八號風球

之前以為呢個風打唔成,但今日中午約左舊同事食lunch,出去食飯時已經好大風! 我今日只係帶左縮骨遮,中午時吹到把遮都反埋!!!~~~

結果近四點天文台話六點前會掛八號風球,我未夠四點半就離開office,撞o岩今日係書展,灣仔多人都不得了,去到中環站一樣水泄不通,西鐵也很逼,我用左兩個小時先返到家!!!~~~

充實的一天

今日去左幾個不同的地方!

中午到大學朋友Cindy的大圍家中參觀,坐火車途中收到舊同事的電話,傾左一陣就到大圍站!!!~~~

去到大圍椰林閣食完野上Cindy的家中,幾個朋友和Cindy夫婦一齊玩下紙牌遊戲!!!~~~

之後去左尖沙咀,和大學同學joyce行街,行左The One、I Square和K11!!!~~~

晚餐在I SQUARE的 Baby Cafe食飯,食物都OK,服務也不錯,待應見我們的食左好少餐湯,問我們個湯係咪唔好飲,我們就話比較咸!

之後一個高級少少的待應(是assistant manager)走過來和我們講,如果個湯咸,換番個雞沙律給我們,所以服務真的不錯!!!~~~

我在Baby cafe食左海鮮意大利飯,味道都ok,但以佢既收費,未必會成日再去幫襯,間中一次就夠!!!~~~

p.s. 前幾日右手手掌無啦啦生左個水泡(但我無燙傷過),希望快d好番!!!~~~

生存之道

過去幾星期長駐隧道的辦工大樓,自己覺得環境尚可,而且工作時和同組同事有傾有講,所以都算幾OK!

其實我真的不喜歡外出工作,想當初轉工都是因為希望可以有一個平靜的環境專心做自己野,估唔到自己會頭一個職位即被調派到一個要"周圍去"的崗位!!!~~~當然,這個崗位也有其優勝之處,最大的好處就是工作量不算繁重!!!

入職近十個月,我由最初的討厭,慢慢 "催眠" 和 "開解" 自己要去接受, 我希望自己(不論身理和心理)真的可以適應這裡的工作環境!!!~~~

逛街

據說蕃薯好有益,所以今天早上我食左烚蕃薯!

之後接近中午全家人出外飲茶,食完野行左吉之島12元店,見到有織冷衫的鉤針和棒針!之後經過屈臣士買少少野!

同媽咪行街時,佢買左兩件衫,我就買左一對鞋,大家都有收穫!!!~~~

p.s. 行完街回家時見到高永文落我呢區,但沒有太多市民出席!!!~~~

感謝好友的心意

最近要去隧道做野,但今日早上要回總部上堂,難得可以回到市區,所以約左以前部門好友camille 食飯!!!~~~

Camille真係對我好好,有事揾佢幫手佢通常好少托手踭,今日佢請我食lunch之餘,佢仲送左生日禮物給我呀!!!~~~

我真係好開心,不單是因為她的禮物和一餐飯,而是她記得我是今個月生日,佢真係好好,而且有心,真是一位非常難得的朋友!!!~~~

半年

2012年過左一半,呢半年上半部仍要返學,所以比較忙! 五月考完試之後空閒時間較以前多,所以放假都可以好好休息和hea!總括來說我都滿意上半年的生活!!!~~~

而下半年希望自己一樣可以過得既充實又開心!!!~~~

頻頻撲撲

又好耐無更新,皆因生活上無乜特別事發生,現在不用返學,生活離不開係返工放工! 其實我的工作都算OK,很少會碰上urgent的工作或者OT,同事相處都算融洽! 但最辛苦的一環是要走來走去,好似今日就去左幾個不同的地點,加上天氣開始熱,所以對我呢d唔習慣 "騰來騰去" 的人來說,都幾辛苦!

而今日頭半天的行程在公司附近,所以我買左野食返office食,一來可以返公司斟下水去下toliet(在自己office,始終都方便和舒服d),二來可以坐低抖下,唔使中午時間係外面溜連! 我immediate supervisor都好好,佢有時見我行程咁緊湊都會同我講話如果太趕就自己安排下,又會叫我小心呀(佢可能見我咁潺,驚我頂唔順),佢都唔會太挑剔或者太嚴厲,所以都算係"易話為"的上司!

每個地方都有好壞,所以我成日都要同自己講(難聽d就係同自己洗腦),而家o既工作其實都有好的地方,唔好成日都諗工作辛苦/討厭的一面!!!~~~