火警

昨晚午夜兩點警鐘响起,初頭以為可能是誤鳴或升降機有人被困吧！後來聞到好似有煙味而且聽到外面嘈吵，家人們都出去看個究竟，之後外面仲有人大叫火燭呀，走呀！即刻著褸拎銀包鎖匙電筒毛巾行樓梯落樓下，一出走廊其他鄰居告知是十六樓起火(我住十三樓)!

行樓梯落地下時見到d老人家行行下中途要抖抖再行，幸好梯間不大煙。落到地下見到消防警察在場幫16和17樓住戶登記。期間聽到玻璃响聲。大約不足半小時火已救熄。等到3點半解封可坐升降機回家。

今次幸好火勢不嚴重!真的要小心注意家居安全!

最近工作好忙,連周六日都要返工，有時真的好累呢！