覆診

今日因為下午要到醫院覆診,所以中午食完飯就離開工作的地方,順道買埋件羽絨褸。因為之前去左好多地方都揾到中褸款式,多是到腰的位置,只有在先施才有the north face的中褸,趁今日最後一天在九龍工作,所以買埋件衫!!!~~~

今次覆診無乜野講,因為驗血的結果正常,所以再約期抽組織,如果今次再抽組織都無異樣,佢可能會停止跟進!!!~~~

工作的不快

轉左新工後我要出街工作,這是我意料之外的事,而且外出工作令我日日都要拎住"一袋二袋"文件和files周街行,有時都好重!

雖然我是和另一位同事一齊外出,但係佢唔食午餐,中午得我自己一個人食飯,好多時上午完成一個工作,我們下午再會合去另一個工作的地方,結果我自己食完飯又要自己找地方打發時間,加上佢間中又會遲到要我等佢,,係咁行來行去,對我來說也有點累,這亦是令我討厭的環節呢,結果令我個人有時都會好忟憎!!!~~~而且轉工之後人工仲減左一截,而家用錢都要計住計住,我都會覺得自己"攞o黎搞",因為 之前份工可以安安定定咁坐office,唔使外出工作,亦母須拍住另一個人出街做野,每每諗到呢一切一切時,我都會好唔開心!!!~~~

即使自己唔開心,我都唔敢係家人面前訢苦,因為佢地都不是太支持我轉工的,如果我話份工有乜唔好野,佢地一定會話番我轉頭,所以唯有打下blog,抒發下自己的情緒吧!!!~~~

最近的心情

十二月就要考試,但目前仍未能夠收拾心情好好温書,好擔心自己會"讀唔切",但有時自己有心無力,雖然我份工唔算辛苦,但放左工之後我好難集中精神讀書,所以周一至五晚上我都温唔到書,只有星期六日放假時才有"體力"專心温書! 不過,可能我真係太"乍", 睇左一陣書就有點累,結果又要睡一睡和休息一下,結果一日時間都未必讀到幾頁!

當開始計劃要放幾多日假預備考試時,因為驚唔夠時間讀,所以計下計下總共可能要放七日假,我平時儲的假都是花在考試上,有時要放咁多假都有少少"心痛"! 而,自己目前手頭上還有一些工作未完成,所以要好好安排!!!~~~

星期五去左醫院覆診,結果有點血壓低,而為左要check下我的腎上腺素,醫院俾左三個大樽我留小便,仲要每曰24小的,所以我打算放假時才留!下星期五也要醫院覆診,看甲狀腺的專科,呢幾日因為要煩請假、煩讀書、煩工作,令我的心情也有所影響,希望自己可以好好應付吧!!!~~~

尖沙咀

今日趁朋友得閒,我們約在尖沙咀見面,因為我想到羽絨城看羽絨褸,不過未有合適的款式!!!

我朋友之前去日本交流時食過一風堂,佢好懷念那些味道! 而因為我和朋友都未有試過香港的一風堂,所以我們到了尖沙咀的一風堂午膳。上一次我朋友從台北來香港時我本來也想帶她去食,但那些人多到不得了! 可能今日係中午時間加上銅鑼灣都開左一風堂,所以尖沙咀的一風堂沒有太多人,等左一陣就有位,我試左白丸和叉燒割包:
(註:我無自己影相,所以以下相片是從網上揾的)

但最出人意表的事是我在一風堂撞到以前的中學同學,佢坐左我隔兩個位,中間隔左我朋友和他的朋友,我和朋友先入座,但佢地食得較快,早過我們埋單,當佢地埋單時我中學同學問我係咪XXX,我話係呀,之前我都用左幾秒時間先認得佢呀,佢就話一見到我就認到我,話我個樣無點變過呀!!!~~~

由於我朋友之前要出銅鑼灣做facial,所以我們行左一陣就走,我自己之後再行下就返家!!!~~~

未習慣

這個月正式由自己帶同另一個同事一起出外工作,去到人家的地方有很多事都不方便!!!~~~

我的同事不喜歡坐在common room工作,話一日要搬幾次野麻煩,所以我們求其是但咁揾張枱和揾兩張椅坐低,枱下仲有勁多雜物頂住隻腳! 而且後面和左右兩面都有好多人出出入入,坐都坐得唔舒服,令我非常不喜歡這樣的工作環境!!!~~~

話說當初轉工時就是希望可以有一個靜靜地的環境專心工作,而經職位調派時我被分配到現在的崗位,這可算是我意料之外的事!!!~~~

每份工都有好壞,現時這個崗位工時不長,而且相對自己,不過自己未試過呢類工作環境,,所以仲未習慣,希望自己可以適應到!!!~~~

交功課

過去兩星期的周未我都留在家做功課,寫完再修改,改完再改,終於改到今日(最後的一天)才交,寫文章對我來說真的有點難度!!!

因為之前掛住做呢份功課,結果完全無理過呢幾星期教過的東西,唔知要幾耐先可以追番進度!!!~~~而再隔多一個月,到12月就會考試,好大機會温唔切書!!!~~~

另外,返左新工一個月時間,工作的性質和環境跟以前非常大分別,我最"不喜歡"的一環就是要外出工作,中午要自己一個人食飯,而且在別人的地方工作始終不太方便! 我想我需要多一點時間才能習慣!!!~~~

外出工作

今天我上任同事陪我一起外出工作,好讓我體驗下真正外出工作的實況!

我們先到沙田,因為有佢幫忙(佢非常之熟手),所以很快很順利就完成! 由於佢約左其他人食飯,所以午餐我自己一個人食,下午先再會合上任同事展開工作! 由於距離下午那一場的工作(地點在九龍)還有一段時間,我去左新城市廣場行街兼食飯,可能我今日孭住背囊(因為方便出外工作可以放多一些東西), 我食拉面買"飛"時收銀員話有學生證的話可以叫學生餐呀,哈哈,莫非我的樣子真係咁細個,咁似學生!!!~~~我問佢我現在的學生證是否也可以用,她說無問題,結果我今日中午可以食到 "學生餐"呀!!!~~~食完午餐仲有時街行下街和坐下先去搭車!!!~~~放工時在火車站有泰昌,面包仲一律全日賣$5,仲咁o岩有新鮮出爐的面包,我都買左一個食呢!!! 所以,然今日都算幾滿足!!!~~~

由下一次開始,我就要自己一個人去外出工作,希望我可以適應和應付得來吧!!!~~~

p.s 上星期燙傷的皮膚開始變深色和甩皮,應該是有新的皮膚生出來,所以也皮膚有時會痕呀,希望快點復原吧!!!~~~