交功課

過去兩星期的周未我都留在家做功課,寫完再修改,改完再改,終於改到今日(最後的一天)才交,寫文章對我來說真的有點難度!!!

因為之前掛住做呢份功課,結果完全無理過呢幾星期教過的東西,唔知要幾耐先可以追番進度!!!~~~而再隔多一個月,到12月就會考試,好大機會温唔切書!!!~~~

另外,返左新工一個月時間,工作的性質和環境跟以前非常大分別,我最"不喜歡"的一環就是要外出工作,中午要自己一個人食飯,而且在別人的地方工作始終不太方便! 我想我需要多一點時間才能習慣!!!~~~

外出工作

今天我上任同事陪我一起外出工作,好讓我體驗下真正外出工作的實況!

我們先到沙田,因為有佢幫忙(佢非常之熟手),所以很快很順利就完成! 由於佢約左其他人食飯,所以午餐我自己一個人食,下午先再會合上任同事展開工作! 由於距離下午那一場的工作(地點在九龍)還有一段時間,我去左新城市廣場行街兼食飯,可能我今日孭住背囊(因為方便出外工作可以放多一些東西), 我食拉面買"飛"時收銀員話有學生證的話可以叫學生餐呀,哈哈,莫非我的樣子真係咁細個,咁似學生!!!~~~我問佢我現在的學生證是否也可以用,她說無問題,結果我今日中午可以食到 "學生餐"呀!!!~~~食完午餐仲有時街行下街和坐下先去搭車!!!~~~放工時在火車站有泰昌,面包仲一律全日賣$5,仲咁o岩有新鮮出爐的面包,我都買左一個食呢!!! 所以,然今日都算幾滿足!!!~~~

由下一次開始,我就要自己一個人去外出工作,希望我可以適應和應付得來吧!!!~~~

p.s 上星期燙傷的皮膚開始變深色和甩皮,應該是有新的皮膚生出來,所以也皮膚有時會痕呀,希望快點復原吧!!!~~~

失魂受傷

昨天早我如常在辦公室斟水洗杯,但失魂地在水機中只按熱水制(因為平時我斟水飲都是斟熱水,所以慣左手勢),,結果倒水時我左手被熱水燙傷,嗚嗚.......

當時其他同事未返工,其後同事回來見到我隻手紅哂,叫我去看醫生! 不過我今個月已經請左好多日假去看醫生,於是我就先去附近買藥膏搽,當時只有萬寧開門,所以我買左支burn cream! 到放工時我隻手都好紅,我就去華潤堂買"京萬紅", 搽左佢好似有少少好轉,回家睡覺時就搽娥羅納英! 而今天我的手更開始轉啡色.........

我以前在舊office長時間處於警惕狀,在新offcie現時未正式開工落手落腳自己做野,結果稍為鬆懈就發生意外,自己係真係唔"縱"得呢???

以後自己真的要更加小心,同時希望隻手的皮膚快點復原吧!!!~~~

近況

上星期有三日都要去醫院,星期一安裝測量心跳的心跳機,星期二回醫院還機,所以星期一二都要回offce,不用出job!

而星期五下午則到醫院看專科和抽血,暫時醫生沒有幫我排期做手術!

由於這個星期要到醫院做檢查和覆診,只有兩天真正出job,所以對工作還未有太多認識! 之前有擔心過一返工無耐就要經常去看醫生會很不方便,幸好的我直屬上司都肯"放人", 同事們對也我不錯! 而本月暫時沒有需要再請假去看醫生,等到下個月才要覆診!!!~~~

10月又已經過左一半,在本月底我要交一份論文功課,所以要好好珍惜餘下的時間,完成功課!!!~~~

新的崗位

今日第一日返新工,我被調派內部審計的工作(internal audit),呢一組只有八人,而呢一組係要經常外出工作!以今日為例,全部同事都出哂街做野,有,只得番我一個人在office.而且我office的座位超大風超凍,我明天要帶件厚衫先得,星期五我都要去外出工作呢!

 

我以前未做審計,而一般呢講,審計的工作時間都好長,加上要經常出街做野,所以我都好擔心! 而且,外出工作的地方一般都唔係鬧市,同事們集合後要一齊call車入去,好唔方便,而且我有時返完工仲要出去市區上課! 新的工作要走來走去,成日都要出街食野無得好似以前咁坐定定,我都好怕自己會唔適合呢種環境!所以今日返新工我都唔係太開心。我係度諗,呢份新工會唔會仲差過以前呢,因為以前工作時間和地點起碼係固定,所以我都好懷疑究竟自己係咪 “攞妮衰”,結果又令我覺得唔開心和無心機,甚至好質疑究竟我轉左工係咪真係可以過得比以前, 希望做落自己會適應和喜歡這份工作吧!!!~~~