懶洋洋

呢期我成個人都好懶洋洋,好想睡覺!

昨晚未夠11點睡覺,今朝大約10點起身,雖然好想温書,但到左下午已經又覺得眼訓,結果由2點半午睡到4點! 醒後休息一會,再落街散步,所以今日又無乜温過書!!!~~~

另外,我家樓上有工程進行,在我單位廚房對上的位置搭左個棚呀!!!~~~

好彩

今日有兩件好彩的事:

平時出街做野要坐車的車錢,我係可以我可以申領! 而因為我係頭一次申請,所以我要"睇我同事頭", 等佢claim時大家一齊claim埋!

但我呢位同事做野有時都幾混亂,所以近半年的車錢遲遲都未claim! 今日佢終於都寫好份form,借俾我參考再去claim錢!

當我填好份form再揾finance同事claim錢時, finance同事話今日係claim 錢的最後一日,如果今日趕唔切claim上年度的錢時,一係就唔claim,一係要解釋!而且同事借我填的資料仲有問題,好在搞完一輪都可以claim到!

我呢位同事成日做野都好似好"呢hea"咁,佢仲話以前佢都試過因為趕唔切而claim唔到錢! 我心諗,既然您知有deadline,咁您就早d 去claim錢啦! 所以,我有時都唔係太認同我呢位同事的做野方式! 雖然我覺得佢做野麻麻,但佢係呢度做得耐,我supervisior仲寫到佢份apprasal 好好呀!

另一件事唔知係好彩定唔好彩,今日放工在地鐵站坐扶手電梯落月台時,條電梯落緊時無啦啦停低,"剎停"那一下我成個人都"中前", 好在扶住個扶手先無時,真係幾"嚇人",幸好無人受傷!!!~~~

和朋友午餐

今早到葵涌和油麻地做野,所以約左teresa食飯!

同佢一面食飯,一面傾計,同佢傾計好舒服,因為佢真係會關心朋友!

食完飯我地行左一陣街,我真係"大鄉里",連旺角開左間曼谷包的專門店都唔知,今日有機會去見識下!我們仲行左d我平時好少會經過的店舖,例如寵物店!!!~~~

行完街我們各自返office做野,今日我都過得幾滿足,可以見到朋友,又可以行街!!!~~~

身體狀況

今日覆診,醫生話上月抽組織的結果好大機會係良性,因為抽出來的主要是液體! 政府醫生問我想唔想做手術,佢話醫學上,佢唔傾向我做手術,因為size不大加上我仲年輕,而且抽左兩次組織(上年和今年)都顯示好大機會係良性!

我答佢,如果無迫切性,我目前都唔想做手術,因為始終任何手術都有風險! 佢話如果係咁,隔一年先返去再睇下情況,如果情況無變化,就無需做手術,可以由得佢! 所以,我下次的政府醫院覆期是2013年3月! 醫生話如果在此期間我有問題可以打電話返醫院要求早d跟進! 其實我反而希望唔好隔咁耐先覆診呀,起碼有人幫您觀察住情況!

覆診後我再去左申請檢查報告和其他紀錄(如x光片),大約要40天先有得攞!另外,約左5月睇私家醫生(到時希望所有醫療紀錄都已經寄到俾我),等我去睇私家醫生時可以攞埋去作參考,看看私家醫生點講!本來5月考完試,諗住去旅行玩下,但現在計劃很大可能會擱置,因為睇私家醫生真係好貴,醫生費再加其他檢查和化驗,計計埋埋一次可能起碼要七八千,所以自己未必有咁多"閒錢"去旅行!!!~~~

目前我都無乜野可以做,只有盡量保持心境開朗,希望這樣會對身體有幫助!!!~~~

返學的日子

我五月頭考試,而上堂就只係上堂4月20日那個。,所以,仲有大約一個月就上完堂,考埋試之後,就會完成我的課程!!!

我要返學的時間大約只剩下一個月,短期內未計劃再讀書,所以要好好珍惜未來一個月返學上堂的每天!!!~~~

Think positive

情緒對個人的生活和健康都有莫大關係,所以自己都要"識諗",讓自己活得開心:

縱使自己的身體出現問題,但有醫生跟進;

縱使對工作有不滿意的地方,但不用OT;

正面的思想能讓自己過得更開心,大家都think positive吧!!!~~~