享受周未

剛過去的一星期因為工作某些事情搞到自己情緒都幾down。返工辛苦，放假要好好享受。

星期六去做facial，和美容師o岩傾又有共同話題。

星期日和媽咪去利小館食野，食完野之後行去商場隔離的新墟(在屯門)，我都唔記得自己以前有無去過(就算有都應該是好耐以前)。

兩母女去到新墟見到d野多選擇之餘又抵，價錢仲比屋企附近領x集團管理的街市平。我們“係咁倚”在外圍行下望下都買左唔少野，包括雞蛋、包點等。。。

黃昏落街散步，抬頭望到藍天白雲，仲有清風，feel so good

身邊的好友

轉眼已11月，2016好快完結。

生活日復日，有時都覺得自己有點像機器一樣，好像只剩軀殼。

感恩自己身邊有關心自己的朋友，令我在低落時有安慰，在需要協助時得到支持。