今日係新年假後第一個工作日,再加埋係情人節,所以好多人都仲放緊假,返工坐車時無平時咁迫!!!~~~
放工坐小巴時,座位好大冷氣,我抬頭諗住教細d冷氣,仲俾我發現而家小巴的冷氣制多左粒紅色按鈕,作用好似巴士的按鈴一樣,供乘客作落車按鈴之用,可能我平時少坐小巴(係最近要在荃灣地鐵站坐小巴去西鐵站先會坐小巴),我係第一次見呢款 "落車制"!!!
但我暫時未見過有人用喎,可能我坐的小巴是短程,頭尾只有三個站,多數人都係坐到總站!!!~~~
唔知其他小巴係咪都有用緊呢種按鈕呢???不過我覺得在小巴使用這個按鈕落車有難度,因為小巴唔會好似巴士咁有廣播/屏幕顯示一站係邊到,好多人都係見架車行到邊先"嗌"落車,如果改用按鈴落車我覺得好易駛 "過籠"呢!!!
2013年2月14日 星期四
開工大吉
訂閱：
張貼留言 (Atom)
祝情人節快樂！！
回覆刪除今日有無逗好多利是呢？
我屋企嘅小巴有落車製，不過有啲壞咗㗎！
[版主回覆02/14/2013 21:34:23]情人節快樂呀!!!
今日開工得兩封利是,因為我team得幾個人而己!!!~~~
看來小巴落車制出現左一段時間,我真的太out了!!!~~~
哈哈，我都見到，但我見其實好多人都無用....
回覆刪除[版主回覆02/14/2013 21:35:08]如果d乘客唔抬頭望都唔知有呢個按鈕,所以我都覺得應該好少人會用!!!
見過, 未用過
回覆刪除[珍珍回覆02/14/2013 22:34:03]我都好怕嗌有落, 通常會在停紅燈時嗌, 如果可以的話
[版主回覆02/14/2013 21:42:07]我諗多數人都會繼續係"嗌落車",方便又快捷!!!~~~
不過我有時好怕嗌,因為行車時架車會嘈,加上我講野又細聲,試過一次我上車後只得較後排的位,我坐得後又細聲,司機聽唔到我叫有落呀,最後仲俾司機話我"下次早d出聲"!!!又有一次我都係好細聲,好在隔離d乘客聽到我嗌落車,幫我叫司機停車俾我,所以我唔喜歡坐小巴,除非無其他選擇!!!
我以前搭果架專線小巴都有安裝!
回覆刪除[版主回覆02/15/2013 19:38:34]唔知多唔多人按呢個落車制呢???
我聽同事講話如果按完之後會有"叮噹"聲呀!!!
我中四、五果陣已經有呢d小巴，但係好多人都係習慣叫有落
回覆刪除[版主回覆02/15/2013 19:39:56]嘩,原來小巴有呢個裝置已經咁耐時間,我真係太out呢,昨天先發現!!!
不過我見唔係架架車都有裝喎,今日我坐的小巴就無呢個裝置!!!~~~
回覆刪除[版主回覆02/16/2013 13:10:46]我都係無意中先發現,而且不是每架小巴都有呢!!!
坐小巴不時遇到這種有"落車鐘"的小巴，但我仍是習慣叫"xx有落"。有時同一個站，先後會有不同乘客以不同的叫法叫有落。
回覆刪除[版主回覆02/17/2013 13:23:46]坐小巴真係唔太多人用落車鐘,多數人都係叫有落!!!~~~
我冇見過呀!可能少坐~
回覆刪除[版主回覆02/17/2013 21:28:10]唔係架架小巴都用的,而且我都唔見有人用,但我同事話佢用過!!!~~~
我也很久沒有坐過小巴了 , 原來現在咁先進有落車制0既 , 謝謝分享 !
回覆刪除[版主回覆02/19/2013 20:16:26]我都好少坐小巴,所以係最近先發現呢樣野呀,不過唔係架架小巴都有安裝,下次您坐小巴可以留意下呢!!!