冷熱

今個星期去一個距離屋企較遠的地方工作,我家住西邊,工作的位置在東邊,所以坐車都要坐好耐!!!

而最"辛苦"的地方不是地點遠,而是工作的地方冷氣十分凍,我們著哂厚衫都頂唔順!!!所以星期五放工前要揾人幫我們封哂d出風位,希望下星期的氣温會正常一點吧!!!~~~

工作的地方好凍,但呢幾日的天氣就好熱,中午出街食飯真係又曬又熱,所呢幾日真係冷熱都感受哂!!!~~~

下星期五我又要考試,但自問自己今次預備得唔太好,而且競爭非常非常激烈,所以要盡力而為!!!~~~

腸胃不適/肚痛

呢兩日唔知做乜事,個肚唔舒服,食左藥好d,但真係幾辛苦下,成日都要去廁所,好在呢兩日放假可在家!!!

本來諗住趁呢兩日好好預備下月初要面對的事,但呢兩日的身體狀態欠佳,好難去集中,盡力而為吧!!!~~~

天氣變化(二)

昨天的blog先講到昨天的天氣多變,昨晚風大雨大,仲行雷閃電,所以我都瞓得麻麻!!!

今早黑色暴雨,到近十點轉黃色,咁我預備返工!

坐西鐵好多人,返到工作的地點仲見到室內有d損毀地方!!!

天氣變化

今日近中午時,突然落大雨,又好大風,好在我們是在室內做緊野!!!~~~

而中午出去食飯時無乜雨,下午仲放晴!

落完場雨,天氣無咁熱,幾舒服!!!~~~

最近放工好早返到家,所以呢兩日放工都有去圖書館借d編織書,等遲d有時間可以慢慢嘗試!!!~~~


呢幾本書都係我想睇好耐的書,終於借到,好開心!!!~~~

新工作地點

今個星期又去新一個工作地點,今次的位置好方便,坐一程車就得,唔使轉車,所以放工返到家都算早!!!~~~

做野的環境就普普通通啦,唔算好好,亦唔係差,不過時間緊迫,希望做得切啦!!!~~~

一淘再淘

雖然之前講過話唔想再愈買愈多冷和針,但上星期朋友仔佢淘寶,問我有無野買,咁o岩我都想買幾副針,朋友仔又介紹左圖中的彩色綫給我,所以今次又淘左以下的冷和針!!!~~~



而且家中的毛冷"存貨"愈積愈多,真係希望快d有成品,而且仲要克制d,唔好再買咁多!

飲宴

昨晚一家人出席我表妹(我姑媽的孻女)的婚宴!!!~~~當播片時有一張相仲係有我們幾個表姐妹的合照(那一年,我爸爸親戚那邊有四個女孩出生,我姑姐生左對孖女,跟住到我媽咪生左我,之後姑母生呢個孻女),所以我們四個女生是同年的!!!~~~

表妹的婚宴都做得非常好,d衫好靚,氣氛都好好! 昨晚飲宴見到唔少平時較少見的親友! 席間當然有人問下幾時到我和我細佬啦,我們都係會講急唔o黎呀,未有咁快!!!~~~

編織進度

有一段時間無在blog中分享我的編織點滴,其實我一路斷斷續續都有鉤織,只不過無成功的作品!!!~~~

對於我呢位唔專業的織女-------我話自己唔專業是由於我本身主要係睇書自己學織,而且我的工具又唔齊全,無買哂全套針去織,所以有時見到書的作品,但未必用番書中的材料/毛冷去做,以致做不到理想效果!!!~~~

上次朋友係台灣寄左本書和冷給我,我叫佢幫我買呢本書主要係覺得呢件背心好靚!!!而且呢件仲係鉤針款,o岩我,因我棒針唔叻,只係識高低針!!!

但原來呢件背心好難整,d交叉針縱橫交錯,好複雜!!!~~~


於是我退而求其次,揾左書中另一款簡單d的背心




我見呢件簡單d,於是用左買書送的冷試鉤,效果如下:

真失禮,完全做唔到書的效果,又整得唔靚!!!~~~

而且我覺得鉤針做出來的衫比較疏,唔夠保暖(我超怕凍的),於是我決定挑戰自己,用棒針織野(我有朋友常常都鼓勵我織棒針好過鉤針),但我棒針唔太叻,好驚搞唔掂d領位和夾位.......

我揀左呢款背心,簡單d

我先用4.5mm的針去織,織出來都算幾整齊,不過可能我的手太緊,所以織出來比較硬

今日再試用大少少的針,5.5mm去織,花紋較明顯,但我怕太鬆,好易"where"

有朋友話佢有多一副5mm的針可以轉讓給我,或者等我有5mm針時再試下效果!!!~~~

冷和針的配合真係一大學問,對我這類經驗和工具都唔多的新手,相信需要更多時間去摸索!!!
另一問題是買下買下會愈買愈多冷和針,搞到有時自己都唔知買咁多是否真係有用(由於我現時是o岩o岩學,為怕自己三分鐘熱度,我都唔敢買太貴的日本/歐洲冷,多數都係朋友幫我淘寶).....

我希望自己可以慢慢一步一步掌握到技巧,做出合心意的作品!!!~~~