享受周未

剛過去的一星期因為工作某些事情搞到自己情緒都幾down。返工辛苦，放假要好好享受。

星期六去做facial，和美容師o岩傾又有共同話題。

星期日和媽咪去利小館食野，食完野之後行去商場隔離的新墟(在屯門)，我都唔記得自己以前有無去過(就算有都應該是好耐以前)。

兩母女去到新墟見到d野多選擇之餘又抵，價錢仲比屋企附近領x集團管理的街市平。我們“係咁倚”在外圍行下望下都買左唔少野，包括雞蛋、包點等。。。

黃昏落街散步，抬頭望到藍天白雲，仲有清風，feel so good

身邊的好友

轉眼已11月，2016好快完結。

生活日復日，有時都覺得自己有點像機器一樣，好像只剩軀殼。

感恩自己身邊有關心自己的朋友，令我在低落時有安慰，在需要協助時得到支持。

做facial

聽過好多美容院都勁hardsell，以致我唔敢亂試。

最近因為皮膚唔好，經朋友介紹一間在家附近的美容院試做facial。美容師唔會hardsell而且針清都好細心，整個過程近兩小時。第一次未見有什麼特別效果，不過如日後有需要都可再去清潔下塊面。

十月

又有三個月無更新，時間真的過得好快，2016年都快到尾聲了。

這幾個月買唔成樓，樓價又升返。。。

工作依然非常忙碌，有時都唔知幾時才可終結這種生命。。。

雖然自己受到工作困擾，其實自己仍是幸福的一群，所以要感恩。

工作壓力

最近工作上發生好多事，令我都覺得好大壓力。

即使周未有時也未必能全部時間休息。

不過人生除了工作外，還有其他方面。。。所以我放假時都盡量抽時間陪下家人和親朋。

夏日炎炎

我自己怕凍，而夏天雖然出戶外時悶熱，但見到陽光感覺有朝氣和開心d...夏天令人回想起暑假，所以我自己唔討厭夏天。

星期六去參觀錦田某個新樓盤，原本無太大興趣，到現場覺得環境唔錯。

而家d樓價咁貴，但每次推新盤都一樣反應不俗，有時都好費解點解咁多人有本事有錢買樓。

學新野

上星期參加了一個有關靈氣(reiki)的課程，這課程的內容跟我4月時上的另一個課程有很多不同，這次上堂的同學和老師都nice，課後大家開了群組互相交流。

會參這類身心課程，主要是希望能對自己的健康有幫助。