中午播放的電視劇

最近食午飯的地方都有電視睇,12點幾食飯時間無綫播緊套電視劇,劇名我都無留意(我上番無綫網頁睇.部劇應該叫<隨時候命>),但卡士唔弱的,有林保怡,鄭伊健,佘詩曼,鍾嘉欣,劇集好像是有關飛行服務隊......

我和同事們都覺得呢部劇之前好似無播過喎,我們都覺得無綫應該有唔少未播過的存貨呢...

上開無綫的網頁,見到佢朝早十點幾播緊一套外購劇<金大班>, 卡士一樣好勁,有范冰冰,周渝民,方中信...遲d黃昏時間又會播一套郭晉安做男主角的古裝片......

其實以上呢幾部劇卡士咁勁,放在晚上黃金時間播都好過睇而家做緊o個幾部劇啦!!!~~~

上堂重遇中學老師+地震

今日和一位同事上堂(就係有好多經歷的那位),係班上面竟然遇到我以前的一位中學老師! 我和這位中學老師唔算太熟,畢業後無同佢聯絡過,所以我都唔肯定佢仲記唔記得我,畢竟我都畢左業一段時間呢! 後來我和同事講話見到中學老師,同事鼓勵我跟呢位老師 "相認", 於是我趁中場休息時同老師打聲招呼,原來老師都認得我呀,佢仲話我入課室時佢已經見到我,覺得我好熟口面!!!

哈哈,佢真係好犀利呀,由我學生妹到而家成為中女佢都仲認到我,而呢位阿sir都無乜點老到呀!!!~~~我覺得這位老師好勤力而且好學,因為我印象中在以前的一個講座都曾經見過佢,不過當時大家距離好遠,我無同佢打招呼! 佢仲話今朝佢好早返左辦公室做少少野先再來上堂(9點開始上堂),我話俾著係我的話,如果有野要趕寧願在辦公室做野好過呢!!!佢話之前申請左幾次都無機會上堂,所以佢今日來參加這課程,真係好學!!!~~~的這次是繼我2011年我在中環站遇到中學老師後,再遇番以前的中學老師呢!!!~~~

上上下堂時,老師和我們都看到投影機的螢幕震下震下呀,但個人就feel唔到震......我們仲以為係部機問題,後來才得知原來係地震呀!!!~~~

另一個工作地方

結束荃灣的工作後,今天我和同事轉到東九龍做野,返工路程遠左,好在阿姐都唔會要我們好早就返到!!!

今次工作地點的膳食就只是一般,但環境可以接受!!!~~~

自助餐

在荃灣工作的日子昨天結束,明天會去另一個地方做野,今次的目的地較遠,所以放工早左回家的日子應該暫告一段落!!!~~~

離開左自己辦公室一段日子,今日終於可以返去整下自己野,順便和同事食開年飯! 我們今天去左六國酒店食自助餐,價錢合理而且食物唔錯,所以大家都好滿意!!!

今餐是我們的阿頭請,佢話當封利是給我們,真係好多謝佢!!!

佢聖誕和新年都會請我們食一餐的,相當闊綽(雖然好多私人機構的待遇/福利仲多仲好,但以我們的行頭來說,唔係成日有阿頭肯請食飯的)!!!

今天阿頭仲話佢好快會調去另一組,我們未來的阿頭將是一位女士,希望新上司都是好人吧!!!~~~

摒除個人成見

在我工作的組別中,有其中一位同事我比較不喜歡,因為她有時比較偷懶,做野又夠自律,所以我好多時都唔認同她的所作所為,唔鍾意佢呢個人!!!

不過,今日出街做野我唔小心被一個厚皮file整親手指,左手尾指流血,我又無帶藥水膠布,我記得呢位同事平時都會有膠布,我就問她有無膠布在身!

她非常好呀,見我手指整親流血,拎左佢張私伙藥水膠布出來,撕開後仲幫我貼埋呀!!!~~~

雖然見到同事整親一般人好正常都會幫手,但我都好多謝呢位同事的幫忙!!!經過此事,我亦告誡和提醒自己,雖然我唔認同佢某d做人做事態度,但其實佢都對我唔錯的,我不應該成日都唔"like"呢位同事!!!~~~

經歷

今日有部分同事返左我們的辦事處,得我,我阿姐和另一位同事出街做野,人少少之際我們工作時都有傾下計!

傾下講下,我的同事透露左她的一些經歷,我這位同事平時好樂天的,但估唔到佢都曾經有一些不如意的經歷!

我覺得佢好叻呀,我亦好欣賞佢經歷左幾件不快事情之後都仍然咁樂天,真的不簡單呀!!!~~~

開工大吉

今日係新年假後第一個工作日,再加埋係情人節,所以好多人都仲放緊假,返工坐車時無平時咁迫!!!~~~

放工坐小巴時,座位好大冷氣,我抬頭諗住教細d冷氣,仲俾我發現而家小巴的冷氣制多左粒紅色按鈕,作用好似巴士的按鈴一樣,供乘客作落車按鈴之用,可能我平時少坐小巴(係最近要在荃灣地鐵站坐小巴去西鐵站先會坐小巴),我係第一次見呢款 "落車制"!!!

但我暫時未見過有人用喎,可能我坐的小巴是短程,頭尾只有三個站,多數人都係坐到總站!!!~~~

唔知其他小巴係咪都有用緊呢種按鈕呢???不過我覺得在小巴使用這個按鈕落車有難度,因為小巴唔會好似巴士咁有廣播/屏幕顯示一站係邊到,好多人都係見架車行到邊先"嗌"落車,如果改用按鈴落車我覺得好易駛 "過籠"呢!!!

放完新年假期

由年廿九開始一連五日的新年假話咁快又放完,明天便要上班呢!!!

呢幾日放假都無乜特別野發生,多數時間都是在家!!!~~~今天外出時,好多店舖都有開門,但比平時少野賣!!!~~~

恭賀新禧

今天是大年初一,祝大家身體健康,心想事成,笑口常開!!!~~~

年廿八

年近歲晚,好多同事都開始放假,所以今日得我和另一個同事返工!!!~~~

最近出外到別的公司工作,早幾日已有公司職員預告說飯堂年廿八(即今天)做節團年,所以今日餸菜豐富,有瑤柱羹,雞,豬扒,生菜和炆冬菇!!!

今完飯三點多時,有職員告知原來今日佢地寫字樓三點多會放工,問我們搭唔搭順風車放工......

由於事前全無通知,令我和同事毫無預算,結果我倆即時急急收拾東西!!!~~~

收拾完我們都趕不及坐順風車,所以他們再安排接駁車給我和同事!!!~~~

放工到達荃灣地鐵站時剛好走了一架小巴,結果要等近15分鐘先有車...我排隊時諗,15分鐘由荃灣西坐西鐵已可到我家了....所以即使無位坐都好,我一向都較喜歡選擇坐鐵路,因為班次密又不會塞車(呢兩日荃灣有道路爆水渠,所以有少少擠塞),等車時仲會顯示下一班車幾時到達!!!

假期

我相信打工仔的年假通常都是用來旅行的,但對於我這個較少去旅行的人來說,旅行唔會用到好多假期!!!

係咪一定有事要辦先放假呢???我諗呢個問題應該是見仁見智...有些人覺得放自己一日假唔返工,悠閒地輕鬆一下也算是好好利用假期!!!~~~

以前當我仲要讀書,我大部分假期都係用來温習考試! 而過去的大半年我唔需要再考試,所以都儲左D假,雖然假期數目未去到要清假的地步,但我有時都會心思思想放下假.......不過我又會諗,如果放假無特別野做,只是無無聊聊咁過,好似好浪費自己的假期,因為周未或公眾假期您都可以做相同的事!!!或許我對假期是比較"吝嗇"吧,所以我都比較少放假!!!

上班時的所見所聞

熟悉我的人都會知道我其實係一個幾悶和幾刻板的人,放假我都未必一定會出街,而平日的生活多為返工-->放工-->回家, 難得最近放工近左屋企,多左時間用,所以會勤d更新blog,今日都有幾件事想寫下!

平時坐西鐵返工,由總站開到我上車的站再上完客後都已經近七成滿,之後其他站再上車的乘客好多都要站在近門口位置,甚至要等下班車! 而今早我坐的西鐵是一班由總站開出的空車,開到我上車的站才上客,所以我有位坐,全程不用企而且車廂無平時咁擠迫!!!港鐵繁忙時間應該開多幾架呢d空車,讓中途站的乘客易d上車,唔使咁迫!!!~~~

而我近期的工作要去某個火車站集合,再坐接駁車!!!~~~我今早在火車站的洗手間洗完手行出來時,有一個女士站在洗手門口,對想入洗手間的人大叫 "唔准您入呀"......

我當時行緊出洗手間門口,和其他被這位女士嚇走的人一起離開洗手間,中途我們稍稍回頭望下,那個女士又大叫"望咩呀望".....嚇到我們幾個急步向前走唔敢再回望!!!~~~

我近一個星期早上在這個火車站都會離遠見到/聽到有個女士大叫,我不敢確定之前的人是否就是今天遇到的這一位,不過下次去呢個車站遇到呢d人我都係唔好理佢咁多,免得再刺激佢!!!~~~

放工等小巴返去西鐵站時,見到某位立法會議員在站旁拍片(可能是接受訪問吧),在我枯燥的上班日子,今天都算是遇到幾件比較特別的事情!!!~~~

樽頸

最近覺得自己在編織方面好似處於一個樽頸位,所以無乜新作!

之後做過的作品,暫時不想再做相似的款式,所以看書物色下其他類型的作品! 但這些作品有些太深太難了,自己去做有點無從入手! 有些作品當落手去嘗試,但開左個頭後,發現自己做出來的效果跟書的差好遠,可能是自己的手勢和選來的線材跟原作不同所致吧!!! 所以,最近都編織上都未有滿意之作!

除了編織外,我3月底時可能要參加一個英文作文的筆試,好耐無作過文呀,我都好擔心自己的寫作能力!!!~~~