聖誕假期前夕

今早外出到一個場地工作,因為那個office的同事要趕去中午的聖誕party,而我亦感受到濃厚的"holiday mood",結果緊緊忙忙咁影哂所需文件,諗住返自的office先慢慢再整理!結果,我竟然大意到寫左今日係12月24日............................................................................................

我真的好大意呢,因為自己的粗心大意,連日期都搞錯左,所以下星期我可能又要出外一轉,改番日期!!! 日後自己真的不能再這麼粗疏,因為一個無心之失後果可大可小呢!!!~~~

而今日係放聖誕假前的最後一個工作日,中午我們組別一起出去食自助餐,同事安排了意大利菜的自助餐,由於我之前腸胃不適,加上不太喜歡意大利菜,所以唔係食左好多野,d同事但驚我唔夠飽!!!~~~

放工前,同事在office的某個角落發現了一2008年北京奧運的紀念特刊,於是提議抽獎決定那可獲得這份"獎品"。有些同事沒有興趣,自己放棄,最後只有四個人抽,結果幸運地由我抽中呀!!!~~~

冬至

今日係冬至,而今個星期不用外出工作,可以留在office,而且考完試,到下年一月先開學,再加上好快就放聖誕假,所以呢幾日都過得好輕鬆!!!~~~


不過星期一原本要出席朋友的婚宴,但下午食完飯後肚子不舒服,仲肚瀉,結果不能去婚宴,星期三那天仲請左病假!!!!~~~自己的腸胃一向不是太好,只使我食野好小心都係會有腸胃不適呢!!!~~~

Free

今日我終於考哂試,到明年一月頭下學期先開學,所以有幾星期時間比較空閒!!!~~~

今個學期的兩個科目,一科多野讀到嘔,而另一科上堂都唔知做緊乜,呢個學期暫時算係最難捱,今日終於都捱過呢個學期,希望下個學期可以"好過"一點啦!!!~~~

因為考完試,所以我可以好好享受聖誕的假期呢!!!~~~

第一科考試

很久都沒有更新網誌,因為昨天剛完成一科的考試(equity),而下星期六將會有另一科考試!!!~~~

為了昨晚那科的考試,我請了四天假期,但都是唔夠時間温,考試時亦唔夠時間答題目! 而下星期考的那一科,平時上堂都已經唔係好知講乜,所以情況亦令人擔心,不過我唔想請太多假,下星期只請了一天假,希望夠時間讀吧!!!~~~

覆診

今日因為下午要到醫院覆診,所以中午食完飯就離開工作的地方,順道買埋件羽絨褸。因為之前去左好多地方都揾到中褸款式,多是到腰的位置,只有在先施才有the north face的中褸,趁今日最後一天在九龍工作,所以買埋件衫!!!~~~

今次覆診無乜野講,因為驗血的結果正常,所以再約期抽組織,如果今次再抽組織都無異樣,佢可能會停止跟進!!!~~~

工作的不快

轉左新工後我要出街工作,這是我意料之外的事,而且外出工作令我日日都要拎住"一袋二袋"文件和files周街行,有時都好重!

雖然我是和另一位同事一齊外出,但係佢唔食午餐,中午得我自己一個人食飯,好多時上午完成一個工作,我們下午再會合去另一個工作的地方,結果我自己食完飯又要自己找地方打發時間,加上佢間中又會遲到要我等佢,,係咁行來行去,對我來說也有點累,這亦是令我討厭的環節呢,結果令我個人有時都會好忟憎!!!~~~而且轉工之後人工仲減左一截,而家用錢都要計住計住,我都會覺得自己"攞o黎搞",因為 之前份工可以安安定定咁坐office,唔使外出工作,亦母須拍住另一個人出街做野,每每諗到呢一切一切時,我都會好唔開心!!!~~~

即使自己唔開心,我都唔敢係家人面前訢苦,因為佢地都不是太支持我轉工的,如果我話份工有乜唔好野,佢地一定會話番我轉頭,所以唯有打下blog,抒發下自己的情緒吧!!!~~~

最近的心情

十二月就要考試,但目前仍未能夠收拾心情好好温書,好擔心自己會"讀唔切",但有時自己有心無力,雖然我份工唔算辛苦,但放左工之後我好難集中精神讀書,所以周一至五晚上我都温唔到書,只有星期六日放假時才有"體力"專心温書! 不過,可能我真係太"乍", 睇左一陣書就有點累,結果又要睡一睡和休息一下,結果一日時間都未必讀到幾頁!

當開始計劃要放幾多日假預備考試時,因為驚唔夠時間讀,所以計下計下總共可能要放七日假,我平時儲的假都是花在考試上,有時要放咁多假都有少少"心痛"! 而,自己目前手頭上還有一些工作未完成,所以要好好安排!!!~~~

星期五去左醫院覆診,結果有點血壓低,而為左要check下我的腎上腺素,醫院俾左三個大樽我留小便,仲要每曰24小的,所以我打算放假時才留!下星期五也要醫院覆診,看甲狀腺的專科,呢幾日因為要煩請假、煩讀書、煩工作,令我的心情也有所影響,希望自己可以好好應付吧!!!~~~