上司將退休

我的上司二月底就退休，她是一個勤力且盡責的人，當我遇上難題時她會給予我指引和協助，所以我都有點不捨。

新的上司將不會像她那麼照顧下屬，希望自己能應付到！

一週記事 - 表哥婚宴

病左成個星期食西藥都未好得哂,此時我媽咪去師奶介紹的藥材舖揾位伯伯執了一劑藥材煲水飲,呢劑野都唔平的,超過100。起初都半信半疑,但飲左真係有幫助。上星期六再睇埋中醫,希望能完全好返!

上星期五(1月9日)係我表哥(舅父長子)結婚的大喜日子,我都專登放半日假以便早點到酒樓,見到好多親戚,難免俾人問幾時到我請飲。不過,真係十劃未有半撇。

星期六(1月10日)早上幫親人去屯門買野,再睇中醫。

星期日(1月11日)在家休息。

今日(1月12日)請假去醫院覆診,又大風又大雨,真係好凍。睇完醫生去百老匯買個燜燒壼就回家。咁又放完哂假,要返工了。。。

今日新一期居屋截止交表,非常多人申請。我細佬星期六去交表都打蛇餅等左半小時。

我自己唔合資格申請居屋,私人市場的物業價格超瘋狂,我和家人住緊呢到d新界西二手居屋都過三百萬,自己覺得好貴,但依然有成交,升幅繼續。我本想係附近物色,但樓價高得離譜。。。

生病

2015年第一個週末就唔舒服,看了醫生食左藥,希望快d好返!

新一年

2015年正式開始,希望今年大家都一切順利。

今早收到一個舊同學(其實不太常聯絡)的電話,說她五月結婚,替她高興呢!

而下星期五我表哥結婚,今早出外幫親人買金飾。之後自己出尖沙咀行街,輕鬆的享受假期。

而回顧2014,自己經歷了部門工作調動,接觸到更多的人和事,嘗試了未曾涉足過的工作。我覺得自己都有從中成長,希望自己日後做人做事能做得更好。

睇歌劇

今日和朋友去機場博覽館睇歌劇,先坐巴士去東涌食野,再坐車去博覽館。

今日去博覽館見到會計專業試在博覽館考,好在我當年考會計專業試不用去咁遠!! 

呢部歌劇幾年前係香港做過,當時無睇,今次係第一次睇歌劇,有中文字幕,唔會唔明。

好在我入場前買了頸鏈,完場時超多人買紀念品...

四日聖誕假話咁快就放完,明日又返工。。。

 口尸

又到聖誕

一年一度的聖誕節又到,今年第一年在此部門過聖誕,聖誕聚餐是平安夜全個部門在中午一齊舉行,超多人而且係平台食到會食品,一邊企一邊拎住隻碟食野,我就覺得一d都唔享受,仲好辛苦。。。

聖誕節那天同媽咪和阿姨行街,大家都買左件衫,因下月有飲宴。。。

放假兩日部分時間都有雨,所以都無去太多地方,主要在家休息。。。

冬天

大自然四時變化,帶來不同天氣,最近天氣變冷,冬天正式來臨。

我係超怕凍的,冬天一定要著羊毛底衫,吸厚棉被,所以其實我好唔喜歡冬天。。。

最近工作開始忙,所以自己都較大壓力!幸好都有一些新認識的朋友仔經常鼓勵自己,我的確是幸福的,所以要感恩,要有多d正能量。。。