最近食午飯的地方都有電視睇,12點幾食飯時間無綫播緊套電視劇,劇名我都無留意(我上番無綫網頁睇.部劇應該叫<隨時候命>),但卡士唔弱的,有林保怡,鄭伊健,佘詩曼,鍾嘉欣,劇集好像是有關飛行服務隊......
我和同事們都覺得呢部劇之前好似無播過喎,我們都覺得無綫應該有唔少未播過的存貨呢...
上開無綫的網頁,見到佢朝早十點幾播緊一套外購劇<金大班>, 卡士一樣好勁,有范冰冰,周渝民,方中信...遲d黃昏時間又會播一套郭晉安做男主角的古裝片......
其實以上呢幾部劇卡士咁勁,放在晚上黃金時間播都好過睇而家做緊o個幾部劇啦!!!~~~
我大半年有睇過電視了, 冇電視癮的
回覆刪除[版主回覆02/25/2013 21:39:27]我而家都好少睇電視,更加好耐無追劇集!!!
它們都是舊的，「隨時候命」有8或9年之久了。可能那時候你太年輕，沒有耐性看電視劇吧！
回覆刪除[版主回覆02/26/2013 20:52:11]好多謝您話我知呀....原來部劇係咁舊的,可能當時睇過但無印象!!!~~~
下？咁的時間的電視劇居然未播過？
回覆刪除[版主回覆02/26/2013 20:53:33]我相信無綫大把呢d拍好又未播過的劇集~~~
我好少看電視!如有時間的話,朱爸就多數陪我行街散步。
回覆刪除[版主回覆02/27/2013 20:07:15]我而家都好少睇電視...做下運動散下步好過坐係到睇電視!!!
我都有睇隨時候命呀...但梗係冇印象以前播過. 照計佢呢個卡士唔會係倉底戲,我CHECK過係2008年播過, 應該係D黃金時段播嫁...不過我咁好記性都唔記得有呢套戲做過. "金大班"其實有D悶嫁,可能對大陸拍既戲麻麻啦.
回覆刪除[版主回覆02/27/2013 20:09:55]估唔到您有留意呢幾部視劇呀, 隨時候命我都無乜印象睇過....而金大班我仲以為卡士咁勁會有返咁上下....因為我之前睇過另一部方中信的電視劇,我覺得唔錯的......
隨時候命播過架啦，我記得係好好睇!
回覆刪除[版主回覆02/27/2013 20:13:35]您好犀利呀,記得呢部劇!!!~~~
呢兩套劇我都冇睇過添 , 我較喜愛睇韓劇 .
回覆刪除[版主回覆03/02/2013 19:52:15]我好耐無睇韓劇呀,對上一部已經係秘密花園...
我以前喜歡台劇,但而家都好少再煲劇