上星期有三日都要去醫院,星期一安裝測量心跳的心跳機,星期二回醫院還機,所以星期一二都要回offce,不用出job!
而星期五下午則到醫院看專科和抽血,暫時醫生沒有幫我排期做手術!
由於這個星期要到醫院做檢查和覆診,只有兩天真正出job,所以對工作還未有太多認識! 之前有擔心過一返工無耐就要經常去看醫生會很不方便,幸好的我直屬上司都肯"放人", 同事們對也我不錯! 而本月暫時沒有需要再請假去看醫生,等到下個月才要覆診!!!~~~
10月又已經過左一半,在本月底我要交一份論文功課,所以要好好珍惜餘下的時間,完成功課!!!~~~
2011年10月3日 星期一
新的崗位
今日第一日返新工,我被調派內部審計的工作(internal audit),呢一組只有八人,而呢一組係要經常外出工作!以今日為例,全部同事都出哂街做野,有,只得番我一個人在office.而且我office的座位超大風超凍,我明天要帶件厚衫先得,星期五我都要去外出工作呢!
我以前未做審計,而一般呢講,審計的工作時間都好長,加上要經常出街做野,所以我都好擔心! 而且,外出工作的地方一般都唔係鬧市,同事們集合後要一齊call車入去,好唔方便,而且我有時返完工仲要出去市區上課! 新的工作要走來走去,成日都要出街食野無得好似以前咁坐定定,我都好怕自己會唔適合呢種環境!所以今日返新工我都唔係太開心。我係度諗,呢份新工會唔會仲差過以前呢,因為以前工作時間和地點起碼係固定,所以我都好懷疑究竟自己係咪 “攞妮衰”,結果又令我覺得唔開心和無心機,甚至好質疑究竟我轉左工係咪真係可以過得比以前, 希望做落自己會適應和喜歡這份工作吧!!!~~~
2011年9月29日 星期四
意外
今天因為懸掛八號風球而有一天假期,相信不少人都好開心,但我對這天的假期卻沒有太大興奮!
因為明天是我留在現時部門的最後一天,而我明天晚上要上堂,所以我原本打算今天可以收拾一下自己的東西帶回家,但"計劃趕不上變化",我唯有明天收拾和整理東西,有一些東西可能暫存在同事那邊,看看自己新任職的辦公室是否鄰近現時的office,日後約同事取回我的東西吧!!!~~~
呢兩個星期有好多同事都趁我離職前請我食飯歡送我,這算是我在這份工作的最大收穫!我在現時的部門工作了近四年(到今年11月就做滿四年),我自己的身體一向不是很好,而這份工的最大好處是工作時間穩定,這是我一直留下的原因! 不過,這份工作令我的情緒也影響很大,我常常都會擔心呢樣擔心o個樣,驚自己對外時會應付不來!!!~~~
我知道每份工作都有其優劣,新的工作亦會有新的難題,希望自己去到一個新環境可以新開始!!!~~~
2011年9月22日 星期四
生活的態度
上星期六再去看西醫,今次醫生"落重藥", 吃完後我出現手震呢(因為某種藥物會有此副作用),不過吃完藥後很快就康復!!!~~~
自己身體一向不好,最近甲狀腺的問題愈來愈嚴重,加上近日香港甚至全球的經濟都轉壞,我自己手頭的投資也損失嚴重,而且下個月轉工後又要減人工,所以自己的心情真的不太好!!!~~~
自己要兼顧工作、學習和身體,有時我都覺得幾辛苦!雖然我自己知道比好多人幸福,但有時候我都會問,點解自己不斷去做,到頭來好像都係 "得個桔" , 我辛辛苦苦究竟係為乜呢,為何做極都看不到成果???!!!
我很喜歡看幸福家庭-師奶007的blog,一來可以知道外地生活的點滴,二來我都幾認同她這篇blog--<玩指甲>的內的觀點,做人簡單開心已經好足夠!
看完這篇文章,我有時會反問自己,我經常都覺得不滿足,是因為自己"多思多慮"的性格(講得難聽的話,我都算是一個"怕死"的人)抑或我是一個心多和貪心的人呢?
看來,我真的好好檢討自己!!!~~~
2011年9月8日 星期四
訂閱：
文章 (Atom)