假期前後

28-3-2013 (星期四)

今年復活節假前夕撞O岩係我部門年結的日子,所以呢晚要一OT!

先食左飯才開工,到近九點就整好哂野,可以放工回家!!!

我去旅行要同阿姐請假,阿姐知我要去新加坡,仲借本書找睇!!!

 

另外,有同事去完日本回來,買了漂亮的面油紙給我們!!!

29-3-2013 (星期五)

今日開始放假.先去屯門旅行社攞出發的資料,我今次要早上六點三去到機場,希望趕得切!!!

係屯門行街見到uniqulo有牛仔褲特價,我買左條牛仔褲!!!~~~改褲腳,等左兩個鐘,即日攞得!!!~~~

放假前的工作周

昨天好大雨,無出街做野,放工到尖沙咀聽講座!!!~~~

今個星期五就開始放復活節假,而我自己稍後又會請假去旅行!!!所以我今個星期有兩日出街做野!!!~~~星期一到金鐘,今日去左深水埗! 今日趁食飯時間行左一陣街,買左頂帽俾自己去旅行時用!!!

放工去左深水埗的樹記買豆腐製品,我算好彩,去到時唔係太多人,等左幾個人就到我! 我買完時條隊就開始多人呢!!!~~~

今日放工仲約左blog友仔俾少少野佢,之後就回家!!!~~~

明晚係我一年一度要開OT的日子(年結),所以會夜放工!!!~~~

周日--考試加行街

今日到達考試場地時,見到好多同行,仲見到而家和以前的同事.....估唔到我阿姐都會參與今次的考試呢(我阿姐係靚太一名,我以為佢都唔志在)!!!~~~

考試後,和朋友去左旺角 "老點"食點心,我們坐的位置較遠,所以有少少熱,野食我覺得一般而已,不算十分突出!!!

食完野我們去左旅行社,我已經有三年無去過旅行,對上一次去旅行已經係2009年同呢位朋友仔去台灣!!!~~~

今次我們選擇去新加坡和馬來西亞,因為我們兩個都未去過這兩個地方!!!我們選了一個四天團,會在4月6日出發!!!~~~

放假

最近瞓得唔係咁好而且星期日又要考試,所以今天放自己一日假!

早上瞓到十點幾起身,下午又再瞓左一陣,今日暫時作左兩篇文,仍然覺得自己寫得唔係咁好,希望考試時可以應付得來!

今次我有朋友都參加左考試,佢都覺得應該好大競爭°

所以,我同自己講,盡全力去應付,唔好諗咁多!

天氣+睡眠

最近睡得差,加上天氣好潮濕,搞到成個人都好似好累咁!!!

上星期日晚睡得不太好,很晚才入睡,結果星期一中午好眼瞓!!!但我放工之後都堅持無開電腦,仲作左篇文(雖然作得唔好)!!!

今日出街做野,去左三個地方,其中有一個地方有d難搞,明天要返去稟報情況,睇下上頭有乜指示!!!

今天下午開始落雨,好多地方仲行雷,幸好我下午係油麻地時唔係太大雨!!!

未來一兩日,如果可以的話,我都唔想出街做野住,因為怕天氣唔穩定呢!!!

星期日就考試,加上我咁累,所以我都想放返一日假休息下!!!~~~

爭取時間

今日上午出左街買野,返到家已超過兩點!

回家食少少生果後,即刻作文,因為下星期就考英文筆試!!!英文筆試要在一小時內作一篇文,字數據聞係500字以上,對我來說真的有點難度呢!!!~~~

作完第一篇文,再吃少少野,我見仲有時間,所以再作多一篇!!!不過,我仍然覺得自己作得只係一般而己!!!~~~

混桔

昨晚見到某電訊商今日會有某些型號的手機減價,咁o岩我和我阿姨都想買電話,所以我們一齊出銅鑼灣!

 

今日下午2點先正式開始發售,我們一點到達時已經超級多人排隊,排我們後面都有唔少人呀! 其間都有警察過來拉起 "膠布"等人排隊排好d!2點開始賣,到2點半條龍都未移動過,我阿姨行上前面睇下,發現我想買的型號已沽清,跟住我再上去店舖前面望下,睇到阿姨心儀的款式都賣哂!!!真係有無搞錯,放得幾個人入去就賣哂兩款型號,又唔限人買幾多部,離哂大譜!!!~~~

離開隊伍後,我同阿姨去左南記食米綫,因為阿姨好少去港島,所以佢未食過南記。但波斯富街呢間南記d米綫好難食,差過我平時係灣仔食的那間,仲難食過我係屋企自己整的米綫!!!我們食完野時,依然見到好多人排隊等買電話!!!食完野我們行左一陣希慎廣場就回家了,因為排左咁耐隊再加上坐咁遠車真係好累!!!~~~搞左一大輪又買唔到電話,真係混桔,仲要今日成日都出左街,無為下星期的英文筆試作預備!!!

另外,呢兩日d殺父母血案新聞真係好得人驚!!!~~~

返工+聽講座

因為下星期日就考英文筆試,昨晚放工我見比較得閒,所以食完晚飯後無上網,花一個小時作篇文,模擬下考試的情況。原來一小時要完成一篇作文時間真的好緊迫呀,我都有少少擔心到時考試我會唔夠時間做!!!~~~

今天因為下午要聽講座,所以無出街做野!!!

有時當我在辦公室聽到我"下屬"講某d野,我真係唔太認同佢o既觀點,好想駁返佢......但當我諗深一層,係工作場所都係唔好太過多言,免得俾人覺得我多咀.....
但我個心有時又唔抵得,所以,我同自己講,每個人睇法都唔一樣,我要學習唔好理會佢講乜野,做好自己工作就好了......

下午的講座係講中醫和壓力的,但講者係大陸人,佢d廣東話令我聽得有點辛苦......再加上佢只係照讀內容,所以我對今次講座有少少失望呀!連坐我隔離的那位聽眾都覺得今次的講座認真麻麻!!!

工作行程緊湊的一天

今日都係出街做野,仲要上下午共去兩個地方,早上兩個地點都是在九龍!!!中午係葵芳食飯,新都會廣場無乜自由行,聽唔到普通話,無人拉o急,唔會擠迫,商場多數都係本地人或者係商場樓上寫字樓返工!!!

食完飯先去葵涌做野,再出返九龍, 點知去到最後一個地方,負責有關工作的同事不在辦公室,我要再揾時間去過......今日係今年最熱的一日,今天係咁騰來騰去真係幾辛苦!!!話說我有同阿姐提出咁一日去咁多個地方好頻撲,阿姐提議可以半日出街做野,半日回辦公室...分散d去做......不過我那位"下屬"話半日出街做野,半日回辦公室,車錢相對會貴喎(我們由家中去工作的地點無得申領車錢,由一個工作地點去另一個工作地點就可以申領車錢)...所以佢用最少車錢由家中出發去某一工作地點,之後去幾個地方工作,臨放工的地點就番佢回家的地咁佢中間的車錢可以全數申領...佢所花的車費就無咁貴......而且佢一日去幾個地點,中間有多d時間(中午食飯時間)俾佢走盞做自己野,如果做完野半日,另外的半日要返辦公室佢就無咁自由,所以我"下屬"好喜歡一日走幾場,佢話分開去做 "仲麻煩"喎......

遲d夏天,天氣仲熱,我到時真係可能要改變呢種一日走幾場做法,希望最多一日去兩個地方就好了!!!~~~

雖然我而家份工唔需要OT, 但以上係我工作上"苦"的一面,亦是我對現時工作之最討厭的一個環節......不過正如我之前咁講,我唔會長時間都做呢個位,日後我都會調職的,所以我都會安慰自己唔好咁介懷!!!~~~

外出工作

上星期全部返工時間都返自己灣仔的辦公室,今個星期又開始出街做野的日子!!!

今期的工作每日都會去幾個唔同地點,我阿姐唔需要做呢類工作,所以得我和我同事,其實佢嚴格來說是我的下屬,但佢冧得我阿姐掂,所以佢都唔係太放我在眼內!!!~~~

今早先要去觀塘,去親觀塘我呢位同事好多時會遲到,因為佢話塞車喎!!!今早佢遲到,所以我自己開工先,免得做唔切d野!!!~~~

係觀塘做完野後,我同呢位同事講左下午的工作地點和時間,因為佢唔會同我食飯的,所以我們係各自各去下一個工作地點!!!

我自己先去食飯,再行左一陣,之後坐地鐵去探下blog友仔,順便係花園街望左兩望! 之後坐小巴去下午的工作地點......

我去到目的地後,收到呢位同事電話,話佢要比原定時間遲20分鐘先可以到達,結果我去左附近的圖書館坐!!!~~~佢到達後我們再開始工作,我聽到佢同人傾電話,從電話的內容我估佢食飯時間應該係去左旅行社報名去旅行,結果搞到咁遲......

我呢位"下屬" ,就是那個我叫自己要摒棄個人成見的同事,您們可能會奇怪,既然佢成日都遲到(平時佢返工都好遲,今天仲要上下午都遲,但佢覺得無野喎,唔會講唔好意思), 作為上司的我點解 "無反應" 喎......

但我想講,我呢位"下屬" 係十分之得我阿姐心,我阿姐在評核報告每次都俾最高等級(A)佢,連我都攞唔到A呀,我邊有資格話佢呀……

加上佢好識做人,係阿姐面前好少遲到,仲會爭住幫阿姐拎野,又會在我們辦公室煲水和斟水俾阿頭飲(我們辦公室有水機,但有幾位同事喜歡飲煲過的水,而我呢位”下屬” 帶左個電水煲返辦公室,所以佢一煲完水就會話 “水滾喇”, 仲會拎埋個水壺入阿頭間房斟水佢飲)!!!~~~

我就無咁好資格飲佢D滾水呀,我都係飲水機的水就算……有時我都唔明其他同事點諗,既然想飲煲過的水,點解唔自己帶個水電水煲呢,自己鍾意幾時飲就自己煲,做乜要痴人地個煲呢???想飲滾水又懶得自己去裝水和煲水???所以造就我呢位”下屬”係眾人面前樹立左 “照顧周到”的形象!!!

其他人仲以為我有位得力助手,唔知道佢成日都遲到,做野又唔係特別醒,有時都會有d大意……所以,我一直都唔係太喜歡呢位同事, 因為我覺得佢做野唔夠自律和認真,遲到啦, 傾電話,食完飯人地個個開始做野佢仲一面剥橙一面翻報紙,成日掛住打理佢d魚,洗魚缸(佢o係公司養魚), 又成日玩電話 (係我阿姐面前都照玩,因為我阿姐都經常玩電話)…偏偏佢有佢o既生存之道,甚至 “得寵” 過我呢d顧住做野的人(我阿姐雖然對我幾好,但佢錫其他同事多過其我,呢d野唔係我作,而係曾經有另一個不是隸屬我阿姐的同事有次傾開計,話佢覺得我阿姐好錫那位有經歷的同事)……咁我呢位有經歷的同事比我 “下屬” 好得多,所以我都唔會唔順利...

每當諗起呢d事, 我都會忟忟地, 但我完全奈佢唔何, 唯有同自己嬲和計較都無用,做哂野咪放工囉, 反正我總會調職,做多一段時間我就會調去另一個職位!!!~~~我亦都唔會同人爭籠,我都係本著做好自己本份和負任的態度去工作, 但可能我唔埋堆又唔叻同人social, 所以會蝕底d!

再講番今日去圖書館,因為我要過兩個星期要考英文筆試,所以諗住睇下有無書o岩借啦, 點知d書都係講d比較表面的東西,所以無借到書,我打算睇多d英文報紙作預備!!!~~~

 

週末

呢幾日上網買左幾樣野,入左幾次錢,雖然每次金額不多,但暫時都唔好再亂買野住!!!~~~ 昨天收到信通知3月24日就要考英文筆試,我最近趁星期六日放假都有試下在家作下文,但可能太耐無寫野,覺得自己寫得唔太好!

筆試(英文作文)只有一個小時,要作一篇文章,時間真的很緊迫呢,希望自己到時可以有好的發揮吧!!!~~~

中午有人請食飯

今天是三八婦女節,雖然無乜人會慶祝,但咁o岩今日有人請食午飯!!!我們部門隔離組有兩位老闆升級,兩位老闆除左請佢地自己組的人食飯,仲請埋我們這組人! 所以,今天我們全組都齊人,中午出席呢個慶祝高層升職飯局!!!

今天飯局總共有三圍枱,第一圍主要係高層人士和老闆級,我們那組坐第二圍,另一組坐第三圍! 我們坐的那圍得4個男士,其餘8個都係女士,所以飯面都食剩近一半!!!

點菜同事揀左楊枝金露作甜品,但我唔飲凍野,坐我隔離位同事都唔食楊枝金露,我們兩個諗住唔食甜品就算! 待應就話,入左單的,此時我另一位同事靈機一觸,叫酒樓換兩客紅豆沙給我們,熱的紅豆沙都幾好味,因為我只食半碗,所以我未食之前分左d給隔離位同事,佢全部食哂,仲話好味呀!!!~~~

驚驚

今日唔需要出街做野,所以都係返灣仔的辦公室!!!近中午食飯時間(大約12:30左右),其中一位同事(就是之前說過有唔少經歷的那位)身體不適,我阿姐話可以陪佢去醫院。同事即刻致電她的丈夫,幸好她丈夫當時在港島開會(她丈夫平時在新界返工),她丈夫立即截的士過來接她去醫院!!!

在等待她丈夫來接她之際,我都好擔心佢情況,當時除左我呢位同事之外,唔計我阿頭(阿頭係男士),仲有我,我阿姐和另一個女同事在公司!!!~~~而我阿姐和另一個女同事本來一點鐘要去聽講座,所以同事話如果佢先生到步時叫我陪佢落樓下,我當然同佢講話無問題啦,仲叫佢唔使再理手頭上的工作,我會幫佢埋尾....,我們等左大約15-20分鐘,到接近12:50, 佢先生到左灣仔,咁o岩我阿姐和另一位同事都夠鐘出去聽講座,所以最後阿姐叫我唔使出去,阿姐和另一位女同事一齊送她落樓下等佢先生...

大約三點幾同事跟我阿姐報平安,原先她和她先生坐的士去左私家醫院,點知話要等到五點先有得睇,所以佢地即刻轉去公立醫院!!!醫生叫佢多d休息,希望佢一切平安!!!~~~

和舊同事相聚

難得返到灣仔的辦公室,所以今日趁機約左舊同事食午飯。 呢位朋友雖然只係大我一歲,但已經結左婚生埋仔,佢仔仔下個月就滿一歲!!!~~~

朋友今日同我食飯之餘,仲送左呢間餅店(http://www.blessingshk.com/about.php)的曲奇餅給我,每包曲奇餅上面仲會綁住張卡仔,上面有d鼓勵說話的,真係好多謝佢!!!~~~食完飯我見有時間,朋友仲陪我行左一陣街睇下野!!!~~~

由於今日飲茶時有點心漏單無o黎到,所以我食得唔多野,同朋友分別後,我去麥當勞買左個包先返自己辦公室!!!~~~

其實係我約朋友今日食飯之前,上個星期本身有其他人用公司電郵(一位較高級的同事,是我的mentor)約我今日食午飯的,但我和她們(我mentor約埋佢其他mentee)話題較少,所以我後來睇到電郵後都無覆到佢地...我以為佢地唔會再理我咁多啦....估唔到我mentor今早會發短訊和打電話給我,佢話發左電郵給我無收到回覆(我之前有好大段時間出左街做野,無返公司睇電郵), 呢位mentor都有關心和問候下我...我就同佢講之前在外面工作,所以無睇到電郵呀!!!~~~

諗返轉頭,我都覺得自己成日唔多理佢(睇左電郵後唔去而又唔覆佢)都有少少衰(因為我mentor係好out-spoken,而我又非常內向,所以我覺得同佢唔同夾)...雖然大家性格喜好有唔同,但畢竟她都是希望關心下同事和聯絡下對方先會約我食飯, 下次有機會我都會和她來個午飯聚!!!~~~

峰迴路轉

由於最近多左講自己返工的事,所以開左一個新分類"工作點滴", 專係記低工作的事情!!!

話說我們組的阿頭快將調職(之前在自助餐時已預告左),雖然未有白紙黑字公佈邊個會調過來,但有關人士已經收到風聲,仲親自上過我們辦公室一趟認識下環境!!

當我們以為下一個阿頭已經有定案時,今日最新消息話會有新人選,呢個新人選風評仲要不太好呀......

所以,現時邊個會做我們的新阿頭仍然係知之數......

出街

細佬下星期生日,所以今天請他和家人們一齊出去食野。

食完野我們去左屯門行街,主要想睇衫和電話,但都無買到任何野!!!

行屯門時經過親友任職的金鋪,我們都有行入去睇下野手鐲,佢任職的金鋪都幾好生意!!!屯門市廣場好多遊客係服務台排隊,唔知佢地係咪有野換!!!

行完街本來想去我家附近新開的圖書館睇睇,但今日出街覺得凍左好多,有風而且間中有雨,所以行完街直接回家!!!

又結束一個工作地點

上星期開始到東九龍工作,呢個項目今日已經完經,下星期可以返自己的辦公室坐下做下自己野!!!

我初初都幾唔慣呢種好似 "遊牧民族" 成日要四圍走的工作,但做落其實都可接受,因為同事都算幾好,工作唔算難做,而且不用OT, 這已經很不錯呢!!!~~~

返自己辦公室整理下之後,3月第二個星期應該又會再周圍去下不同的地方做野!!!~~~