半年

2012年過左一半,呢半年上半部仍要返學,所以比較忙! 五月考完試之後空閒時間較以前多,所以放假都可以好好休息和hea!總括來說我都滿意上半年的生活!!!~~~

而下半年希望自己一樣可以過得既充實又開心!!!~~~

頻頻撲撲

又好耐無更新,皆因生活上無乜特別事發生,現在不用返學,生活離不開係返工放工! 其實我的工作都算OK,很少會碰上urgent的工作或者OT,同事相處都算融洽! 但最辛苦的一環是要走來走去,好似今日就去左幾個不同的地點,加上天氣開始熱,所以對我呢d唔習慣 "騰來騰去" 的人來說,都幾辛苦!

而今日頭半天的行程在公司附近,所以我買左野食返office食,一來可以返公司斟下水去下toliet(在自己office,始終都方便和舒服d),二來可以坐低抖下,唔使中午時間係外面溜連! 我immediate supervisor都好好,佢有時見我行程咁緊湊都會同我講話如果太趕就自己安排下,又會叫我小心呀(佢可能見我咁潺,驚我頂唔順),佢都唔會太挑剔或者太嚴厲,所以都算係"易話為"的上司!

每個地方都有好壞,所以我成日都要同自己講(難聽d就係同自己洗腦),而家o既工作其實都有好的地方,唔好成日都諗工作辛苦/討厭的一面!!!~~~

覆診

今日下午返醫院覆診,覆診時間係三點,但等到近四點先見醫生!

今次見的醫生係後生的女醫生,但佢講野都好老成,佢都幾有自信,而且都有耐性聽您講野!!!~~~

而我要做的就是正常同健康咁去過生活,唔好令身 體情況出現唔好的變化,所以都係要放鬆d先得!!!~~~

工作的苦與樂

自從轉左工之後,要外出工作,尤其現時天氣那麼熱,所以我都好怕怕!!!~~~

話說我每三至四個月就會有一趟令我"非常厭惡"的一個行程,就是一天內跑四個地方! 我其實想分開幾日的,但我那位 "麻煩"又 "資深"的同事想慳d車錢,所以一日走哂幾個場!

今日佢中午約左人食飯食到好晏,結果我們去完第三個目的地已經成四點,我驚趕唔切去下一個目的地! 我那位同事即刻話要去埋最後一個點,因為唔果唔去埋下個目的地,佢無得claim返呢一程的車錢,佢話程車費都好貴ga!!!~~~結果,我們今日坐左兩轉 "紅van", 又頻頻撲撲左成日,我放工都好累!!!~~~

外出工作都有好處,就時中午食完飯有時間剩可以做下唔同o既野,所以我中午去左銀行申請i bond,之後再行左一陣商場(呢個商場好多野買,而且平日好少會順路經過),買左頂$5的浴帽(見佢平先買),仲有一盒直髮膏玩下,仲去skinfood換左一塊面膜!!!~~~

睇中醫

最近晚上不用上堂,生活不外乎返工放工,所以都無乜事特別值得記下,於是blog又變成週記!

上星期日約左Sandy去屯門行街,我空手而回,除左 Sandy俾左支aqueous cream我之外,我一樣野都買唔到!

星期一到金鐘工作,約左以前的舊上司樊太(樊太真的好好,那天落雨佢都唔怕麻煩照出來),佢仲叫我要食多d唔同類別的東西!

而昨天到深水埗做野,見到一間仁濟醫院和浸會大學合營的中醫診所,收費只係$160 (平過我平時睇開的博愛),我仲可以有九折(某些機構的員工有九折)!

我見到其中一個醫師以前在大陸的醫院做過婦科的醫師,好似幾出名!昨天我都想試下睇佢,但心大心細,最後無睇到!

但昨晚覺得呢期腸胃唔太好,都係想調理下,所以雖然我今日返左香港的office,但都去試下睇佢呀,我都覺得自己好似有強迫症, “強迫” 睇醫生 , haha !

我今日去睇左中醫,都唔算等得耐, 計理執藥前後唔使一個小時!

個女醫師都唔算老,但都唔後生,我諗40幾歲,我見到睇o個d人個個都係女性,我估佢應該專長係婦科,所以咁多女仕都看她調理身體!(診所有列佢的資料,佢以前在大陸醫院都係睇開婦科)


不過呢個醫師開的藥不算多,只有12味藥材(我平時睇博愛的醫師通常都有16味! 我以前的中醫好多時都會開黨參,川芎,甘草,白朮和鱉甲,所以佢d藥同我以前在博愛睇的都有幾味藥相同!

我同佢講話之前的中醫說好難用中藥去令甲狀腺結節變細,今日呢個醫師就話覺得可以嘗試! 佢叫我唔好食生冷凍野,唔好飲街買的涼茶和瓜菜湯,同埋做野唔好太緊張(佢話我虛,其實個個中醫都話我虛)! 我同佢講我已經介哂口,食得好清! 佢話可以一星期先再覆診! 本來佢打算開三日藥給我,但我話要住兩日先,佢都無問題,照開兩日!

不過,今日呢個中醫完全無摸過我甲狀腺粒野???!!!

P.S. 昨天手銀的錶帶有點鬆,今天趁再路經深水埗,所以睇完中醫專誠去左鴨寮街看看有無得修理,最後揾到一檔售賣和修理鐘錶的檔口,收費只係3元,一分鐘唔使就整好!