病到七彩

星期四放工後喉嚨開始唔舒服,食左粒藥好似好少少!

星期五做野的地方超級凍,我著兩件外套都頂唔順,快快手上午做好哂D野離開"雪房", 下午就返公司!!!~~~
星期五中午約左一位大學朋友食飯,佢遲D都會在我附近返工,佢仲送左D係韓國買的食物給我!!!

由於我知道自己作病,所以家人已經幫我去診所配藥! 星期五晚食完藥就睡覺!!!

星期六(今日)朝早起身,個人覺得好 "興", 又打冷震,食完粥即刻再食退燒藥,中午探熱時有102.9度,我好耐都無試過咁高燒!!!

下午診所開門即刻去睇醫生,佢大致上都係開返昨天配的藥給我,換左隻消炎藥,真係無佢咁好氣!!!

食完藥覺得個人好乾,喉嚨又痛,希望快D好返!!!

BB背心 (已完成)

趁放假得閒有時間,繼續整送俾同事即將出世BB的背心

呢個樣係鉤好底邊,未縫肩膊位

所有邊鉤好,仲縫好左肩膊位

今日終於完成哂,鉤好一件綁帶的BB背心

睇上面張相,件背心看起來算唔錯.........


但其實內裡有D位我都整得唔太好,因為我縫野真係好差



條綁帶我驚唔夠實,所以縫到咁,,,,,,,,真係失禮!!!


今次係第一次整bb衫,作品唔算做得好,希望同事和她的BB會喜歡吧!!!

吸收今次的經驗,我亦希望下一次的作品可以做得更好!!!~~~

P.S 我媽咪見我整完BB背心,佢話下一件應該試下整大人背心,不過上一次那件背心好似唔係太成功,所以我都要做下資料搜習,揾下合適而自己力又應付到的款式

深水埗

今日去深水埗做野,食完飯經過呢間店舖,見到以下的東西好平,買左一set,日後睇下佢呢兩把鉸剪是否真係剪到頭髮 (因我有時想自己修一修額頭前面的瀏海)!!!

去深水埗,少不免都要去"樹記"買野,照舊要排隊(連強國人都排),得兩個人負責賣野,佢d野又放係唔同地方,有時買兩三樣野,阿姐都要走幾轉先攞得齊,真係唔知話佢 "落後" 還是 "保留傳統"!!!~~~

BB背心(未完成)

由於天氣好熱,所以即使放假無需要的話都唔多想出街! 所以,今天我在家鉤BB背心( 我組別有同事懷孕,所以我想親手鉤一件BB背心送
給她)!!!~~~


其實呢件BB背心好早前已經開工,但中間有D野要忙,所以放低左,最近較空閒有多D時間鉤織

背心的主體大致完成,尚欠鉤邊和縫合! 鉤主體我覺得唔難,只需要對住本書的圖樣去鉤就得,但縫合對我來說比較高難度,始終我較少縫野,好驚會整到好肉酸!!!~~~

換回鄉卡

我的回鄉卡下個月到期,雖然我好少返大陸,但始終都要有證件,所以我預約左今日去屯門換證!!!

一去到已經有唔少人,由於我之前已經在網上預約,先去詢問處換籌,之後去影相,影相好多人,等左一陣,之後上返去已經過左籌! 好在過左20個籌之內都可以做照辦,前後大約半小時就搞掂,都算順利!!!

搞完證去食野和行街,買左條褲,之後回家!!!

今日天氣真係好熱,令我呢幾日都唔想出街!!!

工作

我以前的工作每天都要面對很多 “唔識” 的人士,處理他們的查詢! 這一點亦是我不喜歡以前工作的主因,所以先考慮轉工!!!

而我現在的工作好少需要聯絡組別以外的人士,所以我都有一段時間無再同 “唔識” 的人溝通!!!



由於我阿姐昨天開始放長假,所以我們阿頭就叫我同其他組別的人聯絡!!! 咁耐無做呢d野,開頭都驚驚地,始終唔識對方!!! 幸好,今次要聯絡的對象都好好人,唔介意花時間答我的查詢!

 

其實工作的性質/內容好多時自己都控制唔到,所以我都希望自己可以更 “大膽” , 唔好怕同人聯絡! 同時亦要提升自己的溝通技巧/能力,令自己可以做得更好!!!~~~

與舊上司午敍

今日在香港區工作,故相約我以前的上司午膳! 她一家人剛從倫敦旅行回來,她的兩個兒子(之前在英國讀書和工作)現在也回香港了!!!

我今次送左兩個自己整的杯墊給她!!!



食完飯和她分別後,我行左一陣街,係屈臣士見到呢款面膜減價,只售29.9,今日會員仲有九五折,折完只售28.4.......

其他上兩星期和朋友行街時已經見到佢減價,因為呢個品牌的面膜出左新版本/新包裝,新版賣69.9, 可能呢d舊版(2015年先到期)屈臣士清貨大減價....當時和朋友見到都想買,但我們見到的是補濕的面膜,控痘呢款無哂,估唔到今日竟然俾我揾到,係金鐘的屈臣士仲有唔少呀!!!

收到信

在葵芳的工作又完成了,所以星期五(7月5日)回程返公司!!!

返到公司先知那天下午會有個大人物來我們的辦公室,佢差唔到放工時間先來,同佢打完招呼我夠鐘放工就離開辦公室,無理佢地咁多(當時大人物在我們阿頭房傾緊野)!!!

星期六日返工我都無出街呀,因為天氣麻麻!!!

而星期六早上家人開信箱有一封信係要我填返d資料,呢封信的結果對我好重要的,希望有好消息吧!!!~~~

失魂

今朝早去自動櫃員機入數(因我在網上買左少少野),點知按錯左制搞到過完數唔記得拎收據!!!

之後返到做野的地方,又睇無清潔水壺係咪煲緊水就照飲,結果飲左小半杯未煲滾的水,好在無事!!!

目前的工作地點只會做野今個星期,所以呢幾日我和同事大家都會係附近周圍行下,放工就和同事行左一陣,有一間店舖大減價,我都買了一件短袖衫!!!

放假三日

一連三日的假期又放完,因為上星期五晚去左聽講座,所以放假第一天都無出街,在家休息和落街散步而已!!!


星期日就約左大學同學karin去左屯門,試左一間新開的意粉店,我個人覺得一般,因為叫完野食都要等一段時間先有得食,而且d野唔係非常熱,我個人喜歡食d "熱辣辣"的食物!!!食完野行左一陣,我買左條長褲,而我同朋友行完街就去左圖書館借書,跟住上阿姨屋企拎手信(佢地一家人剛從台北回來)!!!

今日係假期最一天,但昨晚睡得好差,五點幾就醒左,所以今朝十一點又再睡一會先有精神! 之後就睇下書,執下房,三天的假期就此結束!!!