫生太年青抑或是她個人問題,姑勿論她的醫術是否精湛,但我認為她對待病人的態度仍然有待改善!!!~~~

俾人嚇一跳...嚇到我捉住阿姐隻手

今天下午要去聽講座,所以我今日無帶飯,和同事去左"八囍"飲茶!!!

我第一次去呢度食野,我們點了胡椒餅(呢個辣我無食), 擔仔面,蝦餃,粢飯,奶皇飽,,排骨飯和油麥菜,味道都幾好,呢間店話自己無味精喎!!!甜品我們揀左羌茶珍珠湯圓,有一粒粒黑色好似珍珠奶茶的珍珠,但較稔,湯圓是芝麻湯圓!!!~~~

食完飯我和我阿姐、再加另外一位女同事三個一齊坐巴士去舉行講座的地點! 落車後要過兩條馬路...我阿姐行最前,中間係我,我同事行最尾,過完第一條馬路去到中間等紅綠燈過第二條馬路時,行係我阿姐前面的一位阿伯突然"啊"一聲大叫,嚇到我即刻住我阿姐隻手...

其實我當時會捉住阿姐隻手一方面係有少少驚啦...另一方面我怕那位阿伯轉身時會傷害到我阿姐,咁我捉住阿姐到時都可以拉開阿姐!!!~~~

那位伯伯"啊"左一聲之後無其他特別行為,停在原地, 我們三個見綠燈照過埋條馬路(當時仲有其他路人)~~~

當時我嚇到個心卜卜跳,好在我阿姐當我隔離,俾我捉住佢定下神(雖然阿姐無話我亦無扯開我隻手,但佢可能心中暗叫唔好彩,無啦啦俾我呢個手下捉住隻手,仲可能覺得我好無用)!!!行最尾的女同事可能見到我捉住阿姐隻手咁"激動",問我係咪好驚...我就答"XXXX(我阿姐英文名,平時我們都稱呼大家的英文名)唔驚呀,但我驚到捉住左佢隻手"~~~

我呢位阿姐(就是平安夜返工送面膜給我的那位)為人真係唔錯的,食飯會夾餸俾我地,又唔會成日催我們做野!!!雖然佢平時都係靚太一名,著得好靚咁返工,但有時我們出街做野去到一些環境差少少的地方,佢都唔會嫌三嫌四,"容忍"到比我仲高(我比較麻煩,有時去到一些工作環境,我會覺得無自己寫字樓咁乾淨企理,尤其係洗手間),所以我都幾欣賞佢!!!~~~

當我再回想返呢件事,我都覺得自己太誇張,而且仲好"小朋友"!!!咁大個人都鬼咁細膽,咁少事都會被嚇到!!!~~~我真係要好好檢討下,下次要鎮定d先得~~~

一個人的旅行 之 獨立

這幾天因為要揾某些資料,在網上看到不少人的遊記!!!~~~

數數手指,我自從2009年後都無去過旅行(因我2010年開始兼讀課程,大部分假期都用作温習和考試)!!!~~~
我都幾矛盾的,有時又想去下旅行散散心,但有時又覺得放假在家/留港都一樣開心,無需一定要去旅行!!!~~

 

網上見到有不少人都是自己一個去旅行的,其實這也是一個好好的鍛鍊機會,擴闊眼界之餘,仲可以訓練自己更加獨立!!!~~~不過我相信暫時我都無乜膽量一個人出遠門,總覺得有其他同伴有個照應無咁危險!!!

 

人是要成長的,我總覺得自己和同年紀的人相比,依然是屬於比較遜色!!!~~~我一直都覺得自己唔夠獨立,此乃我其中的一個不足之處!是因為我的性格較內向所致嗎???

我在 “2013” 那篇網誌的期許也包括希望自己今年更獨立呢!!! 點先可以令自己更獨立呢???暫時來說,或許作出不同的嘗試是訓練獨立的方法之一,所以我都會嘗試下以前未試過做的事情,起碼都係一種突破!!!~~~

第一次跟blog友見面,坐低食野

今早起身後,用家中的綫材諗住練習下鉤背心的花樣



鉤鉤下電話響,原來係blog友打給我約我見面呀,真係好開心,好難得呢

Blog友帶左我去食拉面呀仲送野給我,食野之餘仲傾左好耐,blog友同時鼓勵我思想要更加正面,唔好成日諗得咁灰,真的好多謝佢呀!!!~~~

見面完畢後,我自己行左一陣,買左uniqlo的heattech打底衫,好多人都暖而我又超級怕凍,但我一路都覺得件衫咁薄,暖極有限,所以一直無買,見佢而家由129減到99 ,姑且買一件試試,今天真的收穫豐富!!!~~~

聽歌

這幾天因為天氣都幾凍,所以除左下午落樓下散步外,我多數時間都在家! 在家時我通常會聽電台節目...

前幾日聽到劉若英的新作<愛情限量版>

劉若英真的是一個多棲藝人,會出書拍戲和唱歌,而且她的歌也不比其他歌手遜色! 我甚至覺得她非常有魅力和獨特,在香港和大陸暫時都沒有人能挑戰她!

昨天在電台則聽到阿燦廖偉雄的訪問,播左以下呢首<Charlie Charlie Chit Boom Boom>, 真的很長時間沒有聽過呢類咁"香港"style的歌曲了,而且好久都沒有<笑聲救地球>這些有創意和諷刺時弊的節目呢,真係都好懷念呀!!!~~~

冷帽

這款冷帽的款式是我幫其中一位織友揾的,揾完之後見到佢織好的作品好靚,所以我都跟住織!!!我利用上星期放聖誔假的時間,加上周未和今天的假期,終於織好!!!

真人示範~~~

現時戴上頭的闊度剛剛好,希望洗完之後不會像上次那般變哂形吧!!!~~~

雖然這個作品仍有些不足之處,但總體來說我都好滿意! 一來我用了大約一星期就織好,二來今次款式比以前複雜,試了織麻花,也算是一個進步!!!~~~我相信再多加練習,下一個作品會做得更好的!!!~~~

2013

2013年開始的第一天,因天氣仍有點冷,所以我沒有搭車出去逛街,中午時在屋企附近行下和散步,哂哂太陽!!!~~~

新的一年展開了,我都有一些目標!

自己希望今年做人和做事可以更成熟更能幹,能夠獨立理智地處理問題! 以往的我比較多憂,有時會心大心大,畏首畏尾,希望可以改善這些缺點!!!~~~

另外,我也有好幾年沒有去旅行,希望今年有機會出外旅遊!!!~~~

當然,最重要的是好好鍛鍊和調理身體,讓自己更強壯!!!~~~

大家一起努力,向自己的目標邁進吧,加油!!!~~~