2012

2012即將結束,今年自己可說是比以前輕鬆左,因為年中我終於都讀完課程,現時晚上不用再上課,多了休息時間(不用再温書),閒時又做下手作仔!!!~~~

 

工作上,今年開始較熟習做野的環境和責任,而且工作項目不算緊迫,進度可以由自己去安排! 上司和同事們都相處得不錯,這已經是很難得!

新的一年又展開,祝大家新年快樂,身體健康,開開心心!!!~~~

暖風機

天文台話今日係入冬最凍,我雖然無出街,但都感覺到北風呼呼吹,相信外面都應該幾凍下!

由於天氣凍,所以今晚沖涼時我都開始用

出街

昨晚和兩個朋友食飯,差不多12點才到家,所以今朝睡至近11時才起床!!!~~~

因為明天會轉冷,加上媽咪想出街行下,所以今天陪媽咪出去屯門市中心!

我無行呢個商場大約3個月,估唔到好多變化,遲d仲會開馬莎,真係愈來愈多大品牌來到屯門!

今天行商場好多人(旅客仲多過本地人),人多,行季喼多,車仔又多,有些舖頭真係行左一陣都無心機再睇(我好怕行街要同人迫)!!!~~~

最終我都無買到野,媽咪就買左件衫(其實係買俾爸爸)!!!~~~

聖誕假之編織

聖誕兩天假期,昨天沒有出街,今日下午和媽咪到附近商場行街!

之前織的冷帽洗完(手洗)晾乾後闊左好多,闊到唔o岩戴(一戴上頭闊到超過眼眉)




所以我趁放假打算再織多一頂帽,今次織的帽花款比上次的複雜 (其實都只係高低針,不過有麻花)

可惜我唔識織領,夾和袖,否則呢個花織冷衫或冷背心都應該幾靚! 如有時間,我都想揾一些教織衫(包括織領口,開夾和織袖)的書看看!

本書的示範圖話最底可以覆一覆才戴

希望利用今個周未再加下星期的新年假可以織完吧!!!~~~

平安夜

今日平安夜,都可以早放,所以回家有時間敷下軟模!!!~~~

今日返工有同事請食朱古力,中午全部同事一齊去食飯,我們去了一間叫餸食飯的中菜館,間舖平時好旺的,但今日十枱客都無! 大家聖誕都揀食西餐吧!

我阿姐(我上司)都有送聖誕禮物給我們組的女同事,就是每人一張面膜(相片左面那一塊面膜)!

這些面膜是她親友之前在韓國幫她買的,都要成港幣20-30一張,唔係普通平野來的!(我阿姐係 一名靚太,她用的東西都有番咁上下,如La mer, Cle de peau等)
阿姐平時都幾識做,對我們幾好的! 佢為人都算大方,例如有時食飯佢埋單,收番錢時佢好多時零頭都唔計,所以佢要蝕給我們!


阿姐送左面那張面膜給我時,問我知唔知右面張面膜封面那個人是誰!

我話呢位叫張根碩,是這個品牌(nature republic)的代言人,有d fans 為左拎偶像的念品,專登去呢間店買夠指定金額(韓國和台灣都有 nature republic專門店,香港則沒有)!

跟住阿姐話"您識佢呀,咁俾埋呢張面膜您"! 真係好搞笑!!!~~~

阿姐仲問究竟呢個代言人係男仔定女仔......

阿姐呢塊張根碩面膜原來是蛇毒面膜(韓國繼蝸牛後,而家興蛇毒)! 阿姐話佢之前都用過其他韓國品牌的蛇毒面膜,d精華流到去咀邊時佢話覺得有少少苦苦地呀!!!~~~跟住佢即刻抺走d精華!!!~~~

我有親友下月都會去韓國,阿姐送給我的面膜正好讓我試下這些產品是否好用,因為我親友到時都會去買一些韓國的保養品呢!我心儀的東西暫時有innisfree!

最後,祝各位朋友聖誕快樂,開開心心!!!~~~

練習織麻花

上星期病左,無乜時間織野,今日都算係好返,所以有精神在家練習織麻花!

雖然仍然織得唔靚,但比之前連拎麻花針都手忙腳亂,我覺得算是有進步!!!~~~

早放工(做節)

今日做節....可以早少少返工...所以返到屋企仲有時間敷下mask (之前病左成兩星期...無乜點理過d皮膚)!!!~~~

早放工回家的感覺真係好好呀...可以悠閒d...不用好似平時咁一放工就趕住回家...坐車又會咁多人!!!~~~

羽絨褸

天文台一早預告今個星期中會轉涼...星期二(18-12-2012)出街做野...下午下雨..天氣明顯涼左......回家發現媽咪而家幫我將毛巾被舖在床笠上...等我睡覺時張床會暖d,世上只有媽媽好真係無錯!!!

今朝出門口,有諗過是否需要著羽絨還是其他褸都夠暖...但自己未完全康復加上怕出面好凍...最終決定都係著羽絨...係今季第一日著羽絨褸!!!~~~

不知是自己著得多衫還是天氣問題...出外好像沒有想像中咁凍呢!!!~~~

散步

病左幾日,由星期四到今日都無出過街!!!

今日天氣好好,所以黃昏時到附近散散步,明天返工,又要開始出街做野呀!!!~~~

病

星期三晚睇醫生,醫生俾左星期四一日病假給我!

食左d藥,星期四晚都無乜咳,喉嚨都無大問題,所以諗住星期五(今日)照返工!

病呢幾日多數都係食粥或米粉/通心粉,今朝早食早餐(媽咪整左烏冬)時,食食下覺得頂住頂住吃唔落,跟住覺得有點辛苦,之後仲 "標汗" !!!~~~

抖左一陣無事,但都係請假休息一天,費時咁頻撲!

雖然我用探熱針量體温係正常,但我成日都覺得個人 "興興"地!

下午飲左媽咪煲的川貝湯後反而咳多左,真係難搞!!!~~~

我每次病都搞好耐(身體差),希望快d好返啦!!!~~~

工作+閒逛+睇醫生

喉嚨由上星期六開始唔舒服,食左幾日藥睇左一次醫生都未好返!

因為今日約好左同事要出街做野,所以病和聲沙沙都照返工! 今日去深水埗做野,中午經過一間毛冷批發店時巧遇其他同事,真係約都無咁o岩!

她們一共買左十幾袋毛冷(每袋兩個),我搭單買一袋,和我同事一人一個,因為夾埋買得夠多,所以平過就咁買一袋!

做完野回家再去睇醫生,希望好快可以康復啦! 大家都要保重呀!!!~~~

冷帽

終於織好冷帽,第一次織帽,欠缺經驗,所以起針起得太多,戴上頭有點鬆!!!~~~

冷帽戴上頭比平放好看!

昨晚食完晚飯後肚痛,肚瀉兩次後無大礙! 喉嚨仍有不適,明天中午是部門的聖誕聚餐,會去酒店食自助餐,但我卻身體不適,有點可惜呢!!!~~~

畢業照

星期五(12月7日)早上返總部見 "大人物", 中午和同事一起到 "瑞士咖啡室"食膳,我是第一次到這地方用餐呢!!!~~~

因為我最遲要在12月8日(星期六)歸還畢業袍,所  那天我帶了畢業袍回公司和同事們拍照!

今天(12月8日)早上作最後衝刺,和家人在附近拍畢業照,之後返回中大歸還畢業袍,今天中大都有好多人在拍照呢!!!

還完袍坐車回家時覺得有點累,而且今天早上起來喉嚨也有點不舒,所以回家後食了藥,希望快d好番!!!~~~

上星期行完畢業典禮,領取了畢業證書,拍了畢業照,到今天歸還畢業袍,完成所有工作,正式標誌我終於完滿畢業呢!!!~~~

收穫

昨天和今天都出外工作,間中有雨所以我覺得有少少凍呢!!!~~~

今天到上午到觀塘工作,午飯時間我在觀塘廣場買到Swiss essence的模粉呀,我想試呢款模粉好耐,今日終於給我找到! 晚上回家立即試用,我覺得不錯呢!!!~~~

畢業典禮

今天是我碩士學位畢業典禮的日子,我和家人一起到香港中文大學拍照留念!!!~~~

弟弟送了一束鮮花給我,謝謝他呢!!!~~~

我從2010年9月開始修讀兼讀制的碩士課程,而今年終於完成課程順利畢業! 兩年的課程沒有想像中那麼漫長,求學的時光比自己想像中過得快!!!~~~

碩士課程的學科跟我以為所修讀的課程完全不同,修讀課程期間亦曾經歷揾工和轉工,自己能順利完成課程,我也很開心! 因為我一向身體不太好,我曾擔心自己的體力不能同時兼顧工作和學業! 我能完成這個課程並取得不錯的成綪,也算是一個進步和突破呢!!!~~~

工作點滴

由11月中起,我和幾位同事一起到客戶的辦公室工作,今天終於完工! 工作時大家有傾有講,所以都過得幾開心!!!~~~我比較喜歡這類"集體活動"多過和另一位同事 "行孖必"兩個自己出去做野,因為我和我的拍檔不是太夾的!

完成左今次呢個 "集體活動", 又要回復和我拍檔兩人一起工作的日子! 這份新工做了一年多少少,慢慢也開始
 

一天的行程

今日一直下雨,早上在家試鉤以下款式的頸巾




食完午餐後,約了阿姨到萬寧揀唇膏,因為下星期有畢業禮要影相!

之後再去剪頭髮,今天一直下雨,所以沒有機會到戶外拍畢業相,希望下星期天氣晴朗!!!~~~

天氣轉涼

今早一起身已經明顯感覺到天氣比昨天涼!!!~~~

中午約了早前幫我在淘寶買冷的朋友仔見面,因我早前幫她買了一舊冷!!!佢帶埋佢仔仔和她的一些作品出來,她還帶了一些編織的書! 可惜到食飯接近尾聲時佢囝囝開始扭計,她們也要回家了!

下午出元朗,因為朋友仔給了我一樽cream! 之後再去睇中醫,到接近六點才回到家中!!!~~~

今年的第一條頸巾

昨晚參加了碩士課程同學的香港仔海鮮坊舉辦的婚宴,場地和菜餚都很出色!!!~~~主人家的安排也非常適到,有旅遊車接載賓客往返金鐘!

昨晚回家和今天散步時都覺得天氣明顯轉涼!!!~~~

織給家人的頸巾今天終於完成!!!~~~


冷是朋友幫我在淘寶買的, 但由於我起針起多了針數,所以織出來闊了一點,長度也有少點短!!!!~~~希望下一件作品會做得更好!!!~~~

未來兩星期周未會較忙碌,會與親友拍畢業照和參加畢業典禮,完成頸巾後,將開始集中織帽,希望下件作品可以早日完成!!!~~~

編織進展

之前鉤緊的帽....底部曲起....有點怪....好像八爪魚咁!!!~~~

由於那款 "八爪魚" 帽款式一般....所以我用左另一舊冷試織其他款...如果織出來款式不錯,我會拆左八爪魚帽改為織!!!~~~

上星期朋友幫我從淘寶買回來的毛毛冷,今日我用來織頸巾...開鈶時起針起得太闊,,.我得兩舊冷驚唔夠,所以拆左!!!




之後再起少幾針再織過下午,織左大半舊冷!!!~~~

希望我快d有順利完成的作品吧,因為總是拆來拆去,到現時都未有完成品可以用,要加快進度呢,因為好快天氣就轉涼!!!~~~

下星期開始又會外出工作幾星期,希望一切順利!!!~~~

淘寶

透過Facebook群眾識左編織發燒友Ashley, 佢織同鉤都好叻,湊住小朋友都可以抽到時間整不同作品!

佢今個星期在淘寶買野,好好人咁俾我搭單,今日拎返我買的東東給我!

我買左個毛巾冷,織針鉤針各一及一些小工具,加埋都唔超過100!長的竹針係送的!!!~~~





不過我到現在都未有作品完成,因為自己整完一輪又覺得唔喜歡再拆掉,希望快d有完成的作品吧!!!~~~

一日遊

今日有兩位同事由市區入來新界西,我作為她們的導遊!

我們在西鐵站集合後,經天耀去新北江,再到銀座午膳! 之後坐輕鐵返西鐵站,坐西鐵到屯門!

行完屯門 ,我們還到元朗呀!!!~~~

舊披肩

由上星期開始,除了天氣變得較清涼,太陽早左落山,未到六點天已經開始黑呢!

媽咪今天幫我把我升中四暑假時鉤的披肩找出來(我仲記得d冷是在元朗一間冷舖買),呢件作品鉤好超過十年,但都無用過,所以我想把它拆掉!

但看到作品時我覺得其實鉤得不算差呀(雖然無用過),拆掉它自己都有點唔捨得呢,或許這件作品可以留作紀念吧!!!~~~









p.s. 最近也有鉤織,但由於線好幼,鉤得有點吃力,我在短期內應該不會再鉤這麼幼的線!!!~~~

走幾場

原本以為星期日放假會好悠閒,結果今日行程好豐富!

早上阿姨打電話告訴我屋企附近的商場有鉤針賣,呢款鉤針同日本出品好相似,但價錢只是日本的三分一,對於我呢類新手來說是不錯的選擇,所以我過去商場買鉤針!回家先發覺支鉤針頭的漆有少少脫色,所以返去換過!

這是"山寨版"

日本原裝正版,針頭比較靚!

之後出土瓜灣睇中醫,呢位醫師平時只有星期六先到元朗診所,所以元朗診所的期好難約,所以我今次出去佢土瓜灣的藥材舖!我同事早上未夠十點幫我去攞籌,都已經係38號籌!我坐巴士到土瓜灣,落車見到千秋毛冷,入去望下,d冷都真係平過出面少少呀! 我未夠兩點去到藥材舖,等左一陣到我睇,好在有同事幫我攞籌,否則真係要由早上等到下午呢!!!

坐車時鉤下我頂帽,不過我覺得頂帽戴上頭不太好看呢,有點想把帽子拆掉再鉤呀!!!~~~但我又怕鉤左之後,我冷會曲,比較難鉤呢!

 

周未

昨晚睡得一般,所以今朝都比較早起床!

中午和家人飲茶後回家休息和繼續
今日鉤的帽子,大約已經完成了一半! 但我家人話這款顏色好老土和好"阿婆"呀!!~~~
我仲買了兩舊這個顏色的冷呀!!!~~~點算好呀~~~

病假

星期五早上一起床就肚痛和肚瀉,所以請假沒有上班!

看完中醫食完午餐見無乜野,所以和朋友出屯門行左一陣,收穫豐富!

返左新工一年

舊年10月3號我轉職到現時的崗位,轉眼間返左新工一年!

因為現時的工作性質跟我以前的職務完全不同,所以開頭我都唔太適應,尤其要外出工作,四圍走,真係唔慣!

由於我不是一個好動的,所以到目前為止我都未能愛上"外出工作", 不過已經無以前咁抗拒外出工作,我覺得這對我來說已算是一大進步!!!~~

這裡的同事都好好,而且工作唔算好繁忙,所以我有時都會提醒自己要珍惜和享受現時的工作!!!~~~

假期

一連四日的中秋國慶假轉眼結束,想不到國慶那晚會發生這麼悲慘的意外!!!~~~

假期只有其中一天外出,其餘時間都是在家休息!趁這幾天,我也有試鉤不同款式的帽子!

看上去好像左面的帽子款式比較少"窿", 應該會暖一點吧!

昨天獲一同讀碩士的同學告知畢業典禮將在12月舉行,11月就會領取畢業袍!!!~~~但我仲未收到通知信,未來幾天要留意信箱!!!~~~