一淘再淘

雖然之前講過話唔想再愈買愈多冷和針,但上星期朋友仔佢淘寶,問我有無野買,咁o岩我都想買幾副針,朋友仔又介紹左圖中的彩色綫給我,所以今次又淘左以下的冷和針!!!~~~



而且家中的毛冷"存貨"愈積愈多,真係希望快d有成品,而且仲要克制d,唔好再買咁多!

飲宴

昨晚一家人出席我表妹(我姑媽的孻女)的婚宴!!!~~~當播片時有一張相仲係有我們幾個表姐妹的合照(那一年,我爸爸親戚那邊有四個女孩出生,我姑姐生左對孖女,跟住到我媽咪生左我,之後姑母生呢個孻女),所以我們四個女生是同年的!!!~~~

表妹的婚宴都做得非常好,d衫好靚,氣氛都好好! 昨晚飲宴見到唔少平時較少見的親友! 席間當然有人問下幾時到我和我細佬啦,我們都係會講急唔o黎呀,未有咁快!!!~~~

編織進度

有一段時間無在blog中分享我的編織點滴,其實我一路斷斷續續都有鉤織,只不過無成功的作品!!!~~~

對於我呢位唔專業的織女-------我話自己唔專業是由於我本身主要係睇書自己學織,而且我的工具又唔齊全,無買哂全套針去織,所以有時見到書的作品,但未必用番書中的材料/毛冷去做,以致做不到理想效果!!!~~~

上次朋友係台灣寄左本書和冷給我,我叫佢幫我買呢本書主要係覺得呢件背心好靚!!!而且呢件仲係鉤針款,o岩我,因我棒針唔叻,只係識高低針!!!

但原來呢件背心好難整,d交叉針縱橫交錯,好複雜!!!~~~


於是我退而求其次,揾左書中另一款簡單d的背心




我見呢件簡單d,於是用左買書送的冷試鉤,效果如下:

真失禮,完全做唔到書的效果,又整得唔靚!!!~~~

而且我覺得鉤針做出來的衫比較疏,唔夠保暖(我超怕凍的),於是我決定挑戰自己,用棒針織野(我有朋友常常都鼓勵我織棒針好過鉤針),但我棒針唔太叻,好驚搞唔掂d領位和夾位.......

我揀左呢款背心,簡單d

我先用4.5mm的針去織,織出來都算幾整齊,不過可能我的手太緊,所以織出來比較硬

今日再試用大少少的針,5.5mm去織,花紋較明顯,但我怕太鬆,好易"where"

有朋友話佢有多一副5mm的針可以轉讓給我,或者等我有5mm針時再試下效果!!!~~~

冷和針的配合真係一大學問,對我這類經驗和工具都唔多的新手,相信需要更多時間去摸索!!!
另一問題是買下買下會愈買愈多冷和針,搞到有時自己都唔知買咁多是否真係有用(由於我現時是o岩o岩學,為怕自己三分鐘熱度,我都唔敢買太貴的日本/歐洲冷,多數都係朋友幫我淘寶).....

我希望自己可以慢慢一步一步掌握到技巧,做出合心意的作品!!!~~~

收穫豐富

今日真係早午晚都收穫豐富呀,好開心!!!

早上返到公司,同事送左個電話防塵塞(粉開色的,仲有個盒仔入住,)給我!!!~~~

中午食飯亦好豐富,有龍蝦食,因為今日要送別我們組別的阿sir,佢要調職,去另一個組別工作,而且佢新的崗位似乎好忙碌呢! 下個月開始,我所屬的組別就有新阿sir,新上司之前都已經來過我們的辦公室,同大家打過招呼!!!~~~

到中午時,收到朋友的訊息,約我放工俾野我!!!~~~

今天天氣唔好多,朋友好有心,專程出來拎野給我,仲請我食糕點,真係多謝哂!!!~~~

充實的一天

今日好充實,一朝早起身食完粥就出去屯門市廣場的H&M,幫寄包裹給我的朋友換返O岩尺碼的衫!!!

係屯門站落西鐵時見到朋友仔,佢去屯門仁愛堂做運動,但佢話想先去大棧睇下D海花膠,既然順路,我們就一齊去睇下!!!

去到大棧,海花膠無哂貨,話今日晏D先翻貨! 之後我們去左尚書房睇下d編織書,同場有個姨姨,我和朋友揭下書d款,我話某d款好難整呀,姨姨就話唔難,呢位姨姨應該係好有經驗!!!

係書店睇完書就同朋友分開,我就先去H&M,間貨又大又多貨,我都唔知點揾,結果係揾售貨員幫手!!!揾好D衫,排隊等俾錢都等左好耐!!!~~~

係屯門行完街就坐西鐵返屋企,但返屋企前去左圖書館借書,之後仲去理剪頭髮!!!

收到包裹,好開心呀!!!~~~

身在台北的朋友想我幫她拿衣服到H&M更換(她朋友早前在香港的H&M買了一件衫給她),加上我之前也託她幫我在台灣買了書,所以她把衫和幫我買的書(還有面膜)一併寄來香港! 包裹其實昨天已送到,但昨天我放病假無返工,所以今日返工先打開包裹!!!

一打開就見到好多冷~~~~~~

呢本就係我託朋友幫我買的書



係台灣的金石堂書店買上面本書,有以下呢個毛冷送,毛冷有200G

台灣買書真係平香港好多,本書香港賣港幣73!台灣賣220 台幣,仲要有79折兼送毛冷,計番大約只係需要50港幣,真係好吸引!!!~~~

啡色呢個冷係買書送的,其他冷係朋友送給我(佢家中有毛冷但她不編織,所以轉贈我)!!!~~~

呢個包裹,真係名副其實的 "妹仔大過主人婆", 本來的主題是朋友寄衣服過來叫我幫手換尺碼,結果幾乎整個包裹的位置都被我託她買的東西佔據!!!~~~
我收到呢個包裹真係好開心,不僅是因為可以收到自己買的書和冷,還有就是朋友的心意,山長水遠咁寄咁多野給我,謝謝啦!!!~~~

今日下午去左上堂,主題都係講快樂和正面思想!其實我都算好快樂,只係身體差d!!!~~~情緒係會影響健康,所以我

病左

去完旅行返香港,我都無乜事....

於是上個星期去睇中醫諗住調理下身體,誰不知飲完兩日中藥後開始唔舒服....

開頭先係喉嚨痛,跟住咳和流鼻水......

上星期有一晚仲成晚瞓唔到,睇左西醫都未好得哂,今日又再睇多次西藥....

每當我病的時候,我都會覺得自己好"咋".....以我咁年輕,身體應該好好,但我仲弱過D老人家......到我年紀大真係唔知點算好!!!~~~

希望我快D好番!!!~~~